Levítico 1:4 - DIOSPA QHELQACHISQ

⁴ Pichus jaywajqa makinta uywaj umanman churanqa. Ajinamanta uywata ñak'aspa q'olachisqanqa juchan pampachasqa kananpaj jap'isqa kanqa.

DIOSPA QHELQACHISQAN DEUTEROCANONICAL

⁴ Pichus jaywajqa makinta uywaj umanman churanqa. Ajinamanta uywata ñak'aspa q'olachisqanqa juchan pampachasqa kananpaj jap'isqa kanqa.

Levítico 1:4 ပူးပေါင်းရင်းမြစ်များ

Éxodo 28:38

Qorimanta sillp'a tablitaqa Aaronpa mat'inpi kallanqapuni, Tata Dios israelitakunaj jaywasqankuta jap'ikunanpaj. Ajinamanta israelitakuna Tata Diosman jaywashajtinku, Aaronqa juchallisqankuta apanqa.

Éxodo 29:10

Chaymantaqa Dioswan Tinkukuna Toldo punkuman torillota aysanki, chaypitaj Aarón, churinkunawan ima torilloj umanman makinkuta churanqanku.

Éxodo 29:15

Chaymantaqa corderokunamanta ujninta aysamunki. Chantá Aaronwan, churinkunawan ima corderoj umanman makinkuta churallanqankutaj.

Éxodo 29:19

Chaymantaqa ujnin kaj corderotañataj aysamunki. Chantá Aaronwan, churinkunawan ima ujtawan corderoj umanman makinkuta churallanqankutaj.

Éxodo 29:33

Sacerdote kanankupaj t'aqasqa karqanku, chantá juchanku pampachasqa kananpaj Diosman jaywasqa karqa, chay corderoj aychanta canastamanta t'antawan mikhonqanku. Chaykunataqa sacerdotekunalla mikhonqanku, wajkunarí mana, Diospaj t'aqasqa kasqanrayku.

Isaías 56:7

Payqa nin: Noqa Tata Dios paykunata noqapaj t'aqasqa orqoman pusasaj, noqamanta mañakuna wasiypitaj paykunata kusichisaj. Uywata ñak'aspa q'olachisqankuta jinataj jaywawasqankuta ima tukuy sonqo jap'ikusaj. Temployqa Diosmanta mañakuna wasi sutichasqa kanqa tukuy runapaj.

Ezequiel 45:15

Israelpi sapa 200 ovejakunamanta uj sumaj ovejatapis t'aqallankichejtaj. Chay tukuy t'asqaykichej ch'aki mikhuy ofrendakunapaj kanqa, q'olachisqata jaywanapaj, k'achata kawsakuy jaywanata jaywanapaj, jucha pampachasqa kananpaj ima. Noqa Tukuyta Kamachej Tata Diosqa chayta nini.

Daniel (hebreo) 9:24

Diosqa qanchis chunka semanata t'aqan israelitakunawan, Diospaj t'aqasqa llajtanwan ima Diospa contranta oqharikusqankumanta kutirikunankupaj, juchallisqankumanta, millay ruwasqankumantataj qhespichisqa kanankupaj ima. Chaymantataj Diosqa cheqan kajta wiñaypaj sayachenqa. Ajinata mosqoypi jina rikusqayki, sut'inchajkunaj willasqanku ima junt'akonqa, may llimphu cheqapis Diosllapaj t'aqasqa kanqa.

Levítico 16:21

Chaymantataj chivoj umanman makinta churaspa, israelitakunaj tukuy juchallisqankuta, Diospa contranpi oqharikusqankuta, tukuy ima millay ruwasqankutawan Diosman rimarenqa. Ajinata ruwaspa, israelitakunaj juchankuta chivoman chajnaykonqa. Chaymantataj chay chivota ch'innejpi kacharparinanpaj uj runawan qhatichenqa.

Levítico 16:24

Jinaspataj, Diospaj T'aqasqa Cheqapi yakuwan mayllakuspa, waj p'achata churaykukuytawan llojsimonqa. Chantá payrayku, jinataj tukuy israelitakunarayku jaywanata q'olachispa Tata Diosman jaywanqa. Ajinata ruwaspa, paypa juchan, chantá israelitakunaj juchankupis pampachasqa kananta tarenqa.

Levítico 22:21

Sichus pipis k'achata kawsakuy jaywanata Tata Diosman jaywayta munanman, nisqanta junt'ananpaj, chayrí sonqomanta jaywayta munaspa chayqa, torota, ovejata, chayrí cabratapis mana iman imanasqata apamunan tiyan. Ajinata Tata Dios jap'ikunanpaj jina ruwanan tiyan.

Levítico 22:27

Waka uña, oveja uña, chayrí chivitupis qanchis p'unchayta mamanwan qhepakonqa. Pusaj p'unchayninman kaymantaj chay uywata q'olachispa noqa Tata Diosman jaywawankichej.

Levítico 3:13

Chantá pichus apamojqa uywaj umanman makinta churaspa, Dioswan Tinkukuna Toldo punkupi ñak'anqa. Aaronpa churinkunamanta sacerdotekunataj altarta, chantá tukuy muyuynintinta ima cabraj yawarninwan ch'ajchonqanku.

Levítico 3:2

K'achata kawsakuy jaywanata Tata Diosman apamojqa uywaj umanman makinta churanqa. Chaymantataj Dioswan Tinkukuna Toldo punkupi chay uywata ñak'anqa. Aaronpa churinkunamanta Sacerdotekunataj altar patata, chantá tukuy muyuynintinta ima uywaj yawarninwan ch'ajchonqa.

Levítico 3:8

Pichus jaywanata apamojqa uywaj umanman makinta churanqa, chantá Dioswan Tinkukuna Toldo punkupi ñak'anqa. Aaronpa churinkunamanta sacerdotekunataj uywaj yawarninwan altarta, chantá tukuy muyuyninta ima ch'ajchonqanku.

Levítico 4:15

Chaypitaj israelitakunaj kurajninkuna Tata Diospa ñawpaqenpi torilloj umanman makinkuta churanqanku. Chantá chaypi torillota ñak'anqanku.

Levítico 4:20

Chay ñak'asqa torillowan ruwanqa, kuraj kaj sacerdote juchan pampachasqa kananpaj ñak'asqa torillowan imaynatachus ruwarqa, ajinallatataj. Ajinata sacerdoteqa israelitakunaj juchanku pampachasqa kananpaj, Tata Diosman jaywanqa. Juchankutaj pampachasqa kanqa.

Levítico 4:24

Chantá kamachejqa chivoj umanman makinta churaytawan, Tata Diospa ñawpaqenpi chay chivota ñak'anqa, q'olachinapaj maypichus uywata ñak'anku, chaypi. Chayqa jucha pampachasqa kananpaj Diosman jaywanamin.

Levítico 4:26

Chantá ñak'asqa chivoj tukuynin wiranta altarpi q'olachenqa, imaynatachus k'achata kawsakuy jaywana uywa ñak'asqa wirawan ruwanku, ajinallatataj. Sacerdoteqa ajinata ruwaspa, kamachejpata juchan pampachasqa kananta tarenqa, kamachejpa juchantaj pampachasqa kanqa.

Levítico 4:29

Chantá cabraj umanman makinta churaytawan, q'olachinapaj maypichus uywata ñak'anku, chaypi cabrata ñak'anqa.

Levítico 4:31

Chantaqa cabraj tukuy wiranta wirachanqa, imaynatachus Tata Diosman k'achata kawsakuy jaywanata jaywanapaj ñak'asqa uywaj wiranwan ruwanku, ajinallatataj. Sacerdoteqa ajinata ruwaspa, runaj juchan pampachasqa kananta tarenqa, chay runaj juchantaj pampachasqa kanqa.

Levítico 4:33

Chantá ovejaj umanman makinta churaspa, q'olachinapaj maypichus uywata ñak'anku, chaypi ovejata ñak'anqa. Chayqa jucha pampachasqa kananpaj Diosman jaywanamin.

Levítico 4:35

Chantá ñak'asqa ovejaj tukuy wiranta wirachanqa, imaynatachus k'achata kawsakuy jaywana uywa ñak'asqawan ruwanku, jinallatataj. Jinaspataj, sacerdoteqa Tata Diosman ch'aki mikhuy jaywanaj patanpi wirata altarpi q'olachenqa. Sacerdoteqa ajinata ruwaspa, runaj juchallisqan pampachasqa kananta tarenqa. Chay runaj juchantaj pampachasqa kanqa, nispa.

Levítico 4:4

Torillotaqa Tata Diospa ñawpaqenman, Dioswan Tinkukuna Toldo punkuman apamonqa. Chantá torilloj umanman makinta churaspa, Tata Diospa ñawpaqenpi ñak'anqa.

Levítico 5:6

Chantá juchan pampachasqa kananpaj, uywanmanta uj china ovejata, chayrí uj cabrata apamunan tiyan, Tata Diosman jaywananpaj. Sacerdotetaj chay uywata ñak'aspa, Tata Diosman jaywajtin, chay runaj juchan pampachasqa kananta tarenqa.

Levítico 6:7

7 (5.26) Chantá sacerdoteqa chay runaj juchallisqan pampachasqa kananpaj, chay jaywanata Tata Diosman jaywanqa. Ajinata ruwasqanrayku, chay runaj mayqen juchallisqanpis pampachasqa kanqa, nispa.

Levítico 8:14

Chantá Moisés kamacherqa jucha pampachasqa kananpaj jaywana torillota apamunankuta. Apamojtinkutaj, Aaronwan, churinkunawan ima torilloj umanman makinkuta churarqanku.

Levítico 8:18

Chaymanta Moisesqa q'olachispa jaywanapaj corderota apamunankuta nerqa. Apamojtinkutaj, Aaronwan, churinkunawan ima uywaj umanman makinkuta churarqanku.

Levítico 8:22

Chaymanta Moisés Tata Diospaj t'aqasqa kanapaj jaywana ujnin kaj corderotañataj apachimorqa. Chantá Aaronwan, churinkunawan ima, uywaj umanman makinkuta churarqanku.

Levítico 9:7

Chaymanta Moisesqa Aaronta nillarqataj: Altarman qayllaspa, jucha pampachasqa kananpaj jaywanaykita jayway. Chantá q'olachina jaywanaykitapis jaywallaytaj. Ajinata ruwanki qanpa juchallisqayki, jinataj israelitakunaj juchallisqankupis pampachasqa kananpaj. Chantá israelitakunaj apamusqankuta Diosman jayway, juchallisqanku pampachasqa kananpaj. Ajinata Tata Diospa kamachisqanman jina ruwanki, nispa.

Números 15:25

Chaymanta sacerdote chay uywata israelitakunaj juchallisqanku pampachasqa kananpaj Tata Diosman jaywanqa. Juchallisqankutaj pampachasqa kanqa, imajtinchus mana yuyasqallamanta juchallerqanku. Noqataj mana yuyasqallamanta juchallikusqankuta pampachasaj, imajtinchus qankunaqa q'olachispa jaywanata, chantá jucha pampachasqa kananpaj jaywanatawan jaywawarqankichej.

Números 15:28

Chay runa mana yuyasqallamanta juchallisqan pampachasqa kananpaj, sacerdoteqa cabrata jaywanqa, noqataj juchallisqanta pampachasaj.

Números 25:13

Chayrayku payman, jinataj mirayninmanpis sacerdote kanankuta wiñaypaj qoni. Chayta ruwani imaraykuchus payqa Diosninmanta sienterqa, israelitakunaj juchallisqanku pampachasqa kanantataj tarerqa, nispa.

Números 8:10

Chantá Tata Diospa ñawpaqenman levitakunata qayllachejtiyki, israelitakunaqa levitakunaj umankuman makinkuta churanqanku.

Números 8:12

Chaymantá levitakunañataj torillokunaj umanman makinkuta churanqanku. Chaymantataj ujnin kaj torillota jucha pampachasqa kananpaj jaywanki. Ujnintataj q'olachispa Tata Diosman jaywanki levitakuna llimphuchasqa kanankupaj.

Romanos 12:1

Ajinaqa wawqe panakuna, Dios khuyakuyninpi qankunata qhespichinanpaj imatachus ruwasqanrayku kayta ruwanaykichejta mañakuykichej: Qankuna ukhuykichejta Diosman jaywaychej mana Diosman jaywasqa uywa jina wañunaykichejpajchu, manachayqa Diospa sonqonta kusichinapaj jina llimphuta kawsanaykichejpaj. Ajinata ruwaspamin Diosta tukuy sonqo yupaychankichej.

Romanos 3:25

Diosqa Jesucristota kay pachaman kachamorqa noqanchejrayku wañunanpaj. Ajinaqa sichus Jesucristo noqanchejrayku wañusqanpi atinikunchej chayqa, Dios juchanchejta pampachan. Ajinata ruwaspa, Diosqa cheqan kasqanta rejsichikun, jinataj pacienciayoj kasqanta, maypachachus ñawpajta juchallejkunata mana jasut'erqachu, chaypacha.

Romanos 5:11

Mana chayllachu. Astawanqa Tukuyta Kamachej Jesucristonejta Dioswan allinpi kawsakunaman churasqa kasqanchejmanta kusikullanchejtaj, imaraykuchus paynejtamin Dioswan allinyachisqa kanchej.

Filipenses 4:18

Kaykama tukuy imachus pisiwasqanqa tiyapuwanña, chaymantapis astawanraj. Ashkhaña tiyapuwan, imaraykuchus Epafroditowan apachimuwasqaykichejta jap'iniña. Chay apachimuwasqaykichejqa ima munay q'apashaj jaywana jina, chaytaj Diosnejta allinpaj qhawasqa, sonqonpa munasqanman jinataj.

Hebreos 10:4

Chayqa ajina, imaraykuchus torokunaj, chantá chivokunaj yawarnenqa runaj juchanta manapuni wiñaypaj pampachayta atinchu.

1 Juan 2:2

Paymin juchanchej pampachasqa kananpaj ñak'asqa uywata q'olachisqa jina jaywasqa karqa. Manataj noqanchejpa juchanchejraykullachu, jaywasqa karqa, astawanqa kay pachapi tukuy runaj juchankurayku.