Levítico 1:5 - DIOSPA QHELQACHISQ

⁵ Chantá Tata Diospa ñawpaqenpi torota ñak'anqa. Chaymanta Aaronpa mirayninmanta kaj sacerdotekuna toroj yawarninta jap'ispa ch'ajchonqanku, Dioswan Tinkukuna Toldoman yaykuna punkupi altarpa patanta, chantá tukuy muyuyninta ima.

Qheshwa Biblia DC

⁵ Chay runaqa Señorpa ñaupaqempi torotaqa ñak'anqa. Chaymantaqa chay toroj yawarninta Aarompa mirayninmanta kaj sacerdotes Señorman jaywanqanku. Chaymantataj Dioswan tinkukuna toldo punku yaykuypi kashan chay altarta yawarwan ch'ajchonqanku patanta tukuy muyuyninta ima.

DIOSPA QHELQACHISQAN DEUTEROCANONICAL

⁵ Chantá Tata Diospa ñawpaqenpi torota ñak'anqa. Chaymanta Aaronpa mirayninmanta kaj sacerdotekuna toroj yawarninta jap'ispa ch'ajchonqanku, Dioswan Tinkukuna Toldoman yaykuna punkupi altarpa patanta, chantá tukuy muyuyninta ima.

Levítico 1:5 ပူးပေါင်းရင်းမြစ်များ

2 Crónicas 35:11

Chaypacha Pascuapi ñak'ana corderokunata ñak'arqanku, yawarninwantaj sacerdotekunaqa altarta ch'ajchorqanku. Chaykamataj levitakunaqa chay ñak'asqa corderota ch'uskisharqanku.

Éxodo 29:11

Chaymantataj Dioswan Tinkukuna Toldo punkupi, Tata Diospa ñawpaqenpi chay torillota ñak'anki.

Éxodo 29:16

Chantá corderota ñak'aspa, yawarninwan altarta, chantá altarpa muyuyninta ima ch'ajchunki.

Éxodo 40:6

Chantaqa Dioswan Tinkukuna Toldoj ñawpaqenman uywa ñak'asqata q'olachinapaj altarta churallankitaj.

Isaías 52:15

Ajinallatataj tukuy suyuta t'ukuchenqa. Kuraj kamachejkuna paypa ñawpaqenpi ni parlariytapis atenqankuchu, imaraykuchus mana jayk'aj rikusqankuta rikonqanku, jinataj mana jayk'ajpis uyarisqankuta entiendenqankuchu.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Ezequiel 43:18

Chay runa nillawarqataj: Runaj churin, Tukuyta Kamachej Tata Dios nillantaj: Altar ruwasqa kanqa chaypacha, kay jinata ruwananku tiyan: Uywa ñak'asqata chay altar patapi q'olachinanku tiyan, uywaj yawarnintaj altar pataman ch'ajchusqa kanqa.

Levítico 1:11

Chantá chay uywata pichus apamojqa, Tata Diospa ñawpaqenpi altarmanta wichaynejpi ñak'anqa. Chaymantataj Aaronpa churinkunamanta sacerdotekunaqa uywaj yawarninta altarpa tukuy muyuyninman ch'ajchonqanku.

Levítico 1:15

Chantá sacerdoteqa phawaj uywata altar patapi Tata Diosman jaywanqa. Umanta p'itispa, yawarninta altarpa uj ladonman sut'uchenqa, chaymantataj phawaj uywata altar patapi q'olachenqa.

Levítico 16:15

Chaymantataj tukuy israelitakunaj juchanku pampachasqa kananpaj chivotañataj ñak'anqa. Chantá chivoj yawarninta veloj wasannejman apanqa. Chay ukhupitaj kirpanaj patanta, ñawpaqentawan ch'ajchonqa, imaynatachus torilloj yawarninwan ruwarqa, ajinata.

Levítico 17:11

Tukuy animalpa kawsaynenqa yawarninpi kashan. Noqataj qankunaman yawarta qoykichej altarman apanaykichejpaj, juchallisqaykichej pampachasqa kananpaj. Yawarpi kawsay kasqanrayku, qankunaj juchaykichejta pampachasaj.

Levítico 3:13

Chantá pichus apamojqa uywaj umanman makinta churaspa, Dioswan Tinkukuna Toldo punkupi ñak'anqa. Aaronpa churinkunamanta sacerdotekunataj altarta, chantá tukuy muyuynintinta ima cabraj yawarninwan ch'ajchonqanku.

Levítico 3:2

K'achata kawsakuy jaywanata Tata Diosman apamojqa uywaj umanman makinta churanqa. Chaymantataj Dioswan Tinkukuna Toldo punkupi chay uywata ñak'anqa. Aaronpa churinkunamanta Sacerdotekunataj altar patata, chantá tukuy muyuynintinta ima uywaj yawarninwan ch'ajchonqa.

Levítico 3:8

Pichus jaywanata apamojqa uywaj umanman makinta churanqa, chantá Dioswan Tinkukuna Toldo punkupi ñak'anqa. Aaronpa churinkunamanta sacerdotekunataj uywaj yawarninwan altarta, chantá tukuy muyuyninta ima ch'ajchonqanku.

Levítico 4:29

Chantá cabraj umanman makinta churaytawan, q'olachinapaj maypichus uywata ñak'anku, chaypi cabrata ñak'anqa.

Levítico 4:33

Chantá ovejaj umanman makinta churaspa, q'olachinapaj maypichus uywata ñak'anku, chaypi ovejata ñak'anqa. Chayqa jucha pampachasqa kananpaj Diosman jaywanamin.

Levítico 4:7

Chantá sacerdoteqa Tata Diospa ñawpaqenpi, Dioswan Tinkukuna Toldopi inciensota q'oshñichina altarpa wajrankunatapis yawarwan jawillanqataj. Puchoj yawartataj q'olachina altarpa uranman jich'aykonqa, mayqenchus Dioswan Tinkukuna Toldo punkunejpi kashan, chay altarpa uranman.

Miqueas 6:6

Israel, qan tapunki: Janaj pachapi kaj Tata Diosta yupaychaj imawantaj chimpaymanri? Payman uj watayoj torillota ñak'aspa q'olachinawan chimpaymanchu?

Números 18:17

Chaywanpis kay uywakunaj phiwi uñankuta mana pagaspa kacharichiyta atenqankuchu: Wakaj uñanta, ovejaj uñanta, chantá cabraj uñantawan ima. Chaykunaqa noqapaj t'aqasqamin kanku. Chaykunata ñak'aspa, yawarninwan altarta ch'ajchunki. Wirantataj ima munayta q'apashaj jaywanata jina noqa Tata Diospaj q'olachinki.

Hebreos 10:11

Ñawpa tratopi sacerdotekunaqa altarpa ñawpaqenpi sapa p'unchay sayaspa, sapa kuti Diosman chay kikin jaywanallatapuni jaywananku karqa. Chaywanpis chay jaywanakunaqa mana jayk'ajpis runaj juchanta pampachayta aterqachu.

Hebreos 12:24

Aswanpis Jesusman qayllaykorqankichej, pinejtachus Dios mosoj tratota qankunawan ruwarqa, chayman. Jinallataj Jesuspa yawarnin ch'ajchusqaman qayllallankichejtaj. Chaywanpis chay yawarqa runaj juchan pampachasqa kananmanta parlan, mana Abelpa yawarnin jinachu wañuchisqa kasqanmanta vengakunamanta.

1 Pedro 1:2

Tata Diosqa qankunata ñawpajmantapacha ajllakusorqachej, wakichisqanman jina Santo Espiritunejta qankunata juchamanta t'aqaspa. Payqa Jesucristota kasunaykichejpaj churasorqachej, Jesucristo cruzpi wañusqanraykutaj llimphuchasqa kanaykichejpaj. Kunantaj napaykuykichej: Diosqa qhasilla k'acha yanapayninta, chantá sonqo tiyaykuyta ima qankunaman qochun, nispa.

1 Samuel 1:25

Chantá torillota ñak'aspa Diosman jaywaytawan, Anaqa wawata Elí sacerdoteman pusarqa.