Levítico 1:9 - DIOSPA QHELQACHISQ

⁹ Chantá pichus jaywajqa uywaj ch'unchulanta, chakintawan ima yakuwan mayllanqa. Chaymantataj sacerdoteqa tukuyninta altar patapi q'olachenqa. Chay q'olachispa jaywanaqa Tata Diospaj ima munay q'aparishaj jaywana kanqa.

Qheshwa Biblia DC

⁹ Chanta chay runaqa uywaj ch'unchulasninta, chakisnintawan mayllanqa. Chaymantataj sacerdoteqa tukuy chaykunata altar patapi ruphachenqa. Chay ruphachispa jaywasqampa q'apaynenqa Señorpaj allin kanqa.

DIOSPA QHELQACHISQAN DEUTEROCANONICAL

⁹ Chantá pichus jaywajqa uywaj ch'unchulanta, chakintawan ima yakuwan mayllanqa. Chaymantataj sacerdoteqa tukuyninta altar patapi q'olachenqa. Chay q'olachispa jaywanaqa Tata Diospaj ima munay q'aparishaj jaywana kanqa.

Levítico 1:9 ပူးပေါင်းရင်းမြစ်များ

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

1 Crónicas 6:34

34 (19) paytaj Elcanaj churin karqa, paytaj Jeroanpata churin. Paytaj Elielpata churin karqa, paytaj Toajpa churin.

2 Crónicas 4:6

Jirán ruwachillarqataj mayllanapaj chunka juch'uy ch'illamikunata, phishqata pañanejman churarqa, phishqatataj lloq'eman. Chaykunapi q'olachinapaj uywa ñak'asqata mayllaj kanku. Chay jatun ch'illamipitajrí sacerdotekuna mayllakoj kanku.

Salmos 51:6

6 (8) Cheqatapuni qanqa cheqan sonqoyoj runata munakunki, sonqoypitaj yachayniyoj kayta yachachiwarqanki.

Salmos 66:15

Wira uywakunata ñak'aspa, altarniykipi q'olachisaj, chantá torokunata, chivokunata, corderokunata ima jaywasqayki.

Éxodo 12:9

Chantá ñak'asqaykichej uywaj aychantaqa ama chawata mikhunkichejchu, nitaj yakupi chayasqatapis, manachayqa ninapi kankasqatapuni mikhunkichej. Umanta, chakinta, ch'unchulantapis ninapi kankasqatapuni mikhunkichej.

Éxodo 29:18

Jinaytawantaj, tukuy corderota altar patapi ruphachinki. Chayta q'olachispa, Tata Diosman jaywanki, sumajta q'aparisqantaj Tata Diospa sonqonman chayanqa.

Éxodo 29:25

Chantataj makinkumanta chay t'antakunata jap'ispa, q'olachinapaj aychatawan khuska altar patapi ruphachinki, noqapaj ima munayta q'aparishaj jaywana kananpaj. Chayqa noqapaj q'olachisqa jaywana kanqa.

Jeremías 4:14

Tata Diostaj kutichenqa: Jerusalén, millay ruwasqaykimanta sonqoykita llimphuchakuy, jinamanta qhespichisqa kanaykipaj. Mayk'ajkamataj umaykipi chay millay yuyaykuna muyonqankuri?

Ezequiel 20:28

Noqaqa tiluspa, chay cheqata paykunaman qonayta nerqani. Chayman pusaykojtiytajrí, paykunaqa tukuy orqokunata, chayrí tukuy thansa sach'akunata rikuytawan, chaypi uywa wañuchisqata q'olacherqanku, jinataj jaywanatapis jaywarqanku. Ajinata lantinkukunata yupaychaspa, mayta phiñachiwarqanku. Chayllapitaj k'achituta q'apaj inciensota q'oshñicherqanku, vinowantaj ch'allaykorqanku.

Ezequiel 20:41

Ima munayta q'apashaj inciensota jina jap'ikapusqaykichej, maypachachus ch'eqerasqa kashankichej, chay suyukunamanta, llajtakunamantawan orqhomuspa tantaykusqaykichej, chaypacha. Chantapis qankunanejta may llimphu kasqayta tukuy suyukunapi kaj runakunaman rikuchisaj.

Ezequiel 40:38

Uj cuarto kallarqataj, punkuntaj sayantakuna qayllapi karqa. Chaypi uywata ñak'aspa, Diosman jaywanankupaj mayllananku karqa.

Levítico 1:13

Chantá pichus jaywajqa uywaj ch'unchulanta, chakinta ima yakuwan mayllanqa. Sacerdotetaj tukuy chaykunata altarpi q'olachispa jaywanqa. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 1:17

Phawaj uywataqa mana iskayman p'itispa, lijran chaynejmanta ch'ejtanqanku. Chantá jinaytawan, sacerdoteqa phawaj uywata altar patapi q'olachenqa. Chay q'olachisqa jaywanaqa Tata Diospaj ima munay q'aparishaj jaywana kanqa, nispa.

Levítico 2:16

Sacerdotetaj mosoj grano kutasqata, aceiteta ima uj chhikanta oqharispa, chayta tukuy inciensotawan Tata Diospaj q'olachenqa. Chayqa noqa Tata Diosmin tukuy imata qoj kasqayta yuyarikunaykichejpaj kanqa.

Levítico 2:2

Chaymantataj Aaronpa mirayninmanta sacerdotekunaman apanqa. Sacerdotekunamanta ujnintaj aceiteyoj jak'umanta, inciensomantawan ima uj pojtuta oqharispa, altarpi q'olachenqa. Ajinata q'olachenqa, noqa Tata Dios qankunamanta tukuy imapi yuyarikusqayta yachanaykichejpaj. Chay q'olachispa jaywanaqa Tata Diospaj ima munay q'aparishaj jaywana kanqa.

Levítico 2:9

Chaypi sacerdoteqa jaywanamanta uj pisita orqhospa, altarpi q'olachenqa, Tata Dios qankunaman tukuy imata qoj kasqaymanta yuyarikunaykichejpaj. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 3:11

Chantá sacerdoteqa chay tukuyta altar patapi q'olachenqa. Chayqa Tata Diospaj misk'i mikhuy q'olachisqa jaywana kanqa.

Levítico 3:5

Tukuy chaytaqa Aaronpa mirayninmanta sacerdotekuna altarpi q'olachenqanku, uywa ñak'asqa q'olachinatawan khuska. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 4:31

Chantaqa cabraj tukuy wiranta wirachanqa, imaynatachus Tata Diosman k'achata kawsakuy jaywanata jaywanapaj ñak'asqa uywaj wiranwan ruwanku, ajinallatataj. Sacerdoteqa ajinata ruwaspa, runaj juchan pampachasqa kananta tarenqa, chay runaj juchantaj pampachasqa kanqa.

Levítico 6:14

14 (7) Ch'aki mikhuy jaywanata jaywaspaqa, ajinata ruwanqanku: Aaronpa churinkunaqa chayta altarpi, Tata Diospa ñawpaqenpi jaywanqanku.

Levítico 8:21

Chantá ñak'asqa corderoj ch'unchulanta, piernantawan ima yakuwan mayllaspa, tukuyninta altarpi q'olacherqa, ima munayta q'apashaj Tata Diosman jaywanata jina. Ajinata Moisés ruwarqa, Tata Diospa kamachisqanman jina.

Levítico 8:28

Chaymantataj Moisesqa chay ikhasqa jaywanata makinkumanta jap'ispa, q'olachispa jaywana uywatawan khuska altarpi q'olacherqa. Chay karqa Aaronwan, churinkunawan Tata Diospaj t'aqasqa kasqankumanta jaywana. Chay q'olachispa jaywanaj ima munay q'apaynintaj Tata Diospa sonqonman chayarqa.

Levítico 9:14

Jinaspataj uywaj ch'unchulanta, chantá piernanta ima yakuwan mayllaspa, q'olachispa jaywanatawan khuskata altarpi q'olacherqa.

Zacarías 13:7

Tukuy Atiyniyoj Tata Dios nin: Yu espada, michejniypa contranpi oqharikuy, pichus yanapawajpa contranpitaj sayariy. Michejta wañuchiy, ovejaykunataj ch'eqerakonqanku. Noqapis corderokunaj contrallankupitaj oqharikusaj.

Números 15:3

Tata Diosman ima munayta q'apashaj jaywanata jaywankichej. Chay jaywanakunaqa kaykuna kayta atinman: Uywa ñak'asqata q'olachispa jaywana, nisqaykichejta junt'aspa jaywana, chayrí sonqomanta munaspa jaywana, chayrí jatuchaj raymikunapi jaywana ima. Chay jaywanakunata jaywanaykichejpaj wakaykichejmanta, ovejaykichejmanta chayrí cabraykichejmanta jap'ispa apamunkichej.

Números 28:11

Killa qallariyta mana iman imanasqa iskay torillota, uj carnerota, uj watayoj qanchis corderotawan ima q'olachispa, Tata Diosman jaywankichej.

Números 28:7

Sapa uj corderota, uj litro sumaj vinotawan jaywanqanku. Chay vinota Dioswan Tinkukuna Toldopi Tata Diospa sutinpi ch'ajchonqanku.

Números 28:8

Ujnin kaj corderotataj ch'isiyaykuyta q'olachispa jaywanqanku, chaymantaj ch'aki mikhuymanta jaywanata, vinotawan ima yapanqanku, imaynatachus tutamanta jaywarqanku, ajinallatataj. Chaykunaqa Tata Diospaj ima munayta q'apashaj jaywanamin kanqa.

2 Corintios 2:15

Noqaykoj kawsayniykoqa inciensoj q'apaynin jina, mayqentachus Cristoqa Tata Diosman jaywan, chay jina. Chay q'apaytaj junt'arin qhespichisqa kajkuna ukhupi, chinkayman rejkuna ukhupipis.

Efesios 5:2

Jinallataj ujkunata munakuychej, imaynatachus Cristopis munakuwarqanchej, ajinata. Chayrayku pay kikin noqanchejrayku Diosman jaywaykukorqa ima munay q'aparishaj jaywana jina.

Deuteronomio 12:27

Chaypitaj Tata Diosniykichejpa altarninpi q'olachispa jaywanata jaywankichej. Chay jaywasqaykichej uywakunaj yawarnintataj Tata Diosniykichejpa altarninman jich'ankichej. Aychatatajrí mikhuyta atinkichej.

Filipenses 4:18

Kaykama tukuy imachus pisiwasqanqa tiyapuwanña, chaymantapis astawanraj. Ashkhaña tiyapuwan, imaraykuchus Epafroditowan apachimuwasqaykichejta jap'iniña. Chay apachimuwasqaykichejqa ima munay q'apashaj jaywana jina, chaytaj Diosnejta allinpaj qhawasqa, sonqonpa munasqanman jinataj.