Jueces 6:2 - DIOSPA QHELQACHISQ

² Madianitakunaqa sinch'itapuni israelitakunata ñak'aricherqanku. Israelitakunataj madianitakunata manchachikuspa, orqokunapi pakakunata ruwarakamorqanku, chhanka jusk'ukunapi, maymanchus runakuna mana yaykullankuchu, chaynejpi.

Qheshwa Biblia DC

² Madianitas astawan astawan israelitasta ñak'arichisqankurayku, israelitasqa madianitasta manchachikuspa orqosnejpi pakakunasta ruwakamorqanku, chay chhanka jusk'usnejpi, runas mana purinasnimpi jinataj.

DIOSPA QHELQACHISQAN DEUTEROCANONICAL

² Madianitakunaqa sinch'itapuni israelitakunata ñak'aricherqanku. Israelitakunataj madianitakunata manchachikuspa, orqokunapi pakakunata ruwarakamorqanku, chhanka jusk'ukunapi, maymanchus runakuna mana yaykullankuchu, chaynejpi.

Jueces 6:2 ပူးပေါင်းရင်းမြစ်များ

Job 30:6

Chayrayku paykunaqa qaqa jusk'ukunapi tiyakoj kanku, wakintaj wayq'opi, chhanka jusk'upi ima.

Jeremías 41:9

Netaniaspa churin Ismael Gedaliaswan khuska wañurachisqan chay runakunaj ayankuta maymanchus wijch'uykusqanku, chay pujyoqa jatunmin karqa. Chay pujyutaqa kuraj kamachej Asa allachisqa, Israelmanta kuraj kamachej Basanwan maqanakupi kashajtinku jark'akunanpaj. Jinapis Ismaelqa wañuchisqan runakunaj ayankuwan chay pujyuman junt'aykucherqa.

Jeremías 48:28

Moabpi tukuy tiyakojkuna, llajtaykichejta saqespa, chhanka jusk'uman tiyakoj ayqeychej, imaynatachus chhanka jusk'ukunapi urpikuna thapachakuspa tiyakunku, ajinata.

Levítico 26:17

Noqapis qankunaj contraykichejpi sayaykusaj, awqaykichejtaj atipasonqachej. Qankunata chejnisojkuna chakinku uraman churasonqachej, qankunataj mana pej qhatiykachasqallan ayqekunkichej.

Hebreos 11:38

Kay pachaqa mana chay jina sumaj sonqoyoj runakunapaj jinachu karqa. Chaywanpis paykuna ayqekuspa ch'innejpi, orqokunapi ima purerqanku. Chantá qaqa jusk'upi, jallp'a t'oqopi ima kawsarqanku.

Apocalipsis 6:15

Jinaqa kay pachapi kuraj kamachejkuna, kurajkuna, soldadokunata kamachejkuna ima qaqa jusk'upi, chantá orqo jusk'upi ima pakaykukorqanku. Jinallataj qhapajkuna, atiyniyojkuna, wata runakuna, mana wata runakunapis pakaykukullarqankutaj.

Jueces 10:8

Chaymantapacha chunka pusajniyoj watata filisteokunaqa, jinataj amonitakunapis maytapuni israelitakunata ñak'aricherqanku Galaadpi tukuy tiyakojkunata, Jordán mayoj chimpanpi amorreokunaj jallp'ankupi kajkunata ima.

Jueces 10:9

Amonitakunaqa Jordán mayuta chimparqanku maqanakamunankupaj Judá jatun aylluwan, Benjamín jatun aylluwan, jinataj Efraín jatun aylluwanpis. Ajinamanta israelitakunaqa may llakiypi rikhurerqanku.

Jueces 6:3

Israelitakuna imallatapis tarpojtinkoqa, madianitakuna, amalecitakunapis, chantá inti llojsimuynejmanta runakunapis chajrankuman suwaj yaykuykullajpuni kanku.

1 Samuel 13:6

Filisteokuna tukuynejmanta maqanakoj sayaykusqankurayku, israelitakuna imatachus ruwanankuta mana yachashaj rikhurerqanku. Chayraykutaj chhanka jusk'uman, t'oqoman, qaqa k'ajllukunaman, allasqa jusk'ukunaman chantá ch'aki pujyukunaman ima pakakamorqanku.

1 Samuel 14:11

Ajinaqa iskayninku filisteo soldadokunawan rikuchikorqanku. Filisteokuna soldadokunataj paykunata rikuytawankama, nerqanku: Qhawaychej má, israelitakuna pakakushasqankumanta llojsiramushanku, nispa.