Jueces 8:10 - DIOSPA QHELQACHISQ

¹⁰ Chaykama Zebajwan, Salmunawan Carcorpi kasharqanku 15.000 soldadokunawan. Paykunaqa chay pachaj iskay chunkayoj inti llojsimuynejmanta kaj soldadokunamanta puchoj karqanku, imaraykuchus israelitakuna chaykama 120.000 madianita soldadokunata wañuchisqanku.

Qheshwa Biblia DC

¹⁰ Zebawan Zalmunawan chunka phishqayoj waranqa runaswan kasharqanku Carcorpi. Paykunaqa puchorqanku chay pachaj iskay chunkayoj waranqa inti llojsimuynejmanta kaj soldados wañorqanku chaykunamanta.

DIOSPA QHELQACHISQAN DEUTEROCANONICAL

¹⁰ Chaykama Zebajwan, Salmunawan Carcorpi kasharqanku 15.000 soldadokunawan. Paykunaqa chay pachaj iskay chunkayoj inti llojsimuynejmanta kaj soldadokunamanta puchoj karqanku, imaraykuchus israelitakuna chaykama 120.000 madianita soldadokunata wañuchisqanku.

Jueces 8:10 ပူးပေါင်းရင်းမြစ်များ

2 Reyes 3:26

Jinapis, Moab suyuta kuraj kamachejqa israelitakuna atipaykushasqankuta rikuspa, espadawan maqanakuyta yachajkunamanta 700 soldadokunata tantaykorqa, Edom suyuta kuraj kamachejpa contranta maqanakoj rinanpaj, nitaj aterqachu.

2 Crónicas 13:17

Abiaswan, soldadonkunawan may jina ashkha israelita soldadokunata wañuykucherqanku. Chaypacha 500.000 Israelpa ajllasqa soldadokunata wañucherqanku.

2 Crónicas 28:6

Remaliaspa churin Pecajqa Judapi uj p'unchayllapi 120.000 wapu soldadokunata wañurachicherqa, ñawpa tatankoj Tata Diosninkuta saqerparisqankurayku.

2 Crónicas 28:8

Chay jawaqa Israelpa soldadonkunaqa Judamanta 200.000 runakunata presota jap'iykorqanku warmikunata, juch'uy wawakunata ima. Judapi tiyakojkunaj kapuyninkumantapis ashkhata qhechuspa, chay runakunatawan Samariaman aparqanku.

Isaías 37:36

Chantá chay ch'isipacha, maypichus Asiriamanta soldadokuna jarakusharqanku, chayman Tata Diospa angelnin rispa, 184.000 soldadokunata wañuracherqa. Q'ayantintaj soldadokunamanta mana wañojkuna tukuynejpi wañusqa soldadokunata rikorqanku.

Isaías 9:4

4 (3) Qanqa paykunata yugoman watasqa jina ñak'ariymanta kacharichinki. Jinallataj llasa q'epita wasankumanta q'epirachinki, chantá sinch'i llakiypi jarap'asqa kasqankumanta ima. Jinataj kamachinanku varatapis p'akillankitaj, imaynatachus Madianwan ruwarqanki, ajinata.

Jueces 20:15

Benjamín jatun ayllumanta soldadokunaqa 26.000 karqanku. Gabaapitaj 7.000 ajllasqa soldadokuna wajlla karqanku.

Jueces 20:17

Chay jawa, chay ujkuna israelitakunapis tantakorqanku 400.000 maqanakupi sumajta maqanakuyta yachajkuna.

Jueces 20:2

Diospa ayllun Israelmanta kurajkunaqa chaypi kasharqanku, jinallataj 400.000 soldadokunapis.

Jueces 20:25

Benjaminmanta kajkunarí ujtawan Gabaa llajtamanta llojsimorqanku israelitakunawan maqanakunankupaj. Kay kutipitaj 18.000 israelita soldadokunata wañucherqanku.

Jueces 20:35

Tata Diosqa israelitakunata yanaparqa. Chay p'unchaypitaj soldadokunaqa Benjamín jatun ayllumanta 25.100 soldadokunata wañucherqanku. Chay wañojkuna sumajta maqanakuyta yachajkuna karqanku.

Jueces 20:46

Chay p'unchaypi Benjaminmanta sumaj soldadokunaqa 25.000 wañorqanku.

Jueces 6:5

Toldonkukunata sayachispa, chay madianitakunaqa uywankunawan ima Israel suyuman junt'aykorqanku, tukuy imata t'ustiraspa. Phinki phinkikuna jinapuni may chhika camellonkukunawan junt'aykoj kanku.

Jueces 7:12

Madianitakunawan, amalecitakunawan, chantá inti llojsimuynejmanta chay runakunapis phinki phinkikuna jina chay pampapi mast'alla kasharqanku. Camellonkunapis may chhika karqanku, mama qocha kantupi t'iyu chhikapuni.

Jueces 7:13

Jinapi Gedeonqa awqankoj jarankuman qayllaykuspa, uyarerqa uj soldado madianita mosqokusqanta ujninman willarishajta: Mosqoyniypi rikorqani uj cebada t'anta jaranchejman tilinkamushasqanta, ujnin toldoman takakuspataj, urmarparichisqanta, nispa.

Jueces 7:22

Chaykama 300 israelitakunaqa pututunkutaqa waqachishallarqankupuni, Tata Diostaj madianitakunataqa paykunapurata maqanaykucherqa. Jinallapi paykuna Bet Sitaman ayqekorqanku, Sererá ñanninta rispa, Tabat qayllapi Abel Meholá tinkuykama chayarqanku.

Jueces 8:11

Gedeonrí rillarqapuni chay ch'innejta muyuykoj ñanta, Nobajmanta inti llojsimuynejninta chantá Yogbeanejta. Chantá kaymanta jinalla madianitakunaj jarankuman maqanakoj yaykuykorqa.