Levítico 13:45 - DIOSPA QHELQACHISQ

⁴⁵ Pichus llejti onqoyniyojqa llik'isqa p'achata churakuchun, ch'aska umallataj purichun, uyanta suk'umpaykukuspataj, qhaparichun: Mana llimphuchu kani, mana llimphuchu kani, nispa.

Qheshwa Biblia DC

⁴⁵ Pichus ajina llijti lepra onqoyniyojqa llik'isqa p'achasta churakuchun, ch'aska umallataj purichun, siminta qhataykukuspataj qhaparichun: Leprayoj kani! Leprayoj kani!, nispa.

DIOSPA QHELQACHISQAN DEUTEROCANONICAL

⁴⁵ Pichus llejti onqoyniyojqa llik'isqa p'achata churakuchun, ch'aska umallataj purichun, uyanta suk'umpaykukuspataj, qhaparichun: Mana llimphuchu kani, mana llimphuchu kani, nispa.

Levítico 13:45 ပူးပေါင်းရင်းမြစ်များ

Génesis 37:29

Chaymanta mana unayninmanchu Rubenqa pujyuman kutispa, Joseta manaña rikorqachu. Chayrayku llakikuspa, p'achanta llik'ikorqa.

2 Samuel 13:19

Chaypacha Tamarqa umanman ushphata qhalliykukorqa, p'achantataj llik'irakorqa. Makinta umanman churaykukuspataj, sinch'ita qhaparispa wasinman kutiporqa.

2 Reyes 7:3

Chaypachallataj Samaria llajtaj punkunpi tawa llejtiwan onqosqa runakuna kasharqanku. Chaykunataj paykunapura ninakorqanku: Imatataj kaypi ruwashanchej wañupunanchejta suyaspari?

Job 1:20

Chayta uyariytawan, Jobqa manchay llakisqa sayarispa, p'achanta llik'irakorqa, chujchantapis raphakorqa. Chantá pampakama k'umuykukuspa, Diosta yupaycharqa.

Job 42:6

Chayrayku imatachus nisqaymanta p'enqakuni, qanmantaj jallp'a patapi, ushpha patapi ima tiyaspa k'umuykamuyki, nispa.

Salmos 51:3

3 (5) Noqaqa mana kasukuyta munaj kasqayta rejsikapuni, juchallisqaytapis mana qonqayta atinichu.

Salmos 51:5

5 (7) Paqarisqaymantapacha juchallinaman aysasqa sonqo kasqayta yachani. Mamaypa wijsanmantapacha noqa juchasapa kani.

Isaías 52:11

Ayllúy, Babiloniamanta llojsimuychej. Llojsimushaspataj, ama ch'ichipaj qhawasqa kajta llankhaychejchu. Babiloniaj chawpinmanta llojsimuspa llimphuchakuychej, Tata Diosta yupaychanapaj imakunata apajkuna.

Isaías 6:5

Chantá nerqani: Ay, imanasajtaj? Kunanqa wañusajchari, imaraykuchus mana allin parlaj runa kaspapis, jinataj mana allin parlayniyoj runakunaj chawpinkupi tiyakushaspa, ñawiywan Tukuy Atiyniyoj Tata Diosta rikuni, nispa.

Isaías 64:6

Tukuyniyku mana llimphupaj qhawasqa runa jina kayku, tukuy ima allin ruwasqaykupis millay ch'ichi thanta jina. Noqaykoqa sach'a laqhe jina qawiyku, millay ruwasqaykutaj wayra jina apaykachawayku.

Jeremías 3:25

May p'enqayta k'umuykuchisqa kashayku ari, honrayku t'akasqa kasqanrayku pampallata qhawaspa, imaraykuchus wawa kasqaykumantapacha kunankama noqayku, ñawpa tataykukuna ima juchallillarqaykupuni. Jinallataj noqayku Tata Diosniykoj contranpi oqharikuspa, mana kamachisqaykita kasorqaykuchu, nispa. Ajinata israelitakuna nerqanku.

Jeremías 36:24

P'anqamanta ñawirisqata uyarishaspapis, mana kuraj kamachej nitaj yanapajninkunapis mancharikorqankuchu, nitaj uj chhikanta sonqonkuta nanachikojmanpis rijch'akorqankuchu.

Lamentaciones 4:15

Paykunataqa runakuna qhaparinku: Ithiriychej, amataj llojchiwaykuchu, imaraykuchus mana llimphupaj qhawasqa kankichej, nispa. Waj suyukunamanta runakunapis ninku: Paykunaqa qhella puriskiri kanku. Manaña jayk'ajpis kaypeqa ujtawan tiyakonqankuñachu, nispa.

Ezequiel 24:17

Sonqollaykipi waqay, amataj llakiy p'achata churakuychu. Umaykita mayt'ukuy, juk'utaykitapis churaykukuy. Uyaykitapis ama qhatakuychu. Llakiypi kashaspa imatachus mikhunku, chay mikhunata amallataj mikhuychu, nispa.

Ezequiel 24:22

Chantá Israel aylluyman nillaytaj: Qankunapis imaynatachus noqa ruwani, kikillantataj ruwankichej. Uyaykichejtaqa mana llakisqa runa jina qhataykukunkichejchu, nitaj llakiy p'unchaypi mikhunku, chay mikhunata mikhunkichejchu.

Joel 2:13

Sinch'i llakisqa kasqaykichejmanta p'achaykichejta llik'inaykichejtaqa sonqoykichejta p'akikuychej, nispa. Tata Diosniykichejman kutirimpuychej, imaraykuchus Tata Diosqa may khuyakuyniyoj, jatun sonqoyojtaj. Jinallataj pay may pacienciayoj, tukuy munakuyniyojtaj. Jasut'inan kashajtinpis, payqa runaj juchanta pampachan.

Levítico 10:6

Chaymanta Moisesqa Aaronta, chantá Eleazarta, Itamartawan ima nerqa: Ama mana ñajch'asqaqa kaychejchu, nitaj p'achaykichejtapis llik'ikuychejchu wañusqakunarayku llakisqa kasqaykichejta rejsichispa. Sichus chayta ruwankichej chayqa, qankunapis wañuchisqallataj kankichej, Tata Diostaj israelitakunapaj k'arajta phiñakonqa. Ayllu masiykichej israelitakunalla Tata Dios Nadabta, chantá Abiutawan ima ninawan ruphachisqanmanta waqachunku.

Levítico 13:44

chay runaqa llejtiwan onqosqa, imaraykuchus umanpi lleqhe rikhurin. Ajina chayqa, sacerdote nenqa chay runa mana llimphuchu kasqanta.

Levítico 21:10

Kuraj kaj sacerdote kananpaj aceitewan umanpi jawisqa kasqanrayku, sacerdote p'achata churakunanpaj t'aqasqa kashan. Ajinaqa llakisqa kasqanta rejsichinanpaj, ama umanta t'ojluchikonqachu, nitaj p'achantapis llik'irakonqachu.

Miqueas 3:7

Mosqoypi jina rikojkuna, yachajkunapis ima manchay p'enqaypi rikhurenqanku, imaraykuchus Dios mana imatapis mañakusqankuman kutichenqachu.

Números 5:2

Israelitakunata kamachiy tukuy llejti onqoyniyojkunata, q'eyata jisp'ajkunata chantá wañusqata llankhajkunata ima jaramanta jawaman orqhonankuta.

San Lucas 17:12

Uj ranchoman qayllaykushajtintaj, llejti onqoyniyoj chunka runakuna payta taripaj llojsimorqanku. Paykunataj karullapi sayaspa,

San Lucas 5:8

Chayta rikuytawan, Simón Pedroqa qonqoriykukuspa, Jesusta nerqa: Tukuyta Kamachej, noqamanta ithirikuy, imaraykuchus juchasapa kani, nispa.