Levítico 14:5 - DIOSPA QHELQACHISQ

⁵ Chaymantataj sacerdoteqa juturimanta yakuyoj t'uru manka patapi ujnin kaj p'isqota wañuchinankuta kamachenqa.

Qheshwa Biblia DC

⁵ Jinaspataj kamachenqa ujnin p'isqota wañuchinankuta uj t'uru manka patapi, mayqenchus kanqa juturi yakuyoj.

DIOSPA QHELQACHISQAN DEUTEROCANONICAL

⁵ Chaymantataj sacerdoteqa juturimanta yakuyoj t'uru manka patapi ujnin kaj p'isqota wañuchinankuta kamachenqa.

Levítico 14:5 ပူးပေါင်းရင်းမြစ်များ

Levítico 14:4

chay onqosqa llimphuchasqa kananpaj, llimphupaj qhawasqa p'isqomanta iskayta apamunanta kamachenqa. Kamachillanqataj cedro k'aspita, puka q'aytuta, chantá hisopo qhoratawan ima onqosqa runa apamunanta.

Levítico 14:50

Jinaspataj, juturimanta yakuyoj t'uru manka patapi ujnin kaj p'isqetuta wañuchenqa.

Levítico 14:6

Chantá kawsashaj p'isqota, cedro k'aspita, puka q'aytuta, hisopo qhoratawan oqharispa, juturi yaku patapi wañuchisqa karqa, chay p'isqoj yawarninwan joq'ochanqa.

Números 5:17

Chaymantataj Tata Diosman jaywasqa yakuta t'urumanta ruwasqa qeruwan wisenqa. Chaymantaj Dioswan Tinkukuna Toldoj pampanmanta uj chhika jallp'ata jich'aykonqa.

2 Corintios 13:4

Arí, pisi kallpayoj jina cruzpi chakatasqa karqa, kunantajrí Diospa atiyninrayku kawsashan. Ajinallatataj ari, noqaykupis pisi kallpayoj kayku, imaynachus Cristo karqa, ajina. Chaywanpis paywan ujchasqa kawsashayku Diospa atiyninrayku qankunata yanapanaykupaj.

2 Corintios 4:7

Kunan chay k'anchay sonqoykupi kashan. Chaywanpis noqaykoqa t'urumanta ruwasqa manka jina p'akikoj kayku, chay manka ukhupirí may valorniyoj imakuna tiyan. Ajinamanta tukuy reparanku, imatapis ruwanaykupaj chay sumaj ateyqa Diosmanta kasqanta, manataj noqaykumantachu.

2 Corintios 5:1

Noqanchej yachanchej kay pachapi ukhunchejqa toldo jinalla kasqanta. Chantá wañupojtinchej, chay toldo phaskarasqa kanqa. Chaywanpis, janaj pachapi Diospa ruwasqan uj wasi wiñaypaj tiyapuwanchej. Chaytaj mana runaj ruwasqanchu.

Hebreos 2:14

Chay wawakunaqa aychayoj, yawarniyojtaj kanku. Ajinallataj Cristopis paykuna jina kananpaj aychallikorqa, cruzpi wañuspa Kuraj Supayta atipananpaj, pichus runakunata wañuchinanpaj atiyniyoj karqa, chayta.