Levítico 14:13 - DIOSPA QHELQACHISQ

¹³ Jinaspataj, sacerdoteqa chay corderota ñak'anqa, maynejpichus jucha pampachasqa kananpaj, chayrí q'olachispa Tata Diosman jaywanapaj uywata ñak'anku, chaypi. Jucha pampachasqa kananpaj Diosman jaywasqa, jinataj jucharayku Diosman jaywasqaqa sacerdotepaj kanqa, chay jaywasqa Tata Diospaj t'aqasqa kasqanrayku.

Qheshwa Biblia DC

¹³ Sacerdoteqa chay corderota ñak'anqa, maynejpichus t'aqasqa cheqapi wañuchinampaj animalesta rikuchikuspaj juchaj cuentanmanta ruphachisqa kanankupaj chaynejpi. Juchaj cuentanmanta rikuchiku, jinallataj juchamanta rikuchikupis sacerdotepaj kanqa, imaraykuchus chayqa sumaj t'aqasqamin.

DIOSPA QHELQACHISQAN DEUTEROCANONICAL

¹³ Jinaspataj, sacerdoteqa chay corderota ñak'anqa, maynejpichus jucha pampachasqa kananpaj, chayrí q'olachispa Tata Diosman jaywanapaj uywata ñak'anku, chaypi. Jucha pampachasqa kananpaj Diosman jaywasqa, jinataj jucharayku Diosman jaywasqaqa sacerdotepaj kanqa, chay jaywasqa Tata Diospaj t'aqasqa kasqanrayku.

Levítico 14:13 ပူးပေါင်းရင်းမြစ်များ

Éxodo 29:11

Chaymantataj Dioswan Tinkukuna Toldo punkupi, Tata Diospa ñawpaqenpi chay torillota ñak'anki.

Ezequiel 42:13

Chantá chay runa niwarqa: Wichaynejpi cuartokuna, jinallataj uraynejpi cuartokunapis, mayqenkunachus patiopi kashanku, chaykuna Diospaj t'aqasqa kanku. Chaypi Tata Diospaj t'aqasqa sacerdotekuna mikhunku Tata Diosman jaywasqa kaj imakunata. Paykunaqa chayllamantaj Diosman jaywasqa imakunata churanku, uywa ñak'asqata, jucharayku jaywasqata ima, chay cheqaqa Diospaj t'aqasqamin kasqanrayku.

Levítico 1:11

Chantá chay uywata pichus apamojqa, Tata Diospa ñawpaqenpi altarmanta wichaynejpi ñak'anqa. Chaymantataj Aaronpa churinkunamanta sacerdotekunaqa uywaj yawarninta altarpa tukuy muyuyninman ch'ajchonqanku.

Levítico 1:5

Chantá Tata Diospa ñawpaqenpi torota ñak'anqa. Chaymanta Aaronpa mirayninmanta kaj sacerdotekuna toroj yawarninta jap'ispa ch'ajchonqanku, Dioswan Tinkukuna Toldoman yaykuna punkupi altarpa patanta, chantá tukuy muyuyninta ima.

Levítico 10:17

Imaraykutaj jucha pampachasqa kananpaj jaywanamanta Diospaj T'aqasqa Cheqapi mana mikhorqankichejchuri? Chayqa Tata Diospaj t'aqasqamin karqa. Chayta Tata Dios qankunaman qosorqachej, qankuna israelitakunaj juchankuta apanaykichejpaj, chantá paykunaj juchanku Tata Diosnejta pampachasqa kananpaj.

Levítico 2:10

Diosman jaywanamanta puchojrí, Aaronpaj chantá churinkunapaj ima kanqa. Diosman jaywanamanta puchojqa Tata Diospaj t'aqasqa kasqanrayku, maypaj qhawasqa kanqa.

Levítico 2:3

Jaywanamanta puchoj jak'utaj Aaronpaj, churinkunapajwan ima kanqa. Chay jak'utaj Tata Diospaj t'aqasqa kasqanrayku, maypaj qhawasqa kanqa.

Levítico 21:22

Tata Diosman jaywana t'antata, jinataj Diospaj t'aqasqa imakunamantapis mikhuyta atillanqa.

Levítico 4:24

Chantá kamachejqa chivoj umanman makinta churaytawan, Tata Diospa ñawpaqenpi chay chivota ñak'anqa, q'olachinapaj maypichus uywata ñak'anku, chaypi. Chayqa jucha pampachasqa kananpaj Diosman jaywanamin.

Levítico 4:4

Torillotaqa Tata Diospa ñawpaqenman, Dioswan Tinkukuna Toldo punkuman apamonqa. Chantá torilloj umanman makinta churaspa, Tata Diospa ñawpaqenpi ñak'anqa.

Levítico 7:2

Jucharayku jaywanapaj apamusqa uywataqa ñak'anqanku, q'olachispa jaywanapaj uywata maypichus ñak'anku, chaypi. Chantá ñak'asqa uywaj yawarninwan altarta, chantá tukuy muyuynintinta ima ch'ajchunanku tiyan.