Jueces 2:5 - DIOSPA QHELQACHISQ

⁵ Chayrayku chay cheqata suticharqanku Boquín, nispa. Chayllapitaj Tata Diosman uywa ñak'asqa q'olachinakunata jaywarqanku.

Qheshwa Biblia DC

⁵ Chayrayku chay lugarta suticharqanku Boquim nispa, chayllapitaj Señorman uywa ñak'asqasta jaywarqanku.

DIOSPA QHELQACHISQAN DEUTEROCANONICAL

⁵ Chayrayku chay cheqata suticharqanku Boquín, nispa. Chayllapitaj Tata Diosman uywa ñak'asqa q'olachinakunata jaywarqanku.

Jueces 2:5 ပူးပေါင်းရင်းမြစ်များ

Génesis 35:8

Chantá chaypi kashajtinku, Rebecaj uywaqen Débora wañuporqa. Ayantataj Betel qayllapi, encina sach'a uraman p'amparqanku. Chayrayku Jacob chay sach'ata suticharqa: “Waqarikuna sach'a”, nispa.

Josué 7:26

Chaymantataj patanman ashkha rumita tawqaykorqanku, chaytaj kunankama kashan. Chayrayku chay cheqata Acor Valle nispa suticharqanku. Tata Diostajrí Israelpa contranpi manaña phiñasqachu karqa.

Jueces 13:19

Chantá Manoaqa uj chivituta, jinallataj poqoykunamanta ofrendatawan ima Tata Diosman jaywarqa, chhanka patapi q'olachispa. Chaypacha Tata Diosqa may t'ukuna imata ruwarqa, Manoawan, warminwan qhawashajtinku.

Jueces 2:1

Uj kuti Tata Diospa angelnenqa Gilgalmanta Boquín nisqa cheqaman rispa, israelitakunata nerqa: Noqaqa Egipto suyumanta orqhomorqaykichej, jinaspataj pusamorqaykichej, ñawpa tataykichejkunaman qonayta nerqani, chay jallp'akama. Chaypacha paykunata nisqani: Mana jayk'ajpis qankunawan tratoyta p'akisajchu.

Jueces 2:4

Tata Diospa angelnin parlayta tukojtinkama, tukuynin israelitakuna sinch'imanta waqayta qallarerqanku.

Jueces 2:6

Maypachachus Josué jallp'ata rak'iytawan israelitakunata kacharipusqa chaypacha, paykunaqa sapa ujninku jallp'ankuta jap'ikapoj ripusqanku.

Jueces 6:24

Chaypi Gedeonqa Tata Diospaj uj altarta ruwaporqa, suticharqataj: “Tata Diosmin Sonqo Tiyaykoyqa”, nispa. Chay altarqa Abiezerpa ayllun ukhupi Ofrá llajtapi kunankama kashallanrajpuni.

1 Samuel 7:9

Chantá Samuelqa ñuñoj corderitota jap'ispa ñak'aytawan, tukuyninta Tata Diospaj ruphacherqa. Chaymantataj Tata Dios yanapananta mañaporqa, Tata Diostaj mañakusqanta uyarerqa.