Levítico 14:8 - DIOSPA QHELQACHISQ

⁸ Pichus llimphuchakojqa p'achanta t'ajsanan tiyan, jinallataj tukuy chujchanta raphakonqa. Chantapis mayllakullanqataj, ajinamanta llimphupaj qhawasqa kanqa. Chaymantaraj jaraman yaykuponqa. Chaywanpis qanchis p'unchaytaraj paypa toldonmanta jawallapi tiyakonqa.

Qheshwa Biblia DC

⁸ Pichus llimphuchakojqa p'achasninta t'ajsakonqa, jinallataj pelosninta ruthukonqa, ajinamanta llimphuchasqa kanqa. Chaymantaraj yaykonqa jaraman, chaywampis qanchis diastaraj paypa toldonmanta jawapi tiyakonqa.

DIOSPA QHELQACHISQAN DEUTEROCANONICAL

⁸ Pichus llimphuchakojqa p'achanta t'ajsanan tiyan, jinallataj tukuy chujchanta raphakonqa. Chantapis mayllakullanqataj, ajinamanta llimphupaj qhawasqa kanqa. Chaymantaraj jaraman yaykuponqa. Chaywanpis qanchis p'unchaytaraj paypa toldonmanta jawallapi tiyakonqa.

Levítico 14:8 ပူးပေါင်းရင်းမြစ်များ

2 Crónicas 26:21

Ajinamanta kuraj kamachej Uzías wañupunankama llejti onqoyniyoj karqa. Chayrayku waj wasipi sapan tiyakorqa, nitaj Tata Diospa Templonpa pationman yaykuyta aterqachu llejti onqoyniyoj kasqanrayku. Jinapi churin Yotán cuentanpi tukuy Judá suyuta kamacherqa.

Éxodo 19:10

Chantá Tata Dios Moisesta nillarqataj: Rispa, israelitakunata niy kunan q'ayatawan ima llimphuchakunankuta. Jinallataj niy p'achankuta t'ajsakunankuta.

Éxodo 19:14

Chantá Moisés orqomanta urayk'amuspa, runakunata Diosta yupaychanankupaj wakicherqa. Paykunataj p'achankuta t'ajsakorqanku.

Levítico 11:25

Jinallataj pillapis kay khurukunamanta wañusqata oqharejqa p'achanta t'ajsakonqa, ch'isiyaykuykamataj mana llimphupaj qhawasqa kanqa.

Levítico 14:20

ch'aki mikhuy jaywanatawan khuska altarpi jaywanqa. Ajinata ruwaspa, sacerdoteqa Tata Diospa ñawpaqenpi chay runaj juchan pampachasqa kananta tarenqa, chay runataj llimphupaj qhawasqa kanqa.

Levítico 14:9

Qanchis p'unchayninmantaj ujtawan tukuy chujchanta raphakonqa. Jinallataj sunkhanta, ñawi qhesiranta, tukuy ukhunpi kaj chujchantawan raphakullanqataj. Chaymantataj p'achanta t'ajsanqa, tukuy ukhuntapis mayllakullanqataj. Chaypacha payqa llimphupaj qhawasqa kanqa.

Levítico 15:13

Sichus chay qharej phichilunmanta q'eya manaña surunchu chayqa, llimphuchasqa kananpaj qanchis p'unchaytawanraj suyanan tiyan. Chaymantataj p'achanta t'ajsakonqa, purej yakuwantaj mayllakonqa. Chaypacharaj q'eya onqoyniyojqa llimphupaj qhawasqa kanqa.

Levítico 8:6

Chaymanta Moisesqa Aaronta, churinkunatawan ima qayllachimuspa, paykunata yakuwan mayllarqa.

Números 6:9

Sichus nazareoj qayllanpi mana yuyasqallamanta pillapis wañupunman chayqa, Diospaj t'aqasqa kasqanta rikuchej chujchan ch'ichipaj qhawasqa kanqa. Jinaqa qanchis p'unchayta suyanan tiyan, chaymantataj chujchanta ruthuchikonqa, ajinamanta llimphuchasqa kanqa.

Números 8:7

Llimphuchasqa kanankupaj kay jinata ruwanki: Llimphuchana yakuwan paykunata ch'ajchunki. Chaymantataj paykunaqa tukuy ukhunkumanta chujchata raphakonqanku, chantá p'achankutapis t'ajsakullanqankutaj. Ajinata levitakunaqa llimphuchasqa kanqanku.

Deuteronomio 21:12

chay warmita wasinman pusachun. Chantá chay warmeqa chujchanta ruthukuchun, silluntataj k'utukuchun.

1 Pedro 3:21

Chay tukoyqa bautismowan ninakun. Bautismoqa mana ukhunchejpa ch'ichinta mayllanchu. Aswanpis noqanchej chaynejta Diospa ñawpaqenpi llimphu sonqo kayta munasqanchejta nishanchej. Kunantaj Diosqa Jesucristoj kawsarimpusqannejta qhespichiwanchej.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa chay jatun ñak'ariypi wañojkuna kanku. Paykunaqa Corderoj yawarninpi t'ajsaspa, p'achankuta yurajyacherqanku.