Levítico 14:14 - DIOSPA QHELQACHISQ

¹⁴ Chantá sacerdoteqa jucharayku jaywasqa uywamanta uj chhika yawarninwan llimphuchakojpa paña ninrinta, paña makinpa machu ruk'ananta, chantá paña chakinpa machu ruk'anantawan jawenqa.

Qheshwa Biblia DC

¹⁴ Chaymantataj sacerdoteqa chay uywaj uj chhika yawarninwan jawanqa llimphuchakojpa paña ningrimpa urannejman, paña makimpa mama dedonman, paña chakimpa mama dedonmanwan.

DIOSPA QHELQACHISQAN DEUTEROCANONICAL

¹⁴ Chantá sacerdoteqa jucharayku jaywasqa uywamanta uj chhika yawarninwan llimphuchakojpa paña ninrinta, paña makinpa machu ruk'ananta, chantá paña chakinpa machu ruk'anantawan jawenqa.

Levítico 14:14 ပူးပေါင်းရင်းမြစ်များ

Éxodo 29:20

Chantá chay corderota ñak'aspa, uj chhika yawarta jap'inki. Chaywantaj Aaronpata paña ninrinpa uranta jawiykunki, jinallataj churinkunaj paña ninrinkoj uranta jawiykullankitaj. Jawillankitaj paña makinkoj machu ruk'ananta, paña chakinkoj machu ruk'anantawan ima. Puchoj yawarwantaj altarpa tukuy muyuyninta ch'ajchunki.

Isaías 1:5

Tata Diospa contranpipuni oqharikuyta munajkuna, imajtintaj ñak'arichisqallapuni kayta munankichejri? Tukuy umaykichejqa k'irisqa, tukuy ukhuykichejpis nanasqa.

Levítico 14:19

Chantá sacerdoteqa llimphuchakojpa jucha pampachasqa kananpaj, apamusqan uywata Diosman jaywanqa. Ajinata sacerdote ruwanqa mana llimphupaj qhawasqa runa llimphuchasqa kananpaj. Chaymantataj q'olachispa jaywanapaj apamusqan uywata ñak'aspa,

Levítico 14:25

Chaymantá sacerdoteqa jucharayku jaywanapaj apamusqan corderota ñak'anqa. Chantá ñak'asqa corderomanta uj chhika yawarninta jap'ispa, llimphuchakojpa paña ninrinta, paña makinpi machu ruk'ananta, paña chakinpi machu ruk'anantawan ima jawenqa.

Romanos 12:1

Ajinaqa wawqe panakuna, Dios khuyakuyninpi qankunata qhespichinanpaj imatachus ruwasqanrayku kayta ruwanaykichejta mañakuykichej: Qankuna ukhuykichejta Diosman jaywaychej mana Diosman jaywasqa uywa jina wañunaykichejpajchu, manachayqa Diospa sonqonta kusichinapaj jina llimphuta kawsanaykichejpaj. Ajinata ruwaspamin Diosta tukuy sonqo yupaychankichej.

Romanos 6:13

Amallataj ukhuykichejta juchalliyta munanaman jaywaychejchu, millay kajta ruwanaykichejpaj. Aswanpis wañusqamanta kawsarimusqa kaspa, qankuna ukhuykichejta Diosman jaywaychej, cheqan kajta ruwanaykichejpaj.

Romanos 6:19

Qankuna mana usqhayllata entiendesqaykichejrayku, noqa wata runamanta rijch'anachinawan parlarqaykichej. Qankunaqa ñawpajta ukhuykichejta jaywarqankichej millay kajta, jinataj ch'ichi kajta ruwanapaj, ajinamantataj juchaj wata runan karqankichej. Kunanrí cheqan kajta ruwaspa kawsanaykichejpaj Diosman wata runa jina jaywaykukuychej, ajinamanta payllapajña llimphuta kawsanaykichejpaj.

1 Corintios 6:20

Dios ashkha preciota pagaspa, qankunata rantikusorqachej. Chayrayku qankuna ukhuykichejwan Diospa munasqanta ruwaspa, payta jatunchaychej.

2 Corintios 7:1

Ajinaqa, munasqa wawqe panakuna, Dios chay imakunata qonawanchejta nin. Chayrayku tukuy mana allin kajmanta karunchakuna, jinataj sonqonchejtapis tukuy ch'ichi kajmanta llimphuchana. Chantá Diosta may jatun respetowan qhawaspa, atisqanchejta ruwana pay jina llimphupuni kananchejpaj.

Deuteronomio 24:8

Llejti onqoymantaqa imaynatachus Leví jatun ayllumanta sacerdotekuna kamachisusqaykichejman jina ruwaychej. Chaytaqa imaynatachus noqa paykunaman kamachisqayman jina kikinta ruwaychej.

Filipenses 1:20

Noqa sut'ita yachani mana ni imapi p'enqachisqa kanayta. Aswanpis tukuy sonqo suyashani kunanpis mayk'ajllapis Cristoj may jatun kaynin noqapi rikuchisqa kananta, kawsasaj chaypis, wañusaj chaypis.

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.