Levítico 1:17 - DIOSPA QHELQACHISQ

¹⁷ Phawaj uywataqa mana iskayman p'itispa, lijran chaynejmanta ch'ejtanqanku. Chantá jinaytawan, sacerdoteqa phawaj uywata altar patapi q'olachenqa. Chay q'olachisqa jaywanaqa Tata Diospaj ima munay q'aparishaj jaywana kanqa, nispa.

Qheshwa Biblia DC

¹⁷ Chay lijrayojtaqa khuskanninmanta p'akenqa mana iskayman t'aqaspa. Sacerdotetaj chay p'isqotaqa altarpi llant'a patapi ruphachenqa. Chay ruphachispa jaywasqampa q'apaynenqa Señorpaj allin kanqa.

DIOSPA QHELQACHISQAN DEUTEROCANONICAL

¹⁷ Phawaj uywataqa mana iskayman p'itispa, lijran chaynejmanta ch'ejtanqanku. Chantá jinaytawan, sacerdoteqa phawaj uywata altar patapi q'olachenqa. Chay q'olachisqa jaywanaqa Tata Diospaj ima munay q'aparishaj jaywana kanqa, nispa.

Levítico 1:17 ပူးပေါင်းရင်းမြစ်များ

Génesis 15:10

Jinataj Abram chay uywakunata apamuspa, Diospa ñawpaqenpi ñak'arqa, chantá khuskanmanta khuchuspataj, chimpapurata churarqa. Jurk'utata, urpi irpatawanrí mana khuchorqachu.

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

Salmos 16:10

Qanqa jallp'aj sonqonpi mana saqerpariwankichu, nitaj pichus kasusojpa ukhun asnapunantapis.

Levítico 1:13

Chantá pichus jaywajqa uywaj ch'unchulanta, chakinta ima yakuwan mayllanqa. Sacerdotetaj tukuy chaykunata altarpi q'olachispa jaywanqa. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 2:2

Chaymantataj Aaronpa mirayninmanta sacerdotekunaman apanqa. Sacerdotekunamanta ujnintaj aceiteyoj jak'umanta, inciensomantawan ima uj pojtuta oqharispa, altarpi q'olachenqa. Ajinata q'olachenqa, noqa Tata Dios qankunamanta tukuy imapi yuyarikusqayta yachanaykichejpaj. Chay q'olachispa jaywanaqa Tata Diospaj ima munay q'aparishaj jaywana kanqa.

Levítico 3:5

Tukuy chaytaqa Aaronpa mirayninmanta sacerdotekuna altarpi q'olachenqanku, uywa ñak'asqa q'olachinatawan khuska. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 5:8

Juchallej runaqa chaykunata sacerdoteman apanqa. Sacerdotetaj chay runaj juchan pampachasqa kananpaj ujnin urpi irpata ñawpajta Diosman jaywanqa, kunkanta q'ewispa, manataj umanta p'itispachu.

Levítico 6:14

14 (7) Ch'aki mikhuy jaywanata jaywaspaqa, ajinata ruwanqanku: Aaronpa churinkunaqa chayta altarpi, Tata Diospa ñawpaqenpi jaywanqanku.

Levítico 8:21

Chantá ñak'asqa corderoj ch'unchulanta, piernantawan ima yakuwan mayllaspa, tukuyninta altarpi q'olacherqa, ima munayta q'apashaj Tata Diosman jaywanata jina. Ajinata Moisés ruwarqa, Tata Diospa kamachisqanman jina.

Levítico 9:13

Chaymantataj uywaj umanta, khuchusqa aychantawan jaywarqanku, Aarontaj chaykunata altarpi q'olacherqa.

Números 15:3

Tata Diosman ima munayta q'apashaj jaywanata jaywankichej. Chay jaywanakunaqa kaykuna kayta atinman: Uywa ñak'asqata q'olachispa jaywana, nisqaykichejta junt'aspa jaywana, chayrí sonqomanta munaspa jaywana, chayrí jatuchaj raymikunapi jaywana ima. Chay jaywanakunata jaywanaykichejpaj wakaykichejmanta, ovejaykichejmanta chayrí cabraykichejmanta jap'ispa apamunkichej.

Números 28:8

Ujnin kaj corderotataj ch'isiyaykuyta q'olachispa jaywanqanku, chaymantaj ch'aki mikhuymanta jaywanata, vinotawan ima yapanqanku, imaynatachus tutamanta jaywarqanku, ajinallatataj. Chaykunaqa Tata Diospaj ima munayta q'apashaj jaywanamin kanqa.

San Mateo 27:50

Chantá Jesús ujtawan sinch'ita qhaparispa, wañuporqa.

San Juan 19:30

Jesustaj chay k'allku vinota llamiytawan, nerqa: Imachus ruwanayta tukuychaniña, nispa. Chantá umanta liwiykuspa, wañuporqa.

Romanos 4:25

Jesucristomin juchanchejrayku wañunanpaj jaywaykusqa karqa, jinataj cheqan runapaj qhawasqa kananchejpaj kawsarichisqa karqa.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.