Levítico 1:3 - DIOSPA QHELQACHISQ

³ Sichus mayqenpis sonqonmanta munaspa q'olachispa jaywanata wakankunamanta apamuwanqa chayqa, mana iman imanasqa uj torota apamuchun. Jaywasqanta Tata Dios kusisqa jap'ikunanpajqa, Dioswan Tinkukuna Toldoman yaykuna punkupi jaywanqa.

Qheshwa Biblia DC

^3-4 Sichus wakasmanta uj rikuchikuta ruphachipunawampaj mayqempis apamuwanqa chayqa, apamuwachun sumajnin kaj torota mana iman imanasqata. Ajinamanta Diospaj allin kanampaj, chaytaqa Señorpa ñaupaqempi jaywanqa, Dioswan tinkukuna toldo punku yaykuypi, makinta chay uywaj umanman churaykuspa. Ajinamanta juchasnimpa cuentanmanta chay uywa ruphachisqa kanqa.

DIOSPA QHELQACHISQAN DEUTEROCANONICAL

³ Sichus mayqenpis sonqonmanta munaspa q'olachispa jaywanata wakankunamanta apamuwanqa chayqa, mana iman imanasqa uj torota apamuchun. Jaywasqanta Tata Dios kusisqa jap'ikunanpajqa, Dioswan Tinkukuna Toldoman yaykuna punkupi jaywanqa.

Levítico 1:3 ပူးပေါင်းရင်းမြစ်များ

Génesis 22:13

Chantá Abraham qhawarispa, sach'a ukhupi uj carnerota rikorqa wajranmanta ch'ipaykusqata. Chantá pay carnerota aysamuytawan ñak'aspa, churinpa cuentamanta altarpi q'olachispa Diosman jaywarqa.

Génesis 22:2

Chantá Dios nerqa: Munasqa churiyki Isaacta pusariykukuspa, Moriah sutiyoj cheqanejman riy. Chayman chayaspataj, churiykita q'olachispa, noqaman jaywawanki, may orqopichus nisqayki, chaypi, nispa.

Génesis 22:8

Abrahamtaj kuticherqa: Wawáy, Diosmin q'olachinanchejpaj corderota qowasunchej, nispa. Chantá iskayninku rillarqankupuni.

Génesis 8:20

Chantá Noeqa Tata Diosta yupaychananpaj uj altarta ruwarqa. Chaypitaj ñak'aspa, chantá q'olachispa ima Diosman jaywarqa, llimphupaj qhawasqa tukuy animalmanta, tukuy phawajmanta ima.

2 Crónicas 29:32

Tukuy runakuna Tata Diosman jaywanapaj uywata apamusqankoqa karqa: Qanchis chunka torokuna, pachaj carnerokuna, 200 corderokunapiwan. Chay tukuy karqa Tata Diosman q'olachispa jaywanapaj.

2 Crónicas 35:12

Chaymantataj levitakunaqa q'olachinapaj chay uywakunaj wiranta orqhospa, tukuynin aylluman, wasi ayllukunaman jina rak'irarqanku, Tata Diosman jaywanankupaj Moisespa kamachisqanman jina. Torillokunawanpis kikillantataj ruwarqanku.

Salmos 110:3

Maqanakoj llojsinayki p'unchayta soldadoykikunaqa sonqomanta munaspa, qanwan khuska maqanakonqanku qanpaj t'aqakusqayki orqopi. Inti llojsimuyta kallpaykeqa chhullawan jina mosojyachisqa kanqa.

Salmos 40:8

8 (9) Diosníy, munasqaykita ruwaspa kusikuni, yachachiwasqaykitaj sonqoypi kashan, nispa.

Éxodo 12:5

Chay t'aqasqaykichej uywaqa mana iman imanasqachu kanan tiyan. Chantapis orqo, uj watayoj kanan tiyan. Chay uywataj cordero chayrí chivopis kanan tiyan.

Éxodo 24:5

Chantá Moisesqa waynakunata kacharqa, torillokuna ñak'asqata q'olachispa, Tata Diosman jaywanankupaj. Jaywallarqankutaj k'achata kawsakuy jaywanatapis.

Éxodo 29:18

Jinaytawantaj, tukuy corderota altar patapi ruphachinki. Chayta q'olachispa, Tata Diosman jaywanki, sumajta q'aparisqantaj Tata Diospa sonqonman chayanqa.

Éxodo 29:4

Chaymantataj Aaronta, churinkunatawan ima Dioswan Tinkukuna Toldo punkuman pusanki, chaypitaj paykunata yakuwan mayllanki.

Éxodo 29:42

Ajina noqaj sutiypi q'olachisqa jaywanataqa wawaykichejkuna wiñaypaj wiñayninkama ñawpaqeypi jaywallanqankupuni. Chaytaqa Dioswan Tinkukuna Toldo punkupi, maypichus noqa qanwan parlanaypaj tinkusaj, chaypi jaywanqanku.

Éxodo 32:6

Q'ayantenqa tutamanta jatariytawan, israelitakuna uywa ñak'asqa q'olachinata, k'acha kawsakuy jaywanatawan ima waka uña lantiman jaywarqanku. Chaymantataj tiyaykurikuspa, mikhorqanku, ujyarqanku ima. Chantá kusiririkuspa tukuy imaymana khuchiriyota ruwanaman qokorqanku.

Éxodo 35:21

Chaymantataj sonqomanta munaspa, mashkhatachus qoyta munasqankuman jina, tukuy sonqo Tata Diospaj ofrendata apamorqanku. Dioswan Tinkukuna Toldota ruwanapaj, toldopi imachus kanan karqa chaykunata, jinallataj sacerdotekunapaj p'achata ruwanapaj apamorqanku.

Éxodo 35:29

Israel ayllumanta qharikuna, warmikuna ima sonqonkumanta munaspa, Tata Diospaj ofrendankuta apamorqanku, Tata Dios Moisesman kamachisqanman jina ruwanankupaj.

Éxodo 35:5

Tiyapususqaykichejmanta Tata Diospaj ofrendata t'aqapuychej. Tukuy sonqonkumanta Tata Diosman qoyta munajkuna munasqankuman jina kay imakunata apamuchunku: Qorita, qolqe metalta, bronceta,

Éxodo 36:3

Chantá Moisés israelitakunaj apamusqanku tukuy ofrendata paykunaman qorqa, chaywan Dioswan Tinkukuna Toldopi imakunachus kanan karqa, chaykunata ruwanankupaj. Chaykamatajrí, israelitakunaqa sapa paqarin sonqomanta munaspa, ofrendata apamushallarqankupuni.

Éxodo 38:1

Chantá Besalel acacia maderamanta uywa ñak'asqata q'olachispa jaywanapaj altarta ruwallarqataj. Sayt'unman iskay metro cuartayoj karqa, kikillantaj kinrayninman. Sayayninmantaj uj metro cuartayojllataj karqa.

Isaías 1:11

Tata Dios nin: Pitaj nisunkichej uywa ñak'asqa jaywanata munasqaytari? Amisqaña kani q'olachisqa carnerokunawan, jinallataj waka uñaj wiranta jaywawasqaykichejwan. Manaña munanichu torokunaj, ovejakunaj, chantá chivokunaj yawarninkuta.

Ezequiel 20:40

Ajllakusqay orqopi, Israelpa jatun orqonpi tukuynin israelitakuna yupaychawanqanku. Chaypi noqa tukuy sonqo jap'ikapusqaykichej. Chayllapitaj qankunamanta mañasqaykichej jaywanata jaywanawaykichejta, chajraykichejmantataj ñawpaj kaj poqoyta apamunawaykichejta, chantá imatachus qonawaykichejpaj t'aqankichej, chaykunatawan. Noqa Tukuyta Kamachej Tata Dios ajinata nini.

Ezequiel 40:39

Punku yaykuna corredorpi tawa mesakuna karqanku, sapa ladopi iskaykama churasqa. Chay mesa patapitaj uywata ñak'ananku karqa q'olachinankupaj, jucharayku jaywaspa, mana yuyasqallamanta juchallisqankurayku jaywanapaj ima.

Levítico 1:10

Sichus israelitakunamanta pipis q'olachispa jaywananpaj ovejamanta, chayrí cabramanta apamonqa chayqa, orqota mana iman imanasqata apamunan tiyan.

Levítico 14:10

Pusaj kaj p'unchaypitaj iskay corderota mana iman imanasqata apamonqa. Jinallataj uj watayoj ovejata mana iman imanasqata apamullanqataj. Apamullanqataj, ch'aki mikhuy jaywanata jaywanapaj, sumaj jak'umanta aceitewan puñasqata sojta kilo khuskanniyojta, chantá khuskan botella aceitetawan.

Levítico 16:7

Chaymantataj iskay chivota jap'ispa, Tata Diosman apamonqa Dioswan Tinkukuna Toldo punkuman.

Levítico 17:4

Dioswan Tinkukuna Toldo punkuman apamuspa ñak'anan tiyan Tata Diosman jaywanapaj. Sichus jaramanta jawapi, chayrí jara ukhupi ñak'anman chayqa, runa wañuchipis kanman jina juchachasqa kanqa. Chayrayku llajtanmanta chinkachisqa kanqa.

Levítico 17:8

Jinallataj israelitakunata niy: Sichus mayqen israelita, chayrí qankunawan tiyakoj waj llajtayojpis q'olachispa Diosman jaywananpaj uywata, chayrí ima jaywanallatapis jaywayta munan chayqa, Dioswan Tinkukuna Toldoman chayta apamuchun.

Levítico 17:9

Sichus wajnejpi Tata Diosman jaywanman chayrí, chay runa ayllun ukhumanta chinkachisqa kanqa, nispa.

Levítico 23:12

Marq'a apamusqaykichejta ikhaspa, Diosman jaywankichej. Chay p'unchayllataj uj watayoj mana ima imanasqa corderota Diosman jaywankichej, q'olachispa Tata Diosman jaywanapaj.

Levítico 23:18

T'antatawan khuska uj watayoj qanchis corderokunata mana imanku imanasqata, uj torillota, iskay carnerokunatawan apamullankichejtaj, q'olachispa Tata Diosman jaywanapaj. Chay q'olachispa jaywasqaj q'apaynenqa ima munayta Tata Diospa sonqonman chayanqa. Chaykunatawan khuska, ch'aki mikhuy jaywanata, chantá vinotawan ima jaywallankichejtaj.

Levítico 3:1

Sichus mayqenpis uywanmanta wakata, chayrí torota k'achata kawsakuy jaywanata jaywananpaj Tata Diosman apamunman chayqa, mana iman imanasqa uywata apamunan tiyan.

Levítico 4:15

Chaypitaj israelitakunaj kurajninkuna Tata Diospa ñawpaqenpi torilloj umanman makinkuta churanqanku. Chantá chaypi torillota ñak'anqanku.

Levítico 4:23

Juchallisqanta reparakuytawantaj, mana iman imanasqa uj chivota Diosman jaywananpaj apamonqa.

Levítico 4:3

Sichus kuraj kaj sacerdote juchallinman chayqa, tukuy israelitakuna juchayojllataj rikhurenqanku. Jina kajtenqa, juchallisqan pampachasqa kananpaj sacerdoteqa mana iman imanasqa torillota Tata Diosman jaywanqa.

Levítico 4:32

Sichus uj runa juchanrayku jaywananpaj uj ovejata apamunman chayqa, mana iman imanasqata apamunan tiyan.

Levítico 5:15

Sichus pillapis mana reparakuspalla juchallinman, noqapaj t'aqasqa kajmanta jap'ikapuspa chayqa, juchallisqanmanta Tata Diosman jaywananpaj, ovejanmanta, mana iman imanasqa corderota apamunan tiyan. Chay cordero mashkhachus valesqantaqa, Dioswan Tinkukuna Toldopi precio churasqa kasqanman jina churankichej. Chayqa jucha pampachasqa kananpaj jaywanamin.

Levítico 5:18

Chayrayku juchallej runaqa ovejanmanta mana iman imanasqa uj corderota sacerdoteman apamunan tiyan, chayrí cordero mashkhachus valesqanta qolqepi churanki. Sacerdotetaj runaj juchallisqan pampachasqa kananpaj Diosman jaywanqa. Ajinata ruwaspa chay runa mana reparakuspalla juchallisqan pampachasqa kananta tarenqa. Juchallisqantaj pampachasqa kanqa.

Levítico 6:2

2 (5.21) Pillapis runa masinta q'otiyajqa, Tata Diospa contranpi juchallin. Ichapis kay jinata ruwaspa juchallinman: Payman runa masin saqekusqanta jap'ikapuspa, chayrí prenda qosqanta mana qopuspa, chayrí imantapis suwaspa, chayrí kallpanman atinikuspa imantapis qhechuspa.

Levítico 6:8

8 (1) Tata Dios Moisesta nillarqataj:

Levítico 7:16

Sichus pipis, imata nisqanta junt'aspa, uj uywata apamunman chayqa, chayrí sonqonmanta munaspa apamunman chayqa, Diosman jaywanqa. Chantá chay kikin p'unchaypacha jaywasqa uywaj aychanta mikhunanku tiyan. Chaymanta puchojtataj q'ayantinpis mikhuyta atillanqanku.

Levítico 8:18

Chaymanta Moisesqa q'olachispa jaywanapaj corderota apamunankuta nerqa. Apamojtinkutaj, Aaronwan, churinkunawan ima uywaj umanman makinkuta churarqanku.

Levítico 8:21

Chantá ñak'asqa corderoj ch'unchulanta, piernantawan ima yakuwan mayllaspa, tukuyninta altarpi q'olacherqa, ima munayta q'apashaj Tata Diosman jaywanata jina. Ajinata Moisés ruwarqa, Tata Diospa kamachisqanman jina.

Levítico 9:2

Chantá Moisés Aaronta nerqa: Juchata pampachanapaj uj torillota apamuy. Jinallataj q'olachispa jaywanapaj mana iman imanasqa corderotawan apamullaytaj. Jinaspataj chaykunata Tata Diosman jayway.

Zacarías 13:7

Tukuy Atiyniyoj Tata Dios nin: Yu espada, michejniypa contranpi oqharikuy, pichus yanapawajpa contranpitaj sayariy. Michejta wañuchiy, ovejaykunataj ch'eqerakonqanku. Noqapis corderokunaj contrallankupitaj oqharikusaj.

Malaquías 1:14

Maldicisqa kachun, pichus sumajnin kaj uywata qonawanta nishaspa onqosqa kajta jaywawajqa, imaraykuchus noqa Kuraj Kamachejninku kani. Waj suyukunapitaj runakuna may jatun respetowan qhawawanku. Noqa Tukuy Atiyniyoj Tata Dios chayta nini.

Números 15:3

Tata Diosman ima munayta q'apashaj jaywanata jaywankichej. Chay jaywanakunaqa kaykuna kayta atinman: Uywa ñak'asqata q'olachispa jaywana, nisqaykichejta junt'aspa jaywana, chayrí sonqomanta munaspa jaywana, chayrí jatuchaj raymikunapi jaywana ima. Chay jaywanakunata jaywanaykichejpaj wakaykichejmanta, ovejaykichejmanta chayrí cabraykichejmanta jap'ispa apamunkichej.

Números 15:8

Sichus q'olachispa Tata Diosman jaywanapaj, chayrí k'achata kawsakuy jaywanata, chayrí imata nisqaykichejta junt'anapaj uj torillota apamunkichej chayqa,

Números 19:2

Noqa Tata Dios kayta kamachini: Israelitakunata niy pukaraw uj wakata, mana iman imanasqata, manaraj kunkanman yugo chayajta apamunankuta.

Números 23:19

Diosqa mana wañoj runa jinachu llullakunanpaj, nitaj nisqanmanta kutirinanpaj. Nin chayqa, manachu ruwanqa? Parlan chayrí, imatachus nisqanta manachu junt'anqa?

Números 23:27

Chantá Balac nerqa: Jina kajtenqa, jaku, wajnejmanñataj risunchej. Ichapis Diosqa chaymanta israelitakunata maldicinaykita munanman, nispa.

Números 23:3

Chaymantataj Balaamqa Balacta nerqa: Qanqa jaywanaykipaj ñak'asqaykej qayllanpi kashay. Noqataj Tata Dioswan tinkumoj risaj. Ichapis rikhuriwaspa, imata niwanman. Kutimuspataj, imatachus niwasqanta willasqayki, nispa. Chantá Balaamqa uj ch'in orqoman wicharerqa.

Números 23:30

Balactaj, Balaampa nisqanman jina, kikinta ruwarqa. Sapa altarpi uj torillota, uj carnerotawan ñak'aspa, jaywarqa.

Números 28:11

Killa qallariyta mana iman imanasqa iskay torillota, uj carnerota, uj watayoj qanchis corderotawan ima q'olachispa, Tata Diosman jaywankichej.

Números 28:19

Chay jawaqa, Tata Diosman q'olachispa jaywankichej mana iman imanasqa iskay torillokunata, uj carnerota, uj watayoj qanchis corderotawan ima.

Números 28:31

Q'olachispa sapa p'unchay jaywanata, jinallataj ch'aki mikhuy jaywanata jich'anapaj vinotawan jaywankichej. Jaywanapaj uywakunaqa mana iman imanasqa kananku tiyan, nispa.

Números 29:13

Raymi qallariy p'unchayta, ima munayta q'apashaj q'olachisqa jaywanata Tata Diosman jaywankichej mana iman imanasqa, chunka kinsayoj torillokunata, iskay carnerokunata, uj watayoj chunka tawayoj corderokunata ima.

Números 29:2

Chaypacha q'olachispa Tata Diosman jaywankichej, ima munayta q'apashaj jaywanata jina, mana iman imanasqa uj torillota, uj carnerota, uj watayoj qanchis corderokunatawan ima.

San Lucas 1:35

Angeltaj kuticherqa: Santo Espíritu qanman jamonqa, Diospa atiynintaj llanthuykusonqa. Chayrayku paqarichikunki, chay wawaqa Diospaj t'aqasqa kanqa, Diospa Churin sutichasqataj.

San Juan 1:36

Juantaj chaynejpi Jesusta purishajta rikuspa, nerqa: Rikuychej, Diospa Corderon kaypi kashan, nispa.

San Juan 10:7

Chayrayku Jesús uj kutitawan chay runakunata nerqa: Sut'ita niykichej: Noqaqa oveja kanchaman yaykuna punku jina kani.

San Juan 10:9

Noqarí punku jina kani. Noqanejta yaykojqa qhespichisqa kanqa, mana pej ima nisqantaj yaykuyta, llojsiyta atenqa, chantá sumaj mikhunata tarenqa.

2 Corintios 8:12

Sichus pipis tukuy sonqowan qoyta munan chayqa, Dios chay qosqanta kusiywan jap'enqa. Pay munan tiyapuwasqanchejman jinalla qonanchejta, manataj mañakuwanchejchu mana tiyapuwajtinchejqa.

2 Corintios 9:7

Sapa uj qolqeta churachun sonqonpi yuyaychakusqanman jina, mana llakikuspa, nitaj mat'isqa jinachu, imaraykuchus Dios munakun pichus kusiywan qojta.

Efesios 2:18

Kunantaj paynejta judiokuna, mana judiokunapis kikin Santo Espiritunejllata Tata Diospa ñawpaqenman qayllayta atinchej.

Efesios 5:27

Ajinata ruwarqa pay kikinman Iglesiata pusananpaj sumaj k'ancharishajta, mana ch'ichiyojta, mana k'usuyojta, nillataj iman imanasqata. Manachayqa juchamanta t'aqasqa kanqa, mana imamanta k'aminataj.

Deuteronomio 12:27

Chaypitaj Tata Diosniykichejpa altarninpi q'olachispa jaywanata jaywankichej. Chay jaywasqaykichej uywakunaj yawarnintataj Tata Diosniykichejpa altarninman jich'ankichej. Aychatatajrí mikhuyta atinkichej.

Deuteronomio 15:21

Sichus chay uywa wist'u kanman, chayrí ñawsa, chayrí imallanpis imanasqa kanman chayqa, ama Tata Diosman jaywankichu.

Deuteronomio 17:1

Diosniykichejmanqa ama iman imanasqa torota, chayrí ovejata jaywankichejchu, imajtinchus payqa chay jina jaywanata millachikun.

Hebreos 7:26

Jesusqa, necesitasharqanchej chay Kuraj Kaj Sacerdotemin. Payqa juchamanta t'aqasqa, mana k'amina, llimphutaj. Kunantaj Dios Payta juchasapakunamanta t'aqanña, jinataj janaj pachamanta aswan pataman churarqa.

Hebreos 9:14

Cristorí wiñaypaj kawsaj Santo Espiritunejta Diosman mana iman imanasqa uywa jina pay kikin jaywaykukorqa. Ajinaqa Cristoj yawarnin may jinatarajchus sonqonchejta millay ruwasqanchejmanta llimphuchawasunchej, kawsaj Diospa munayninta ruwananchejpaj.