Levítico 11:47 - DIOSPA QHELQACHISQ

⁴⁷ Ajinata ch'ichipaj qhawasqata, llimphupaj qhawasqata, mayqen animaltachus mikhunamanta, mayqentatajchus mana mikhunamantapis reparayta atinkichej, nispa. Ajinata Tata Dios nerqa.

Qheshwa Biblia DC

⁴⁷ Chanta rejsinkichej ch'ichi kajta, mana ch'ichi kajtapis, ima animalestachus mikhunamanta, ima animalestachus mana mikhunamantawan.

DIOSPA QHELQACHISQAN DEUTEROCANONICAL

⁴⁷ Ajinata ch'ichipaj qhawasqata, llimphupaj qhawasqata, mayqen animaltachus mikhunamanta, mayqentatajchus mana mikhunamantapis reparayta atinkichej, nispa. Ajinata Tata Dios nerqa.

Levítico 11:47 ပူးပေါင်းရင်းမြစ်များ

Génesis 7:2

Qanqa tukuy llimphupaj qhawasqa uywakunamanta qanchis chinata, qanchis orqotawan barcoman qhatiykunki. Mana llimphupaj qhawasqa kajkunamantarí, uj chinatawan, uj orqollatawan qhatiykunki.

Ezequiel 22:26

Kay suyoj sacerdotenkunapis kamachisqayta p'akillankutaj. Noqapaj t'aqasqa imakunata pisipaj qhawanku. Imachus llimphupaj qhawasqa kajta, chayrí ch'ichipaj qhawasqa kajtapis mana reparankuchu. Manataj wajkunaman yachachinkuchu, imachus Diospaj t'aqasqa kasqanta, mana t'aqasqa kajtapis. Jinallatataj samarina p'unchayniyta mana waqaychankuchu nitaj jatunpaj qhawawankuchu.

Ezequiel 44:23

Sacerdotekunaqa aylluyman cheqan kajta mana cheqan kajmanta reparayta yachachenqanku. Paykuna israelitakunaman yachachillanqankutaj llimphupaj qhawasqa kajtapis mana llimphupaj qhawasqa kajmanta reparayta.

Daniel (hebreo) 1:8

Chaywanpis Daniel sonqonpi nerqa kuraj kamachejpa mikhunanmanta, ujyananmanta ima mana imatapis jap'ikunanta ama Diospa ñawpaqenpi ch'ichichasqa kananpaj. Chayrayku Danielqa kamachina wasipi kamachikunaj kurajninkuta nerqa: Ama ch'ichipaj qhawasqa kanaypaj kuraj kamachejpa mikhunanmanta ama mana munajta mikhuchiwaychejchu, nispa.

Levítico 10:10

Ch'aki sonqo kaspaqa, mayqenchus Diospaj t'aqasqa kajta, mana t'aqasqa kajtapis reparayta atinkichej. Jinallataj mayqenchus llimphupaj qhawasqa kajta, chayrí ch'ichipaj qhawasqa kajtapis, allinta reparayta atillankichejtaj.

Levítico 11:46

Chaykuna kanku animalkunamanta, lijrayojkunamanta, yakupi tukuy kawsajmanta, chantá jallp'a patata qhatatakuspa purejkunamanta kamachisqakuna.

Levítico 12:1

Tata Dios Moiseswan parlaspa, nillarqataj:

Malaquías 3:18

Chantá qankuna ujtawan reparayta atinkichej pichus cheqan, pitajchus mana cheqan runachu kasqanta. Reparallankichejtaj pichus Diosta yupaychasqanta, pitajchus mana yupaychasqantawan, nispa.