Levítico 14:4 - DIOSPA QHELQACHISQ

⁴ chay onqosqa llimphuchasqa kananpaj, llimphupaj qhawasqa p'isqomanta iskayta apamunanta kamachenqa. Kamachillanqataj cedro k'aspita, puka q'aytuta, chantá hisopo qhoratawan ima onqosqa runa apamunanta.

DIOSPA QHELQACHISQAN DEUTEROCANONICAL

⁴ chay onqosqa llimphuchasqa kananpaj, llimphupaj qhawasqa p'isqomanta iskayta apamunanta kamachenqa. Kamachillanqataj cedro k'aspita, puka q'aytuta, chantá hisopo qhoratawan ima onqosqa runa apamunanta.

Levítico 14:4 ပူးပေါင်းရင်းမြစ်များ

Salmos 51:7

7 (9) Hisopo qhorawan llimphuchaway, llimphutaj kasaj. Mayllaway Tata Dios, noqataj rit'imanta aswan yuraj kasaj.

Éxodo 12:22

Corderoj yawarnintataj uj ch'illamipi jap'inkichej. Chantá hisopo qhorata yawarman chhapuspa jawinkichej, wasiykichejpa punkunpa pata chakanta, chantá iskaynin k'aspintawan. Chantá sut'iyamunankama ni pipis wasimanta llojsinanchu tiyan,

Levítico 1:14

Sichus pipis Tata Diosman q'olachispa jaywanapaj phawajkunamanta apamunman chayqa, jurk'utata, chayrí urpi irpata apamunan tiyan.

Levítico 12:8

Sichus onqokoj warmejta corderota apamunanpaj mana tiyapunmanchu chayqa, apamuchun iskay jurk'utata, chayrí iskay urpi irpata. Ujnenqa Tata Diosman q'olachispa jaywanapaj kanqa, ujnintaj jucha pampachasqa kananpaj Diosman jaywanapaj kanqa. Ajinata sacerdoteqa warmej juchan pampachasqa kananpaj jaywanqa, warmitaj llimphupaj qhawasqa kanqa, nispa.

Levítico 14:5

Chaymantataj sacerdoteqa juturimanta yakuyoj t'uru manka patapi ujnin kaj p'isqota wañuchinankuta kamachenqa.

Levítico 14:6

Chantá kawsashaj p'isqota, cedro k'aspita, puka q'aytuta, hisopo qhoratawan oqharispa, juturi yaku patapi wañuchisqa karqa, chay p'isqoj yawarninwan joq'ochanqa.

Levítico 5:7

Sichus juchallej runajta ovejata rantinanpaj mana tiyapunmanchu chayqa, juchan pampachasqa kananpaj, iskay jurk'uta, chayrí iskay urpi irpata apamunan tiyan, Tata Diosman jaywananpaj. Ujnenqa juchan pampachasqa kananpaj jaywanapaj kanqa, ujnintaj q'olachispa Diosman jaywanapaj kanqa.

Números 19:18

Chantá llimphupaj qhawasqa uj runa chay yakuman hisopo qhorawan chhapuspa, toldota ch'ajchumuchun, chay ukhupi imachus kajta, chaypi kaj runakunatawan ima. Jinallataj ch'ajchonqa pichus runa tulluta, chayrí runa wañuchisqata, chayrí runa wañusqata, jinallataj aya p'ampanata llankhajta.

Números 19:6

Chaymantataj Eleazarqa cedro k'aspita, hisopo qhorata, chantá puka q'aytutawan jap'ispa, maypichus waka ruphashan, chayman choqaykonqa.

Hebreos 9:19

Maypachachus Moisés kamachisqaj tukuy nisqanta israelitakunaman ñawiriporqa chaypacha, pay torillokunaj yawarninta, chantá chivokunaj yawarninta ima chuwapi yakuwan chajrorqa. Chantá tiñisqa puka millmawan, hisopo qhorawan ima chay p'anqaman, chantá tukuy israelitakunaman ima ch'ajchuykorqa.