Levítico 11:8 - DIOSPA QHELQACHISQ

⁸ Chay uywakunaj aychanta ama mikhunkichejchu. Payllamanta wañojtinpis mana llojchillankichejpischu. Chaykunata mana llimphuchu kasqanta qhawankichej.

Qheshwa Biblia DC

⁸ Chay uywaspa aychasninta ama mikhunkichejchu, ni llujchirillankichejpischu wañusqa aychanta. Chay aychaqa mana llimphu nisqa aychapajchu qhawasqa kanqa.

DIOSPA QHELQACHISQAN DEUTEROCANONICAL

⁸ Chay uywakunaj aychanta ama mikhunkichejchu. Payllamanta wañojtinpis mana llojchillankichejpischu. Chaykunata mana llimphuchu kasqanta qhawankichej.

Levítico 11:8 ပူးပေါင်းရင်းမြစ်များ

Isaías 52:11

Ayllúy, Babiloniamanta llojsimuychej. Llojsimushaspataj, ama ch'ichipaj qhawasqa kajta llankhaychejchu. Babiloniaj chawpinmanta llojsimuspa llimphuchakuychej, Tata Diosta yupaychanapaj imakunata apajkuna.

Oseas 9:3

Efrainqa Egiptoman kutirenqa, Asiriapitaj ch'ichipaj qhawasqa mikhunata mikhonqa. Manañataj Tata Diospa suyunpi tiyakonqachu.

Levítico 11:7

Khuchitaqa amallataj mikhunkichejchu, imaraykuchus chaki sillun palqayoj chaypis, mana k'anunchu. Chayrayku khuchitaqa mana llimphuchu kasqanta qhawankichej.

Levítico 11:9

Yakupi kawsajkunamanta kaykunata mikhuyta atinkichej: Mama qochapi, mayupi kajmantaqa tukuy lijrayoj chantá qherpayoj challwakunata mikhuyta atinkichej.

Levítico 5:2

Sichus pillapis mana reparakuspa, ch'ichipaj qhawasqa wañusqa animalta llankhanman, wasi uywata, chayrí pampata qhatatakuspa purej animalta chayqa, chay runa mana llimphupaj qhawasqa kanqa, juchayojtaj.

San Mateo 15:11

Mana imapis runaj siminman yaykojqa payta Diospa ñawpaqenpi ch'ichichanchu. Manachayqa imachus runaj siminmanta llojsimun, chaymá runataqa Diospa ñawpaqenpi ch'ichichan, nispa.

San Mateo 15:20

Chay tukuy millay ruwaykunamá runaj sonqonmanta llojsimuspa, Diospa ñawpaqenpi chay runata ch'ichichan. Mana mayllasqa makiwan mikhuyrí mana runata ch'ichichanchu, nispa.

Marcos 7:15

Mana imapis jawamanta runaj wijsanman yaykojqa payta Diospa ñawpaqenpi ch'ichichanchu. Manachayqa imachus runaj sonqonmanta llojsimun, chaymá runataqa Diospa ñawpaqenpi ch'ichichan.

Marcos 7:18

Jesustaj paykunata nerqa: Qankunapis mana yuyayniyojllatajchu kankichej? Manachu yachankichej ima mikhunapis runaj wijsanman yaykojqa mana Diospa ñawpaqenpi payta ch'ichichasqanta?

Marcos 7:2

Jinapi, paykuna repararqanku Jesuspa wakin yachachisqankuna judiokunaj maki mayllana usunkuman jina, mana makinkuta mayllasqankuta, manachayqa jinalla mikhushajta rikorqanku.

Hechos 10:28

Pedrotaj paykunata nerqa: Qankuna yachankichej jina, noqayku judiokuna mana tantakuyta atiykuchu mana judío kajkunawanqa. Kunanrí, Dios yachachiwan ama pitapis ch'ichipaj nitaj pisipaj qhawanayta.

Hechos 15:29

Ama lantikunaman jaywasqa aychata mikhuychejchu, nitaj yawarta, nillataj jeq'eqasqa chayrí sipisqa uywakunaj aychantapis. Amallataj khuchichakuychejchu. Chaykunamanta karunchakuspa, allinta ruwankichej. Tinkunakama kachun, nispa.

Romanos 14:21

Aswan walej aychata mana mikhuna, nitaj vinota ujyana, nillataj imachus wawqenchejta misk'achispa juchallichinman chaykunata ruwana.

1 Corintios 8:8

Yachanchej mana mikhunachu Dioswan aswan allinpaj qhawachiwasqanchejta. Sichus mana mikhunchejchu chayqa, mana pisipaj qhawasqachu kasunman, nitaj mikhusqanchejrayku aswan allinpajchu qhawasqa kasunman.

2 Corintios 6:17

Chayrayku Dios nillantaj: Paykunaj chawpinkumanta llojsiychej, t'aqakuychejtaj. Ama ch'ichipaj qhawasqa kajta llankhaychejchu, noqataj qankunata jap'ikapusqaykichej.

Efesios 5:11

Laqhapi kajkunaj qhasi manakaj ruwasqankupirí ama ruwaysikuychejchu. Manachayqa imatachus ruwasqanku millay kasqanta reparachiychej.

Efesios 5:7

Ama paykunawan chaykunata ruwaspa chajrukuychejchu.

Colosenses 2:16

Chayrayku qankuna ama kasuta ruwaychejchu pipis imatachus mikhusqaykichejmanta, chayrí ujyasqaykichejmanta juchachasojtiykichej. Amallataj kasuychejchu pipis raymikunata mana ruwasqaykichejmanta, nitaj killa qallariy raymita, samarina p'unchaytapis mana maypaj qhawasqaykichejmanta juchachasojtiykichej.

Hebreos 9:10

Chay ñawpa kamachisqakuna karqa mikhunamanta, ujyanamanta, Diospa ñawpaqenpi llimphu rikhurinapaj imachus ruwanamanta ima. Chaykunataj valorniyoj karqa, Dios tukuy imata mosojyachinan p'unchaykamalla.