Levítico 11:25 - DIOSPA QHELQACHISQ

²⁵ Jinallataj pillapis kay khurukunamanta wañusqata oqharejqa p'achanta t'ajsakonqa, ch'isiyaykuykamataj mana llimphupaj qhawasqa kanqa.

Qheshwa Biblia DC

²⁵ Pillapis chay wañusqa animalesta oqharejqa p'achasninta t'ajsakonqa, ch'isiyaykuykama ch'ichipaj qhawasqa kanqa.

DIOSPA QHELQACHISQAN DEUTEROCANONICAL

²⁵ Jinallataj pillapis kay khurukunamanta wañusqata oqharejqa p'achanta t'ajsakonqa, ch'isiyaykuykamataj mana llimphupaj qhawasqa kanqa.

Levítico 11:25 ပူးပေါင်းရင်းမြစ်များ

Salmos 51:2

2 (4) Tukuy millay ruwasqaymanta mayllaway, juchaymantataj llimphuchaway.

Salmos 51:7

7 (9) Hisopo qhorawan llimphuchaway, llimphutaj kasaj. Mayllaway Tata Dios, noqataj rit'imanta aswan yuraj kasaj.

Éxodo 19:10

Chantá Tata Dios Moisesta nillarqataj: Rispa, israelitakunata niy kunan q'ayatawan ima llimphuchakunankuta. Jinallataj niy p'achankuta t'ajsakunankuta.

Éxodo 19:14

Chantá Moisés orqomanta urayk'amuspa, runakunata Diosta yupaychanankupaj wakicherqa. Paykunataj p'achankuta t'ajsakorqanku.

Levítico 11:24

Qankunamanta pipis kayta ruwajqa mana llimphupaj qhawasqa kankichej. Pillapis kay animalkunamanta wañusqata llankhajqa ch'isiyaykuykama mana llimphupaj qhawasqa kankichej.

Levítico 11:26

Tukuy animal chaki silluyoj kashaspa, manataj palqayojchu kanman, nillataj k'anojchu kanman chayqa, chay animalta ch'ichipaj qhawankichej. Pichus chay animalta llankhajqa ch'ichipaj qhawasqa kanqa.

Levítico 11:28

Jinallataj pillapis wañusqa animalta oqharejqa p'achanta t'ajsakonqa, chantá ch'isiyaykuykama mana llimphupaj qhawasqa kanqa. Qankunaqa chay animalkunata ch'ichipaj qhawanaykichej tiyan.

Levítico 11:40

Pichus wañusqa animalpa aychanta mikhojqa p'achanta t'ajsakonqa, ch'isiyaykuykamataj mana llimphupaj qhawasqa kanqa. Jinallataj pichus wañusqa animalta orqhojqa p'achanta t'ajsakonqa, chantá ch'isiyaykuykama mana llimphupaj qhawasqa kallanqataj.

Levítico 13:6

Qanchis p'unchay pasajtintaj, sacerdote ujtawan chay runata qhawallanqataj. Sichus chaykama llejti onqoy sayasqanta, manataj astawan wiñasqanta reparan chayqa, sacerdote nenqa onqosqaqa llimphupaj qhawasqa kasqanta, imaraykuchus ukhunpi onqoyqa phusullulla karqa. Jina kasqanrayku onqosqa runaqa p'achanta t'ajsakonqa, chaymantaraj llimphupaj qhawasqa kanqa.

Levítico 14:46

Sichus pipis sacerdote wasi wisq'asqa kananta kamachishajtin yaykunman chayqa, chay runa ch'isiyanankama mana llimphupaj qhawasqa kanqa.

Levítico 14:47

Pillapis chay wasipi mikhojqa, chayrí puñojqa p'achanta t'ajsanan tiyan.

Levítico 14:8

Pichus llimphuchakojqa p'achanta t'ajsanan tiyan, jinallataj tukuy chujchanta raphakonqa. Chantapis mayllakullanqataj, ajinamanta llimphupaj qhawasqa kanqa. Chaymantaraj jaraman yaykuponqa. Chaywanpis qanchis p'unchaytaraj paypa toldonmanta jawallapi tiyakonqa.

Levítico 15:13

Sichus chay qharej phichilunmanta q'eya manaña surunchu chayqa, llimphuchasqa kananpaj qanchis p'unchaytawanraj suyanan tiyan. Chaymantataj p'achanta t'ajsakonqa, purej yakuwantaj mayllakonqa. Chaypacharaj q'eya onqoyniyojqa llimphupaj qhawasqa kanqa.

Levítico 15:15

Sacerdotetaj chaykunamanta ujninta jucha pampachasqa kananpaj jaywanqa, ujnintataj q'olachispa Tata Diosman jaywanqa. Ajinata sacerdoteqa q'eya onqoyniyoj qhari Tata Diospa ñawpaqenpi llimphupaj qhawasqa kananpaj ruwanqa.

Levítico 15:5

Sichus pillapis q'eya onqoyniyoj qharej puñunanta llankhanman chayqa, p'achanta t'ajsakunan tiyan. Jinallataj yakuwan mayllakonqa, chantá ch'isiyaykuykama mana llimphupaj qhawasqa kanqa.

Levítico 16:26

Pichus Azazelpaj ch'in pampaman kacharparinanpaj chivota aparqa, chay runaqa p'achanta t'ajsakonqa, chantá ukhunta yakuwan mayllakonqa. Chaymantaraj jaraman yaykupuyta atenqa.

Levítico 16:28

Pichus chaykunata ruphachimojqa p'achanta t'ajsakunan tiyan, ukhuntapis mayllakunallantaj tiyan. Chaymantaraj jaraman kutipuyta atenqa.

Levítico 17:15

Sichus mayqen israelitapis, chayrí qankunawan tiyakoj karu llajtayojpis wañusqa uywaj aychanta mikhunman, chayrí k'ita animalpa jap'isqanta mikhunman chayqa, p'achanta t'ajsakunan tiyan. Jinallataj ukhuntapis yakuwan mayllakunan tiyan. Chantá ch'isiyanankama mana llimphupaj qhawasqa kanqa. Chaymantaraj llimphuchasqa kanqa.

Levítico 22:6

ch'isiyaykuykama mana llimphupaj qhawasqa kanqa. Chayraykutaj Diospaj t'aqasqa kajmanta mana mikhuyta atenqachu, manaraj ukhunta yakuwan mayllakuspaqa.

Zacarías 13:1

Chay p'unchaypi Davidpa ayllunpaj jinataj Jerusalenpi tiyakojkunapaj yaku juturi kicharisqa kanqa, chaypi millay juchankuta mayllanankupaj.

Números 19:10

Waka ruphasqaj ushphanta oqharej runarí p'achanta yakuwan t'ajsakonqa. Chaywanpis ch'isiyaykuykamaraj mana llimphupaj qhawasqa kanqa. Kay kamachisqayqa qankunapaj, jinallataj qankunawan tiyakoj karu llajtayojkunapajpis wiñaypaj churasqa kanqa.

Números 19:19

Pichus llimphu kaj runaqa kinsa kaj p'unchaypi, chantá qanchis kaj p'unchaypi, mana llimphupaj qhawasqa runata ch'ajchonqa. Qanchis kaj p'unchaypi mana llimphupaj qhawasqa runata llimphuchanqa. Chantá mana llimphupaj qhawasqa runa p'achanta t'ajsanqa, jinallataj ukhuntapis pay kikin mayllakonqa. Jinapis ch'isiyaykuykamaraj mana llimphupaj qhawasqa kanqa.

Números 19:7

Chantá sacerdoteqa p'achanta yakuwan t'ajsanqa, tukuy ukhuntapis mayllakonqa. Chaymantataj jaraman yaykuyta atenqa. Chaywanpis ch'isiyaykuykamaraj mana llimphupaj qhawasqa kanqa.

Números 19:8

Wakata ruphachej runapis kikillantataj p'achanta yakuwan t'ajsanqa, jinallataj tukuy ukhuntapis mayllakonqa. Paypis kikillantataj ch'isiyaykuykama mana llimphupaj qhawasqa kanqa.

Números 31:24

Qanchis kaj p'unchaypitaj p'achaykichejta t'ajsakunkichej. Ajinamanta llimphupaj qhawasqa kankichej. Chaymantaraj jaramanqa yaykuyta atinkichej, nispa.

San Juan 13:8

Pedrotajrí nerqa: Mana jayk'ajpis chakiyta mayllawankichu, nispa. Jesustaj kuticherqa: Manachus mayllasqayki chayqa, mana noqata qhatiwayta atiwajchu, nispa.

Hechos 22:16

Jina kajtenqa, imatataj suyashankiri? Jatarispa, bautizachikuy, jinaspataj Jesuspa sutinta oqharispa Diosniykipaj rejsikapuy, juchaykimanta llimphuchasqa kanaykipaj, nispa.

Hebreos 10:22

Chayrayku ch'uwa sonqowan Tata Diosman qayllaykunachej, tukuy sonqo Cristopi atinikuspa, imaraykuchus pay wañusqanwan sonqonchejta tukuy juchamanta llimphuwarqanchej, llimphu yakuwanpis ukhunchejta mayllanman jina.

Hebreos 9:10

Chay ñawpa kamachisqakuna karqa mikhunamanta, ujyanamanta, Diospa ñawpaqenpi llimphu rikhurinapaj imachus ruwanamanta ima. Chaykunataj valorniyoj karqa, Dios tukuy imata mosojyachinan p'unchaykamalla.

1 Pedro 3:21

Chay tukoyqa bautismowan ninakun. Bautismoqa mana ukhunchejpa ch'ichinta mayllanchu. Aswanpis noqanchej chaynejta Diospa ñawpaqenpi llimphu sonqo kayta munasqanchejta nishanchej. Kunantaj Diosqa Jesucristoj kawsarimpusqannejta qhespichiwanchej.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa chay jatun ñak'ariypi wañojkuna kanku. Paykunaqa Corderoj yawarninpi t'ajsaspa, p'achankuta yurajyacherqanku.