Levítico 1:10 - DIOSPA QHELQACHISQ

¹⁰ Sichus israelitakunamanta pipis q'olachispa jaywananpaj ovejamanta, chayrí cabramanta apamonqa chayqa, orqota mana iman imanasqata apamunan tiyan.

Qheshwa Biblia DC

¹⁰ Sichus ovejasmanta, chayri cabrasmanta, chayri rikuchikuta mayqempis apamonqa ruphachipunawampaj chayqa, apamuchun uj orqotapuni uj sumajnin kajta, mana iman imanasqata.

DIOSPA QHELQACHISQAN DEUTEROCANONICAL

¹⁰ Sichus israelitakunamanta pipis q'olachispa jaywananpaj ovejamanta, chayrí cabramanta apamonqa chayqa, orqota mana iman imanasqata apamunan tiyan.

Levítico 1:10 ပူးပေါင်းရင်းမြစ်များ

Génesis 4:4

Abelpis Tata Diosman jaywananpaj apallarqataj, ovejanmanta phiwi uñakunamanta aswan sumajnin kajta. Jinapi Tata Diosqa Abelta, chantá jaywasqantapis sonqo junt'asqa jap'ikorqa.

Génesis 8:20

Chantá Noeqa Tata Diosta yupaychananpaj uj altarta ruwarqa. Chaypitaj ñak'aspa, chantá q'olachispa ima Diosman jaywarqa, llimphupaj qhawasqa tukuy animalmanta, tukuy phawajmanta ima.

Éxodo 12:5

Chay t'aqasqaykichej uywaqa mana iman imanasqachu kanan tiyan. Chantapis orqo, uj watayoj kanan tiyan. Chay uywataj cordero chayrí chivopis kanan tiyan.

Ezequiel 43:22

Q'ayantintaj sumajnin kaj mana iman imanasqa chivota jucharayku jaywanki. Ajinata sacerdotekunaqa altarta juchamanta llimphuchanqanku, imaynatachus torillowan ruwarqanku, ajinallatataj.

Levítico 14:10

Pusaj kaj p'unchaypitaj iskay corderota mana iman imanasqata apamonqa. Jinallataj uj watayoj ovejata mana iman imanasqata apamullanqataj. Apamullanqataj, ch'aki mikhuy jaywanata jaywanapaj, sumaj jak'umanta aceitewan puñasqata sojta kilo khuskanniyojta, chantá khuskan botella aceitetawan.

Levítico 16:3

Aaronqa Diosllapaj T'aqasqa nisqa cheqaman yaykunan tiyan, jucha pampachasqa kananpaj jaywananpaj, uj torillowan, chantá q'olachispa Diosman jaywananpaj uj carnerowan ima.

Levítico 16:5

Aaronqa israelitakunaj juchanku pampachasqa kananpaj Diosman jaywananpaj, paykunamanta iskay chivota jap'enqa. Q'olachispa Diosman jaywananpajtaj uj carnerota jap'illanqataj.

Levítico 22:19

noqa jap'ikunaypaj jina uj orqota, mana iman imanasqata apamunan tiyan. Corderopis, toropis, chayrí chivopis kachun, ajinata apamunan tiyan.

Levítico 23:12

Marq'a apamusqaykichejta ikhaspa, Diosman jaywankichej. Chay p'unchayllataj uj watayoj mana ima imanasqa corderota Diosman jaywankichej, q'olachispa Tata Diosman jaywanapaj.

Levítico 3:1

Sichus mayqenpis uywanmanta wakata, chayrí torota k'achata kawsakuy jaywanata jaywananpaj Tata Diosman apamunman chayqa, mana iman imanasqa uywata apamunan tiyan.

Levítico 4:23

Juchallisqanta reparakuytawantaj, mana iman imanasqa uj chivota Diosman jaywananpaj apamonqa.

Levítico 4:3

Sichus kuraj kaj sacerdote juchallinman chayqa, tukuy israelitakuna juchayojllataj rikhurenqanku. Jina kajtenqa, juchallisqan pampachasqa kananpaj sacerdoteqa mana iman imanasqa torillota Tata Diosman jaywanqa.

Levítico 5:15

Sichus pillapis mana reparakuspalla juchallinman, noqapaj t'aqasqa kajmanta jap'ikapuspa chayqa, juchallisqanmanta Tata Diosman jaywananpaj, ovejanmanta, mana iman imanasqa corderota apamunan tiyan. Chay cordero mashkhachus valesqantaqa, Dioswan Tinkukuna Toldopi precio churasqa kasqanman jina churankichej. Chayqa jucha pampachasqa kananpaj jaywanamin.

Levítico 9:2

Chantá Moisés Aaronta nerqa: Juchata pampachanapaj uj torillota apamuy. Jinallataj q'olachispa jaywanapaj mana iman imanasqa corderotawan apamullaytaj. Jinaspataj chaykunata Tata Diosman jayway.

Malaquías 1:14

Maldicisqa kachun, pichus sumajnin kaj uywata qonawanta nishaspa onqosqa kajta jaywawajqa, imaraykuchus noqa Kuraj Kamachejninku kani. Waj suyukunapitaj runakuna may jatun respetowan qhawawanku. Noqa Tukuy Atiyniyoj Tata Dios chayta nini.

Números 15:5

Chay jawa, q'olachispa Diosman jaywanapaj, sapa corderopaj uj litro vinotawan apamunallaykichejtaj tiyan.

Números 19:2

Noqa Tata Dios kayta kamachini: Israelitakunata niy pukaraw uj wakata, mana iman imanasqata, manaraj kunkanman yugo chayajta apamunankuta.

Números 6:14

Chaypitaj uj watayoj corderota mana iman imanasqata Tata Diosman jaywanqa, q'olachisqa kananpaj. Jucha pampachasqa kananpajtaj, uj watayoj malta ovejata mana iman imanasqata Tata Diosman jaywallanqataj. Jinallataj uj carnerota mana iman imanasqata k'acha kawsakuy jaywanata jaywananpaj apallanqataj.

San Juan 1:29

Q'ayantin, Bautizaj Juan Jesusta payman jamushajta rikuspa, nerqa: Kaymá Diospa Corderonqa, pichus runakunaj juchankuta pampachaj.

1 Pedro 1:19

Aswanpis, Cristo cruzpi wañuspa yawarninta jich'asqanwan qankuna kacharichisqa kankichej. Payqa mana ch'ichiyoj, mana iman imanasqa cordero jina jaywasqa karqa.