Levítico 10:3 - DIOSPA QHELQACHISQ

³ Chaymanta Moisesqa Aaronta nerqa: Kay kananta mana munaspa Tata Dios ajinata nerqa: Noqaman qayllamuwajkunaman may llimphu kayniyta rikuchisaj. Tukuy israelitakunamantaj jatun kayniypa lliphipiyninta rikuchillasajtaj, nispa. Aarontajrí ch'inlla karqa.

Qheshwa Biblia DC

³ Chaymantataj Moisesqa Aaronman nerqa: Kaytamá Señorqa niyta munarqa kay jinata nishaspa: Noqaman qayllamuwajkunamanqa llimphu kayniyta rikuchisaj. Tukuynin israelitasman jatun lliphipiyniyta rikuchikusaj, nispa. Aaronqa ch'inlla karqa.

DIOSPA QHELQACHISQAN DEUTEROCANONICAL

³ Chaymanta Moisesqa Aaronta nerqa: Kay kananta mana munaspa Tata Dios ajinata nerqa: Noqaman qayllamuwajkunaman may llimphu kayniyta rikuchisaj. Tukuy israelitakunamantaj jatun kayniypa lliphipiyninta rikuchillasajtaj, nispa. Aarontajrí ch'inlla karqa.

Levítico 10:3 ပူးပေါင်းရင်းမြစ်များ

Génesis 18:25

Qanqa mana atiwajchu mana juchayojta juchayojtawan khuska wañuchiyta, iskayninkupis kikinta juchallinkuman karqa jinataqa. Ama chayta ruwaychu ari. Tukuy kay pachapi justiciata ruwaj kashaspa, manachu cheqan kajta ruwawaj? nispa. Ajinata Abraham nerqa.

Job 2:10

Jobtajrí kuticherqa: Mana yuyayniyoj warmi jina parlashanki. Sichus Tata Diosmanta allin kajta jap'inchej chayqa, manachu mana allin kajta apachimuwasqanchejtapis jap'ikullasunmantaj? nispa. Chay tukuywanpis Jobqa manapuni Diospa contranta parlaspa juchallerqachu.

Salmos 119:120

Qanta manchachikusqayrayku tukuy ukhuy kharkatitin, kamachisqaykitataj manchay jatun respetowan qhawani.

Salmos 148:14

Payta qhatejkuna Diosta yupaychachunku. Israel ayllun Tata Diosta yupaychachun, imaraykuchus Diosqa ayllunman atiyniyoj kayta qorqa. Tata Dios jatunchasqa kachun.

Salmos 39:10

10 (11) Karunchay noqamanta jasut'iyniykita, imaraykuchus makiykej maqasqanwan tukukushaniña.

Salmos 39:9

9 (10) Ujtawanpis ch'inlla karqani, manataj parlarerqanichu, imajtinchus qan imatachus ruwanaykita nisqaykimanta mana pipis cuentata mañasonqachu.

Salmos 46:10

10 (11) Paytaj nin: K'umuykuychej, chantá noqa Dios kasqayta rejsikapuwaychej. Tukuy suyupi yupaychawanqanku, tukuy kay pachapitaj jatunchawanqanku, nispa.

Salmos 89:7

7 (8) Qanqa Diosmin kanki, manchachikunataj, janaj pachapi kawsajkuna ukhupi may jina atiyniyoj.

Salmos 93:5

Tata Dios, tukuy kamachisqaykeqa mana waj jinaman tukuchisqa kayta atinchu. Kamachiyniykeqa wiñay wiñaypaj llimphu.

Éxodo 14:17

Noqataj Egipto llajtayojkunaj sonqonkuta rumiyachisaj, qhepaykichejta qhatiykamusunaykichejpaj. Chantá faraonta, soldadonkunata, carretapi, jinataj caballopi soldadonkunatawan atipaykusaj. Ajinamanta noqa may jina atiyniyoj kasqayta rikuchisaj.

Éxodo 14:4

Noqataj ujtawan faraonpa sonqonta rumiyachisaj, qankunata qhatiykamunasuykichejpaj. Chaypacha faraonta, jinataj soldadonkunata chinkachispa, noqa may atiyniyoj kasqayta rikuchisaj. Ajinamanta Egipto llajtayojkuna yachanqanku noqa Tata Dios kasqayta, nispa. Chantá Moisés ajinata paykunaman willasqanrayku israelitakunaqa Diospa kamachisqanta kasorqanku.

Éxodo 19:22

Noqaman qayllaykamuwaj sacerdotekunapis llimphupaj qhawasqa kanankupaj llimphuchakuchunku, ama paykunata wañuchinaypaj, nispa.

Éxodo 19:24

Tata Diostajrí Moisesta nerqa: Qan urayk'uy, chantá qan, Aaronwan ima kayman kutimunkichej. Sacerdotekunawan, runakunawanrí señalta pasaspa, noqa kashani, chayman ama wicharimuchunkuchu. Wicharimunkuman chayqa, noqa paykunata wañurachiyman, nispa.

Éxodo 30:30

Chaymantaqa chay aceitewan Aaronta, churinkunatawan ima jawillankitaj, noqapaj t'aqasqa sacerdoteykuna kanankupaj.

Isaías 39:8

Chantá Ezequías Isaiasman kuticherqa: Tata Diospa nisqanta parlasqaykeqa sumajpacha, nispa, imaraykuchus sonqonpi yuyarqa: Noqa kawsanaykamallapis k'acha kawsakuy, sonqo tiyaykuytaj kachun, nispa.

Isaías 49:3

Chantá niwarqa: Israel, qanmin kamachiy kanki. Qannejta jatun kayniyta rikuchisaj, nispa.

Isaías 52:11

Ayllúy, Babiloniamanta llojsimuychej. Llojsimushaspataj, ama ch'ichipaj qhawasqa kajta llankhaychejchu. Babiloniaj chawpinmanta llojsimuspa llimphuchakuychej, Tata Diosta yupaychanapaj imakunata apajkuna.

Ezequiel 20:41

Ima munayta q'apashaj inciensota jina jap'ikapusqaykichej, maypachachus ch'eqerasqa kashankichej, chay suyukunamanta, llajtakunamantawan orqhomuspa tantaykusqaykichej, chaypacha. Chantapis qankunanejta may llimphu kasqayta tukuy suyukunapi kaj runakunaman rikuchisaj.

Ezequiel 28:22

Tukuyta Kamachej Tata Dios kay jinata nisunki: Sidón llajta, contraykipi kashani. Qannejta noqa jatunchasqa kasaj. Maypachachus qanta jasut'ispa, juchamanta t'aqasqa may llimphu kasqayta rikuchisaj chaypacha, tukuy runakuna yachanqanku noqa Tata Dios kasqayta.

Ezequiel 38:16

Chantá Israel aylluypa contranpi qan maqanakoj yaykunki, yana phuyu jina Israelpa tukuynin jallp'anta p'ampaykuspa. Chay qhepa p'unchaykunapi noqaqa aylluypa contranpi pusamusqayki, waj suyukunamanta runakuna noqata rejsinawankupaj. Chaypachataj qannejta noqa may llimphu kasqayta rikuchikusaj, nispa.

Ezequiel 40:46

Wichaynejman punkuyoj cuartotaj altarta qhawaj sacerdotekunapaj kallanqataj. Paykunalla Leví jatun ayllumanta Sadocpa churinkuna kanku, mayqenkunachus Tata Diospaj llank'anankupaj sirvinankupaj wajyasqa kanku, chaykuna.

Ezequiel 42:13

Chantá chay runa niwarqa: Wichaynejpi cuartokuna, jinallataj uraynejpi cuartokunapis, mayqenkunachus patiopi kashanku, chaykuna Diospaj t'aqasqa kanku. Chaypi Tata Diospaj t'aqasqa sacerdotekuna mikhunku Tata Diosman jaywasqa kaj imakunata. Paykunaqa chayllamantaj Diosman jaywasqa imakunata churanku, uywa ñak'asqata, jucharayku jaywasqata ima, chay cheqaqa Diospaj t'aqasqamin kasqanrayku.

Levítico 21:15

Ajinata ruwanqa ama llajta masinkunata, nitaj mirayninta p'enqaypi rikhurichinanpaj. Noqa Tata Diosmin payta noqajta kananpaj t'aqakuni, nispa.

Levítico 21:17

Aaronta niy: Kunanmanta qhepamanqa mirayniykimanta mayqenpis iman mana allin kajtenqa, Tata Diosninman t'antata jaywaj mana qayllayta atenqachu.

Levítico 21:21

Aaronpa mirayninmanta mayqellanpis sichus iman mana allinchu kanman chayqa, q'olachisqa jaywanata Tata Diosman mana jaywayta atenqachu. Nillataj Tata Diospaj t'antanta jaywayta atenqachu.

Levítico 21:6

Paykunaqa noqajllataña kanankupaj t'aqasqa kasqankurayku sutiyta ama p'enqaypi rikhurichenqankuchu. Paykunaqa noqa Tata Diosman q'olachisqa jaywanata jaywawanku, jinallataj Diospaj t'aqasqa t'antantawan. Chayrayku Diospaj t'aqasqa jina kachunku.

Levítico 21:8

Chayrayku paykunata Tata Diospaj t'aqasqata jina qhawankichej, imaraykuchus paykunaqa Tata Diosniykichejman t'antanta jaywanku. Chayrayku sacerdotekunata Diospaj t'aqasqa kasqankuta jina qhawaychej, imajtinchus noqaqa may llimphumin kani, pichus qankunata noqajta kanaykichejpaj t'aqakuykichej, chay.

Levítico 22:9

Niy paykuna kamachisqayta junt'anankuta, ama chaykunarayku juchallinankupaj, nitaj kamachisqayta pisipaj qhawasqankurayku wañunankupaj. Noqamin Tata Dios kani, pichus paykunata noqapaj t'aqakorqani, chay.

Levítico 8:35

Chayrayku qankunaqa qanchis p'unchay junt'ata, tuta p'unchay Dioswan Tinkukuna Toldo punkupi kanaykichej tiyan. Ama wañuchisqa kanaykichejpaj, Tata Diospa kamachisqanta kasuychej. Ajinata Tata Dios kamachiwarqa, nispa.

Números 16:5

Chantá Coreta, jinataj pikunachus paywan kasharqanku, chaykunatawan ima nerqa: Q'aya tutamanta Tata Dios niwasun pikunachus paypata kasqankuta, pikunatajchus Diospaj t'aqasqa kasqankuta. Ajinallataj pikunatachus Tata Dios ajllan, chaykunalla payman qayllaykunankuta nenqa.

Números 20:12

Chaywanpis Tata Dios Moisesta, Aarontawan ima nerqa: Qankuna noqapi mana atinikorqankichejchu, nitaj israelitakuna rikushajtinku jatunchawarqankichejchu. Chayrayku mana qankunachu qonayta nerqani, chay jallp'aman kay runakunata pusaykunkichej, nispa.

San Mateo 10:37

Pichus tatanta, chayrí mamanta noqamanta astawan munakojqa mana noqajta kananpaj jinachu. Ajinallatataj, sichus pipis churinta, chayrí ususinta noqamanta astawan munakun chayqa, nillataj payqa noqajta kananpaj jinachu.

San Juan 12:28

Chayrayku, kayta nisaj: Tatáy, sutiykita jatunchay, nispa. Chayta Jesús nisqantawankama, janaj pachamanta Diospa parlasqan uyarikorqa: Jatun kayniyta runakunaman rejsichiniña, kunantaj ujtawan rejsichillasajtaj, nispa.

San Juan 14:13

Chantá sutiypi imatachus Tata Diosmanta mañakusqaykichejta noqa ruwasaj, Tata Dios Churinnejta jatunchasqa kananpaj.

Deuteronomio 32:51

Qanwan, Aaronwan ima Zin sutiyoj ch'innejpi, chantá Cades Meribapi yaku llojsimushajtin, noqaj contrayta juchallerqankichej. Israelitakunaj ñawpaqenkupitaj mana jatunchawarqankichejchu.

2 Tesalonicenses 1:10

Maypachachus Jesús kutimonqa chaypacha, ajllakusqankuna payta jatunchanqanku, paypi atinikojkunapis t'ukuspa yupaychanqanku. Qankunapis paykunawan khuska kallankichejtaj, imaraykuchus paymanta willasqaykuta jap'ikorqankichej.

1 Pedro 4:17

Diospa juicion p'unchay chayamunña, paytaj noqanchej aylluntaraj ñawpajta juzgawasunchej. Dioschus ayllunta juzgayta qallarin chayqa, Jesucristomanta sumaj willayta mana jap'ikuyta munajkunawan, imataj kanqari?

1 Samuel 2:30

Chayrayku Israelpa Diosnin Tata Dios nin: Noqa nerqani qanwan, aylluykiwan ima ñawpaqeypi wiñaypaj sacerdoteykuna kanaykichej tiyan, nispa. Kunanrí niykichej: Manapuni jinachu kanqa, manachayqa jatunchawajkunata jatunchallasajtaj, qhesachawajkunatapis p'enqaypi rikhurichisaj. Noqa Tata Diosmin chayta nini.

1 Samuel 3:18

Chantá Samuelqa mana uj chhikanta pakarispa, tukuyninta willarqa. Elitaj nerqa: Payqa Tata Diosmin. Imatachus munasqanta ruwachun, nispa.

1 Samuel 6:20

Chantá Bet Semes llajtayojkuna nerqanku: Pitaj llimphu llimphu kaj Tata Diospa ñawpaqenpi sayayta atinmanri? Ama noqanchej ukhupi qhepakunanpaj, arcanta maymantaj apachisunmanri? nispa.