Jueces 3:7 - DIOSPA QHELQACHISQ

⁷ Israelitakunaqa Tata Diosta qonqayman churaspa, paymanta karunchakorqanku, yupaycharqankutaj Baalpa lantinkunata, Aseraj lantinkunata ima.

Qheshwa Biblia DC

⁷ Israelitasqa qonqaporqanku Señor Diosninkuta, Paypa mana munasqantataj ruwarqanku, yupaycharqankutaj Baalman Astartemanwan tukuy laya rijch'aj lantista.

DIOSPA QHELQACHISQAN DEUTEROCANONICAL

⁷ Israelitakunaqa Tata Diosta qonqayman churaspa, paymanta karunchakorqanku, yupaycharqankutaj Baalpa lantinkunata, Aseraj lantinkunata ima.

Jueces 3:7 ပူးပေါင်းရင်းမြစ်များ

1 Reyes 16:33

Ajabqa Asera nisqa lantitapis ruwachillarqataj. Paymanta ñawpajta kamacherqanku, chaykunamanta nisqaqa aswan millaytapuni ruwarqa, ajinata ruwaspataj, Israelpa Tata Diosninta mayta phiñacherqa.

1 Reyes 18:19

Kunanqa tukuynin israelitakunata Carmelo orqoman tantakamunankuta kamachiy. Wajyallaytaj Baalpa 450 sut'inchajninkunata, Aseraj 400 sut'inchajninkunatawan ima, pikunachus Jezabelpa mikhunanmanta mikhunku, chaykunata, nispa.

2 Reyes 23:14

Aseraj lantinkunatapis phirerqa, jinaspataj, chay lantikuna maypichus karqanku, chayman runa tulluta junt'aykucherqa.

2 Reyes 23:6

Jinaytawantaj, Josías Tata Diospa Templonmanta Aseraj lantintapis Jerusalenmanta jawaman, Cedrón wayq'oman wijch'ucherqa. Chaypitaj ushphaman tukunankama ruphaykucherqa, ushphatataj wajcha runakunaj ayanta p'ampana cheqaman qhallirpayacherqa.

2 Crónicas 15:16

Chay jawa kuraj kamachej Asaqa jatun maman Macataqa qoya kayninmanta wijch'orqa, millay Asera lantita ruwachikusqanrayku. Asaqa chay lantita phiriytawan, Cedrón wayq'opi ruphachimorqa.

2 Crónicas 24:18

Chayrayku ñawpa tatankoj Tata Diosninpa Templonta saqerparispa, Asera lantikunata, waj lantikunatawan yupaycharqanku. Chay juchankuraykutaj Judamanta kajkunapaj, Jerusalenmanta kajkunapajpis Tata Dios phiñakorqa.

2 Crónicas 33:19

Diosmanta mañakusqan, Dios payta uyarisqan, tukuy juchallisqan, Diosta qhesachasqan, loma patapi lanti wasikunata jatarichisqan, jinataj maykunapichus churarqa Asera lantikunata, waj lantikunatawan, manaraj Diosman k'umuykushaspa, tukuy chaykunamantaqa Diosmanta sut'inchajkunaj qhelqankupi qhelqasqa kashan.

2 Crónicas 33:3

Tatan Ezequías loma patapi chay lanti wasikunata thuñichisqa. Manasestajrí chaykunata watej ruwacherqa. Jinallatataj Baal lantikunapaj, Asera lantikunapajpis altarkunata ruwacherqa. Payqa janajpi kaj tukuy ch'askakunatapis yupaycharqa, chaykunaj ñawpaqenpipis k'umuykorqa.

2 Crónicas 34:3

Pusaj watataña kamachishaspa, waynallaraj karqa. Chaywanpis ñawpa tatan Davidpa Diosninta kasuyta qallarerqa. Chunka iskayniyoj watata kamachisqanmantataj, Judamanta, Jerusalenmantawan loma patapi yupaychana wasikunata, Asera lantikunata, metalmanta jich'asqa lantikunatapis chinkachiyta qallarerqa.

2 Crónicas 34:7

Payqa lantikunaj altarninkunata, Asera lantikunatawan thuñispa, ñut'uta ruwarparerqa. Jinallataj tukuy Israel suyupi incienso q'oshñichina altarkunatapis phiricherqa. Chaymantataj Jerusalenman kutiporqa.

Salmos 106:35

Aswanpis Diosta mana qhatejkuna runakunawan chhapukuspa, paykuna mana walej usunkuta ruwayta yachaykorqanku.

Salmos 106:36

Chay runakunaj yanqha manakaj lantinkuta yupaycharqanku, chaytaj israelitakunata mana allinman chayacherqa.

Salmos 106:7

Tataykukunaqa Egiptopi t'ukuna imakunata ruwasqaykita pisipaj qhawarqanku. Mana tukukuyniyoj khuyakuyniykimanta qonqapuspa, Puka Mama Qocha qayllapi contraykipi oqharikorqanku.

Éxodo 34:13

Manachayqa altarninkuta thuñirankichej, yupaychananku rumitapis, yupaychananku k'ullutapis phirinkichej.

Jeremías 23:27

Chay mosqokusqankuta willanakusqankuwan aylluykuna noqamanta qonqanankuta munanku, imaynatachus ñawpa tatankukunapis qonqarpariwarqanku Baalpa qhepanta ripunankupaj, ajinata.

Deuteronomio 16:21

Tata Diosniykichejpa altarninpa ñawpaqenpi ama yupaychana k'ulluta sayachinkichejchu, nitaj lantej sutinpi sach'atapis mallkinkichejchu.

Deuteronomio 4:9

Chayrayku qankunaqa imatachus rikusqaykichejta, ama ni jayk'aj qonqanaykichejmanta allinta qhawakuychej. Aswanpis wawaykichejkunaman, allchhiykichejkunaman ima chay kamachisqakunata yachachiychej.

Deuteronomio 8:11

Tata Diosniykichejta ama qonqakapunaykichejmanta allinta qhawakuychej. Kunan kamachishaykichej, Diospa chay kamachisqankunata, chantá nisqanta ima junt'aychejpuni.

Deuteronomio 8:14

ama wapuykachaspa jatunchakunkichejchu. Nillataj Tata Diosniykichejmanta qonqakapunkichejchu, imaraykuchus payqa Egiptopi wata runa kashajtiykichej, chaymanta orqhomusorqachej.

Deuteronomio 8:18

Aswanpis Tata Diosniykichejmanta yuyarikuychejpuni, imaraykuchus paymin tukuy imata tarispa, qhapajyanaykichejpaj kallpata qosunkichej. Ajinatamin payqa ñawpa tataykichejwan trato ruwasqanta, qankunawan junt'anqa, imaynachus kunan kashan, ajinata.

Jueces 3:12

Chaymanta qhepaman israelitakunaqa watejmanta ruwallarqankutaj Tata Diospa mana munasqanta. Chayrayku Tata Diosqa Moabpa kuraj kamachej Eglonman astawan atiyta qorqa israelitakunamanta nisqaqa.

Jueces 3:8

Chayraykutaj Tata Diosqa paykunaj contrankupi sinch'ita phiñakuspa, Mesopotamiamanta kuraj kamachej Cusán Risatayinman paykunata jaywaykorqa. Pusaj wata junt'ata israelitakunaqa kuraj kamachej Cusán Risatayinpa wata runan karqanku.

Jueces 6:25

Chay ch'isipacha Tata Diosqa Gedeonta nerqa: Tataykej uywankunamanta qanchis watayoj kaj torota apamuy. Chantá tataykej ruwasqan Baalpaj altarta phirimuy. Ajinallatataj chay Baalpa altarnin qayllapi kashan, Asera k'ullutapis urmachiy.

Jueces 8:33

Gedeón wañupusqanmanta qhepaman israelitakunaqa Diosmanta karunchakuyta qallarillarqankutaj, Baalpa tukuy imaymana lantinkunaman yupaychaj rispa. Baal Berit lanti nisqata diosninku kananpaj ajllakorqanku.

Jueces 8:34

Tata Diosmanta qonqakaporqanku, paymari tukuy awqankukunamanta paykunata kacharichejtinpis.

1 Samuel 12:10

Chaypacha paykunaqa Tata Diosman qhaparikorqanku: Juchalliyku, imajtinchus qanta saqerparispa, Baal lantikunata, Astarot lantikunatawan yupaycharqayku. Awqaykukunaj makinkumanta kacharichiwayku, noqaykutaj qanllata yupaychasqayku, nispa.

1 Samuel 12:9

Ñawpa tataykichejkunatajrí Tata Diosninkumanta qonqaporqanku, Tata Diostaj Jazor llajtamanta soldadokunata kamachej Sísaraj makinman paykunata jaywaykorqa. Chantá filisteokunaman, jinataj Moab suyoj kuraj kamachejninmanpis paykunata jaywaykullarqataj. Paykunaqa ñawpa tataykichejkunawan maqanakorqanku.