Jueces 3:27 - DIOSPA QHELQACHISQ

²⁷ Chantá Israel suyuman chayaspañaqa, Efraín orqonejpi putututa waqacherqa, israelitakunata wajyaspa. Tukuynin israelitakuna chay orqomanta urayk'amorqanku, Aodtaj ñawpaqenkuta rerqa.

Qheshwa Biblia DC

²⁷ Israel jallp'aman chayaspañaqa, Efraín orqosnimpi putututa waqacherqa israelitasta wajyaspa. Tukuynin israelitastaj chay orqosmanta uraykamorqanku, Aodtaj ñaupaqenkuta rerqa.

DIOSPA QHELQACHISQAN DEUTEROCANONICAL

²⁷ Chantá Israel suyuman chayaspañaqa, Efraín orqonejpi putututa waqacherqa, israelitakunata wajyaspa. Tukuynin israelitakuna chay orqomanta urayk'amorqanku, Aodtaj ñawpaqenkuta rerqa.

Jueces 3:27 ပူးပေါင်းရင်းမြစ်များ

2 Samuel 20:22

Chaypachapacha warmeqa llajtapi tukuy runata yachayninwan umachaj rerqa. Paykunataj Bicrij churin Sebáj umanta qholuspa, Joabman wijch'uykorqanku. Chaypacha Joabqa putututa waqacherqa soldadokuna llajtamanta jataripunankupaj, sapa ujtaj wasinkuman riporqanku. Joabtajrí kuraj kamachejwan parlaj Jerusalenman kutiporqa.

2 Reyes 9:13

Chantá paykunaqa usqhayllata poncho jina qhatanankuta orqhokuspa, wicharina pataman mast'aykorqanku. Chantá chay pataman Jehuta tiyaykucherqanku, putututa waqachispataj qhaparerqanku: Jallalla, kuraj kamachejninchejqa Jehú, nispa.

Nehemías 4:14

Jinapis mancharikusqankuta reparaspa, kurajkunata, kamachejkunata, tukuy runata ima tantaykorqani. Chantá paykunata nerqani: Ama chay awqanchejkunata manchachikuychejchu. Yuyarikuychej Tukuyta Kamachej Diosninchejqa may jatun, manchachikunataj kasqanta. Maqanakuychej ari llajta masiykichejrayku, wawaykichejrayku, ususiykichejrayku, warmiykichejrayku, wasiykichejrayku ima, nispa.

Josué 17:15

Josuetaj kuticherqa: Sichus qankuna ashkha kankichej, jallp'aykichejtaj pisi chayqa, ferezeokunaj jap'iyninkuman chantá refaitakunaj jap'iyninkuman yaykuspa, monteta chaqomuychej ari, nispa.

Josué 17:18

Chay sach'arara orqokunantin qankunajta kanan tiyan. Chay monteta chaqospa, jallp'ata jap'ikapuychej. Chaypi tiyakoj cananeokunataqa qankuna wijch'unkichej. Mana imananchu fierro carretakunayoj kasqankoqa, nitaj may jina kallpayoj kasqankupis, nispa.

Jueces 10:1

Abimelecpa qhepanta Isacar jatun ayllumanta uj runa Tola sutiyojqa juez jina israelitakunata kacharichinanpaj sayaykorqa. Tolaqa karqa Dodoj allchhin, Fuáj churintaj. Paytaj tiyakorqa Efraín jatun aylloj jap'iynin orqonejpi, Samir llajtapi.

Jueces 17:1

Efrainpa jatun ayllu jap'iynin orqonejpi uj runa Micaía sutiyoj tiyakorqa.

Jueces 19:1

Israel ukhupi manaraj kuraj kamachej kashajtin, uj levita tiyakorqa Efrainpa jallp'ankupi aswan karu orqorara cheqanejpi. Paytaj, Judapi Belén llajtamanta uj warmiwan tantakorqa.

Jueces 3:26

Eglonpa kamachinkuna punkuta kicharinankukamaqa, Aodqa ayqerikaporqaña. Gilgal chaypi lantikunata pasaytawantaj, Seiratpi pakakorqa.

Jueces 5:14

Efraín jatun ayllumanta Amalec suyupi tiyakojkuna urayk'amorqanku, paykunaj qhepankutataj Benjamín jatun ayllumanta kajkuna jamorqanku. Maquirmanta kurajkuna urayk'amorqanku, Zabulón jatun ayllumantataj kamachejkuna jamorqanku.

Jueces 6:34

Chaypacha Gedeonqa Tata Diospa Espiritunnejta kamachisqa kaspa, putututa waqacherqa, Abiezerpa tukuy ayllunmanta kajkuna tantakamunankupaj.

Jueces 7:24

Chaypacha Gedeonqa Efraín jatun ayllumanta kajkunamanpis willachillarqataj, chay jatun ayllumanta qharikuna madianitakunawan maqanakoj urayk'amunankuta. Kamachillarqataj Jordán mayuta chantá Bet Barakama tukuy mayuta jark'aykunankuta. Efraín jatun ayllumanta kajkunaqa Gedeonpa kamachisqanta kikinta ruwarqanku.

1 Samuel 13:3

Chantá Jonatanqa Gabaapi qhawasharqanku chay tukuy filisteo soldadokunata wañuracherqa, chaytataj filisteokuna uyarerqanku. Chaypacha Saúl kamacherqa tukuynin Israel suyupi putututa waqachinankuta: Tukuy israelitakuna uyarichunku, nispa.