Levítico 1:13 - DIOSPA QHELQACHISQ

¹³ Chantá pichus jaywajqa uywaj ch'unchulanta, chakinta ima yakuwan mayllanqa. Sacerdotetaj tukuy chaykunata altarpi q'olachispa jaywanqa. Chay q'olachisqa jaywanaqa Tata Diospaj ima munay q'aparishaj jaywana kanqa.

Qheshwa Biblia DC

¹³ Chanta chay runa mayllanqa, uywaj ch'unchulasninta, chakisnintapis. Chaymantataj sacerdoteqa, tukuy chaykunata ruphachenqa altar patapi. Chay ruphachispa jaywasqampa q'apaynenqa Señorpaj allin kanqa.

DIOSPA QHELQACHISQAN DEUTEROCANONICAL

¹³ Chantá pichus jaywajqa uywaj ch'unchulanta, chakinta ima yakuwan mayllanqa. Sacerdotetaj tukuy chaykunata altarpi q'olachispa jaywanqa. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 1:13 ပူးပေါင်းရင်းမြစ်များ

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

2 Crónicas 4:6

Jirán ruwachillarqataj mayllanapaj chunka juch'uy ch'illamikunata, phishqata pañanejman churarqa, phishqatataj lloq'eman. Chaykunapi q'olachinapaj uywa ñak'asqata mayllaj kanku. Chay jatun ch'illamipitajrí sacerdotekuna mayllakoj kanku.

Ezequiel 40:38

Uj cuarto kallarqataj, punkuntaj sayantakuna qayllapi karqa. Chaypi uywata ñak'aspa, Diosman jaywanankupaj mayllananku karqa.

Levítico 1:9

Chantá pichus jaywajqa uywaj ch'unchulanta, chakintawan ima yakuwan mayllanqa. Chaymantataj sacerdoteqa tukuyninta altar patapi q'olachenqa. Chay q'olachispa jaywanaqa Tata Diospaj ima munay q'aparishaj jaywana kanqa.

Levítico 2:11

Tata Diosman ch'aki mikhuymanta jaywanaykichejmanqa altarpi q'olachispa, amapuni levadurata nitaj abeja misk'ita churankichejchu.

Levítico 2:2

Chaymantataj Aaronpa mirayninmanta sacerdotekunaman apanqa. Sacerdotekunamanta ujnintaj aceiteyoj jak'umanta, inciensomantawan ima uj pojtuta oqharispa, altarpi q'olachenqa. Ajinata q'olachenqa, noqa Tata Dios qankunamanta tukuy imapi yuyarikusqayta yachanaykichejpaj. Chay q'olachispa jaywanaqa Tata Diospaj ima munay q'aparishaj jaywana kanqa.

Levítico 3:5

Tukuy chaytaqa Aaronpa mirayninmanta sacerdotekuna altarpi q'olachenqanku, uywa ñak'asqa q'olachinatawan khuska. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 4:31

Chantaqa cabraj tukuy wiranta wirachanqa, imaynatachus Tata Diosman k'achata kawsakuy jaywanata jaywanapaj ñak'asqa uywaj wiranwan ruwanku, ajinallatataj. Sacerdoteqa ajinata ruwaspa, runaj juchan pampachasqa kananta tarenqa, chay runaj juchantaj pampachasqa kanqa.

Levítico 6:14

14 (7) Ch'aki mikhuy jaywanata jaywaspaqa, ajinata ruwanqanku: Aaronpa churinkunaqa chayta altarpi, Tata Diospa ñawpaqenpi jaywanqanku.

Levítico 8:21

Chantá ñak'asqa corderoj ch'unchulanta, piernantawan ima yakuwan mayllaspa, tukuyninta altarpi q'olacherqa, ima munayta q'apashaj Tata Diosman jaywanata jina. Ajinata Moisés ruwarqa, Tata Diospa kamachisqanman jina.

Números 15:3

Tata Diosman ima munayta q'apashaj jaywanata jaywankichej. Chay jaywanakunaqa kaykuna kayta atinman: Uywa ñak'asqata q'olachispa jaywana, nisqaykichejta junt'aspa jaywana, chayrí sonqomanta munaspa jaywana, chayrí jatuchaj raymikunapi jaywana ima. Chay jaywanakunata jaywanaykichejpaj wakaykichejmanta, ovejaykichejmanta chayrí cabraykichejmanta jap'ispa apamunkichej.

Números 15:4

Tata Diosman jaywanaykichejpaj apamuspaqa, apamunallaykichejtaj tiyan, iskay kilo sumaj jak'uta, uj litro aceitewan puñasqata.

Números 28:11

Killa qallariyta mana iman imanasqa iskay torillota, uj carnerota, uj watayoj qanchis corderotawan ima q'olachispa, Tata Diosman jaywankichej.

Números 28:8

Ujnin kaj corderotataj ch'isiyaykuyta q'olachispa jaywanqanku, chaymantaj ch'aki mikhuymanta jaywanata, vinotawan ima yapanqanku, imaynatachus tutamanta jaywarqanku, ajinallatataj. Chaykunaqa Tata Diospaj ima munayta q'apashaj jaywanamin kanqa.

Deuteronomio 12:27

Chaypitaj Tata Diosniykichejpa altarninpi q'olachispa jaywanata jaywankichej. Chay jaywasqaykichej uywakunaj yawarnintataj Tata Diosniykichejpa altarninman jich'ankichej. Aychatatajrí mikhuyta atinkichej.