Levítico 14:7 - DIOSPA QHELQACHISQ

⁷ Chaymantataj llejti onqoymanta llimphuchakojman qanchis kutita chay yawarwan ch'ajchullanqataj, chantá llimphu kasqanta nenqa. Jinaspataj, kawsashaj p'isqota kachariponqa.

Qheshwa Biblia DC

⁷ Chaymantataj qanchis kutita chay yawarwan ch'ajchonqa lepramanta llimphu kaj runata. Jinamanta nenqa lepramanta llimphuña kasqanta. Jinaspataj chay kausashaj p'isqota kachariponqa.

DIOSPA QHELQACHISQAN DEUTEROCANONICAL

⁷ Chaymantataj llejti onqoymanta llimphuchakojman qanchis kutita chay yawarwan ch'ajchullanqataj, chantá llimphu kasqanta nenqa. Jinaspataj, kawsashaj p'isqota kachariponqa.

Levítico 14:7 ပူးပေါင်းရင်းမြစ်များ

2 Reyes 5:10

Eliseotajrí uj runata kacharqa ajinata ninanpaj: Jordán mayuman rispa, qanchis kutita p'ultikamuy, ukhuykitaj llejti onqoymanta llimphu rikhurenqa, nispa.

2 Reyes 5:14

Chantá Namanqa Jordán mayuman rispa, Diospa sut'inchajninpa nisqanman jina qanchis kutita p'ultiykakamorqa. Chaypipachataj ukhonqa wawaj ukhunman jina tukorqa, llimphuyachisqataj karqa.

Salmos 51:2

2 (4) Tukuy millay ruwasqaymanta mayllaway, juchaymantataj llimphuchaway.

Salmos 51:7

7 (9) Hisopo qhorawan llimphuchaway, llimphutaj kasaj. Mayllaway Tata Dios, noqataj rit'imanta aswan yuraj kasaj.

Isaías 52:15

Ajinallatataj tukuy suyuta t'ukuchenqa. Kuraj kamachejkuna paypa ñawpaqenpi ni parlariytapis atenqankuchu, imaraykuchus mana jayk'aj rikusqankuta rikonqanku, jinataj mana jayk'ajpis uyarisqankuta entiendenqankuchu.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Daniel (hebreo) 9:24

Diosqa qanchis chunka semanata t'aqan israelitakunawan, Diospaj t'aqasqa llajtanwan ima Diospa contranta oqharikusqankumanta kutirikunankupaj, juchallisqankumanta, millay ruwasqankumantataj qhespichisqa kanankupaj ima. Chaymantataj Diosqa cheqan kajta wiñaypaj sayachenqa. Ajinata mosqoypi jina rikusqayki, sut'inchajkunaj willasqanku ima junt'akonqa, may llimphu cheqapis Diosllapaj t'aqasqa kanqa.

Levítico 13:13

sacerdote payta allinta qhawanqa. Sichus llejti onqoy chay runaj tukuy ukhunman junt'aykushasqanta qhawan chayqa, sacerdote nenqa chay runa llimphu kasqanta. Llimphu kanqa, imaraykuchus runaj ukhonqa yurajman tukun, chayrayku.

Levítico 13:17

Sacerdotetaj payta qhawanqa. Sichus llejtiyasqa aycha yurajyapusqanta reparanqa chayqa, sacerdote nenqa chay runa llimphuña kasqanta, aychan llimphuña kasqanrayku.

Levítico 14:51

Chantá wañusqa p'isqetoj yawarninwan, jinataj juturimanta yakuwan, cedro k'aspita, hisopo qhorata, puka q'aytuta, chantá kawsashaj p'isqetutawan ima joq'ochanqa. Jinaspataj, chay wasita qanchis kutita yakuwan, chantá yawarwan ima ch'ajchonqa.

Levítico 16:14

Chaymantaqa torilloj yawarninmanta uj chhikata jap'ispa, arcaj kirpananta inti llojsimuynej ladota ruk'ananwan ch'ajchonqa. Chantá kirpanaj ñawpaqenta ruk'ananwan qanchis kutita yawarwan ch'ajchullanqataj.

Levítico 16:19

Jinaspataj, altarta yawarwan qanchis kutita ch'ajchonqa. Ajinamanta altarta israelitakunaj juchallispa ch'ichichasqankumanta llimphuchaspa, Diospaj t'aqanqa.

Levítico 16:22

Ajinata chivoqa israelitakunaj tukuy juchankuta ch'inman apanqa.

Levítico 4:17

Chantá pay maki ruk'ananta yawarman chhapuspa, Tata Diospa ñawpaqenpi, cortina cheqanejman qanchis kutita ch'ajchonqa.

Levítico 4:6

Chaypitaj kuraj kaj sacerdoteqa maki ruk'ananta yawarman chhapuspa, Tata Diospa ñawpaqenpi cortina cheqanejman qanchis kutita ch'ajchonqa.

Levítico 8:11

Chay kikin aceitellawantaj qanchis kutita altarta ch'ajchorqa. Chaymantataj Moisés altarta, chaypi kaj tukuy imatawan aceitewan jawerqa. Jawillarqataj broncemanta ruwasqa jatun ch'illamita, sayanantawan, Tata Diospaj t'aqasqa kananpaj.

Miqueas 7:19

Aswan qhepaman ujtawan noqaykumanta khuyarikuwayku. Juchaykuta chakiykiwan saruranki, mama qocha ukhumantaj millay ruwasqaykuta wijch'uykunki.

Números 19:12

Kinsa kaj p'unchaypi, qanchis kaj p'unchaypiwan, llimphuchakunapaj yakuwan mayllakonqa, chantá llimphupaj qhawasqa kanqa. Sichus mana kinsa kaj p'unchaypi, nitaj qanchis kaj p'unchaypipis llimphuchakonqachu chayqa, mana llimphupaj qhawasqa kanqa.

San Juan 19:34

Chaywanpis ujnin soldado lanzawan Jesuspa wajtannin chaynejta t'ojserqa, chay kikinpachataj yawar, yaku ima surumorqa.

Hebreos 10:22

Chayrayku ch'uwa sonqowan Tata Diosman qayllaykunachej, tukuy sonqo Cristopi atinikuspa, imaraykuchus pay wañusqanwan sonqonchejta tukuy juchamanta llimphuwarqanchej, llimphu yakuwanpis ukhunchejta mayllanman jina.

Hebreos 12:24

Aswanpis Jesusman qayllaykorqankichej, pinejtachus Dios mosoj tratota qankunawan ruwarqa, chayman. Jinallataj Jesuspa yawarnin ch'ajchusqaman qayllallankichejtaj. Chaywanpis chay yawarqa runaj juchan pampachasqa kananmanta parlan, mana Abelpa yawarnin jinachu wañuchisqa kasqanmanta vengakunamanta.

Hebreos 9:13

Ñawpajta chivokunajta, chayrí torillokunajta yawarnin, china waka uña q'olachisqaj ushphan ima mana llimphupaj qhawasqa runakunaman qhallisqa karqa. Ajinata ruwaspataj, runakunaj ukhunpa jawallanta llimphuchaj kanku.

Hebreos 9:19

Maypachachus Moisés kamachisqaj tukuy nisqanta israelitakunaman ñawiriporqa chaypacha, pay torillokunaj yawarninta, chantá chivokunaj yawarninta ima chuwapi yakuwan chajrorqa. Chantá tiñisqa puka millmawan, hisopo qhorawan ima chay p'anqaman, chantá tukuy israelitakunaman ima ch'ajchuykorqa.

Hebreos 9:21

Chaymantataj Moisesqa Dioswan Tinkukuna Toldota, chantá chaypi Diosta yupaychanapaj kaj imakunatawan yawarwan ch'ajchullarqataj.

Hebreos 9:26

Mana jina kanman karqa chayqa, kay pacha ruwasqa kasqanmantapacha Cristoqa ashkha kutitaña wañunman karqa. Kunantajrí chay p'unchay junt'akojtin, pay kikin wañunanpaj jaywaykukuspa, uj kutillata wiñaypaj rikhurin juchata pampachananpaj.

1 Pedro 1:2

Tata Diosqa qankunata ñawpajmantapacha ajllakusorqachej, wakichisqanman jina Santo Espiritunejta qankunata juchamanta t'aqaspa. Payqa Jesucristota kasunaykichejpaj churasorqachej, Jesucristo cruzpi wañusqanraykutaj llimphuchasqa kanaykichejpaj. Kunantaj napaykuykichej: Diosqa qhasilla k'acha yanapayninta, chantá sonqo tiyaykuyta ima qankunaman qochun, nispa.

1 Juan 5:6

Jesucristo kay pachaman jamuspa, yakuwan bautizasqa karqa, chantá wañuspataj, yawarninta jich'arqa. Mana yakunejllatachu Jesusqa Diospa Churin kasqanta sut'incharqa, manachayqa yakunejta, chantá yawarnejta ima. Santo Espíritu cheqatapuni parlaj jina kayqa ajinapuni kasqanta sut'inchan.