Jueces 8:23 - DIOSPA QHELQACHISQ

²³ Gedeontajrí paykunaman kuticherqa: Mana noqachu, nitaj churiychu kamachejniykichej kasqayku, manachayqa Tata Dioslla kamachejniykichejqa.

Qheshwa Biblia DC

²³ Gedeontaj paykunaman kuticherqa: Mana noqachu nitaj wawaychu kamachisonqachej, manachayqa Señor kamachisonqachej.

DIOSPA QHELQACHISQAN DEUTEROCANONICAL

²³ Gedeontajrí paykunaman kuticherqa: Mana noqachu, nitaj churiychu kamachejniykichej kasqayku, manachayqa Tata Dioslla kamachejniykichejqa.

Jueces 8:23 ပူးပေါင်းရင်းမြစ်များ

Salmos 10:16

Tata Diosqa wiñaypaj Kuraj Kamachejmin. Qanman mana kutirikojkunarí llajtankumanta wijch'usqa kanqanku.

Salmos 149:2

Israel aylloqa ruwajninmanta kusikuchun, Sión llajtataj kuraj kamachejninmanta kusikuchun.

Isaías 33:22

Tata Diosqa Juezninchej, kamachisqakunatataj churapuwanchej. Tata Diosqa kuraj kamachejninchej. Jinataj pay kikinmin qhespichiwasunchej.

Isaías 63:19

Noqayku rijch'akuyku, pikunatachus qan mana ni jayk'aj kamacherqankichu, chaykunaman, pikunachus ni jayk'aj sutiykiwan sutichasqa karqankuchu, chaykunaman.

2 Corintios 1:24

Chayta nispaqa, mana munashaykuchu qankuna munasqaykuman jina Diosta qhatikunaykichejta. Manachayqa qankunata yanapayta munayku, ajinamanta qankuna kusisqa kanaykichejpaj, imaraykuchus Cristopi atinikusqaykichejrayku sinch'ita sayashankichejña.

1 Pedro 5:3

Qhawanaykichejpaj churasqa kashanku, chaykunataqa ama qankunajtapis kankuman jinachu qhawaychej. Manachayqa qankuna k'achata kawsaychej, qankuna jinallataj paykunapis k'achata kawsanankupaj.

Jueces 10:18

Chantá Galaadpi tiyakoj israelitakunaqa kurajninkukunawan parlanakorqanku: Pitaj amonitakunawan maqanakuyta qallarenqari? Pichus qallarejqa Galaadpi tukuy tiyakojkunaj kamachejninku kanqa, nispa.

Jueces 2:18

Tata Diosqa sapa kuti uj juezta churaj, chantá chay juezta yanapallajpuni. Chay juez kawsashajtintaj, Tata Diosqa israelitakunata awqankukunamanta kacharichejpuni, imaraykuchus sinch'i ñak'ariypi waqasqankuta uyarispa, paykunamanta khuyakorqa.

Jueces 8:22

Chaypacha israelitakunaqa Gedeonta nerqanku: Qanqa madianitakunamanta kacharichiwaykuña. Kunanqa munayku qan, chantá aylluykikuna ima kamachinawaykuta, nispa.

1 Samuel 10:19

Kunantajrí noqa Diosniykichejta manakajpaj qhawankichej. Kamachinasuykichejpaj kuraj kamachejta mañakuspa, tukuy imaymana llakiykunapi yanapasoj Diosta qhesachawankichej. Chayrayku kunanqa ñawpaqeyman qayllamuychej, sapa jatun ayllu, jinataj sapa wasi ayllu ima, nispa.

1 Samuel 12:12

Chaywanpis amonitakunaj kuraj kamachejninku Najás qankunawan maqanakoj jamushasqanta rikuspa, qankunaqa uj runata kuraj kamachejniykichejpaj churapunayta mañakuwarqankichej, Diosniykichej Tata Dios kuraj kamachejninchej kashajtinpis.