Jueces 9:1 - DIOSPA QHELQACHISQ

¹ Yerubaalpa churin Abimelecqa Sichem llajtaman rerqa mamanmanta kaj ayllunkunawan parlaj. Jinaspataj, Abimelec nerqa:

Qheshwa Biblia DC

^1-2 Jerobaalpa wawan Abimelecqa, mamanmanta kaj ayllusninwan Siquem llajtapi parlaj rerqa, nispa: Noqa mañarikuykichej, kay Siquempi tiyakoj runasta umachanaykichejta uj runallawan kamachisqas kanankuta, manataj chay Jerobaalpa qanchis chunka wawasninwanchu. Yachankichej jina noqaqa yawar masiykichej kani.

DIOSPA QHELQACHISQAN DEUTEROCANONICAL

¹ Yerubaalpa churin Abimelecqa Sichem llajtaman rerqa mamanmanta kaj ayllunkunawan parlaj. Jinaspataj, Abimelec nerqa:

Jueces 9:1 ပူးပေါင်းရင်းမြစ်များ

Génesis 33:18

Jacobqa Padán Arammanta kutimpuspa, Canaanpi Sichem llajtaman walejllata chayarqa. Chayman chayaspataj, Sichem llajtaj chimpanpi tiyakorqa.

Génesis 34:2

Chantá Sichem Dinata rikuspa, mana munashajtin paywan puñuykorqa. Sichemqa heveo llajtayoj Jamorpa churin karqa. Paytaj chay llajtapi kamachej karqa.

2 Samuel 15:6

Chay jinata Absalonqa ruwaj llajtaman yaykoj tukuy israelitakunawan, justiciata mask'aspa kuraj kamachejta watukoj rejkunawan. Ajinata ruwaspataj, tukuy israelitakunaj sonqonkuta suwarqa.

1 Reyes 12:1

Roboanqa Sichem llajtaman rerqa, tukuynin israelitakunataj payta kuraj kamachejta jina churanankupaj, chay llajtaman tantakorqanku.

1 Reyes 12:20

Chantá tukuynin israelitakunaqa Jeroboán kutimusqanta yachaytawan, tantaykukorqanku, chayman payta wajyachimuspataj, Israel suyupi kamachinanpaj churarqanku. Ni uj ayllupis Davidpa ayllunta qhatejqa karqachu, manachayqa Judá jatun ayllumanta kajkunalla.

1 Reyes 12:3

Tukuy israelitakuna Jeroboanman sayasqa kajkunaqa payta wajyachimorqanku, jinataj paywan tantaykukuspa, Roboanwan kay jinata parlaj rerqanku:

Jeremías 18:18

Chantá runakuna nerqanku: Jeremiaspa contranpi wakichikuna. Mana jayk'ajpis sacerdotekuna yachachinawanchejpaj pisiwasunchu, nitaj yachayniyojkunapis umachanawanchejpaj, nillataj Diosmanta sut'inchajkunapis Diospa nisqanta willanawanchejpaj. Jeremiaspa contranta rimakunachej, amataj ni ima niwasqanchejta kasunachejchu, nispa.

Jeremías 41:5

pusaj chunka runakuna Sichemmanta, Silomanta, Samariamantawan chayamorqanku. Paykuna sunkhanku q'arasqa, p'achanku llik'isqa, chantá ukhunkupis khuchurasqa jamorqanku. Chayta paykuna kikinku khuchurakusqanku. Jinallatataj chajra poqoykunata jaywanankupaj, inciensota ima Tata Diospa Templonpi q'oshñichinankupaj apamusharqanku.

Josué 20:7

Chantá israelitakunaqa pakakuna llajtakunata ajllarqanku: Neftalíj jap'iynin orqorara cheqapi Galileapi Cedes llajtata, Efrainpa jap'iynin orqorara cheqanejpi Sichem llajtata, Judá jatun aylloj jap'iynin orqorara cheqapitaj Quiriat Arba llajtata. Chay llajtaj ujnin sutenqa Hebrón karqa.

Jueces 8:30

Paytaj ashkha warmiyoj kasqanrayku, qanchis chunka churinkunayoj karqa.

Jueces 8:31

Sichem llajtayoj kaj, chay ujnin warmeqa uj qhari wawata paypaj paqarichikorqa. Gedeontaj chay wawanta Abimelec sutiwan suticharqa.

Jueces 8:35

Israelitakunaqa Yerubaal sutiyoj chay Gedeonpa ayllunmantapis manallataj yuyarikullarqankupischu, payqa israelitakunata mayta yanapajtinpis.