Jueces 2:19 - DIOSPA QHELQACHISQ

¹⁹ Juezninku wañupojtintajrí, watejmanta israelitakuna juchallillajtaj kanku, ñawpa tatankumanta astawanraj waj dioskunata qhatispa, chantá yupaychaspa ima. Manapuni t'aqakorqankuchu millayta ruwaspa kawsanamanta nitaj mana uyarikoj kanamanta.

Qheshwa Biblia DC

¹⁹ Kuraj runanku wañupojtintaj, watejmanta paykunaqa juchaman urmallajtaj kanku, ñaupa tatasninkumanta astawanraj, sirvispa yupaychaspataj waj dioskunata. Manataj t'aqakorqankuchu millay ruwaykunasninkumanta nitaj wampu jina kausayninkumantapis.

DIOSPA QHELQACHISQAN DEUTEROCANONICAL

¹⁹ Juezninku wañupojtintajrí, watejmanta israelitakuna juchallillajtaj kanku, ñawpa tatankumanta astawanraj waj dioskunata qhatispa, chantá yupaychaspa ima. Manapuni t'aqakorqankuchu millayta ruwaspa kawsanamanta nitaj mana uyarikoj kanamanta.

Jueces 2:19 ပူးပေါင်းရင်းမြစ်များ

Génesis 6:11

Kay pachapi millayta ruwaspa purina anchañapuni kasqanta Dios rikorqa. Jinallataj mana cheqan kajta ruwana junt'a kasqanta rikullarqataj,

Nehemías 9:28

Jinapis paykunapaj allin kawsay kajtin, watejmanta ñawpaqeykipi juchallillajñataj kanku. Chayrayku watej awqankunaj makinman urmajta saqerqanki, chay runakunataj chakinku uraman israelitakunata churarqanku. Chantataj yanapayniykita mañakullasojtaj kanku. Qantaj khuyakuyniykipi uyarimullajtaj kanki janaj pachamantapacha, ashkha kutita paykunata kacharichinaykipaj.

Salmos 78:8

ama ñawpa tatankukuna jina kanankupaj. Ñawpa tatankukunaqa Diospa contranta oqharikojkuna karqanku, sonqonkupitaj iskayta yuyajkuna, Diosta mana kasojkuna ima.

Éxodo 32:7

Chantá Sinaí orqopi Tata Dios Moisesta nerqa: Kunanpacha kay orqomanta urayk'uy, imaraykuchus Egiptomanta orqhomusqayki runakunaqa millayta ruwashanku.

Jeremías 16:12

Qankunatajrí ñawpa tataykichejkunamanta nisqaqa aswan millayta ruwarqankichej, imaraykuchus sapa ujniykichej k'ullukuspa, sonqoykichejpa millay munayninman jinalla ruwarqankichej. Manataj noqata kasuwarqankichejchu.

Jeremías 23:17

Noqaj willasqayta pisipaj qhawajkunaman nillankupuni: Tukuy ima allillan risonqachej, nispa. Chantá pikunachus rumi sonqoyoj kaspa, millay yuyasqanman jinalla ruwanku, chaykunatapis ninku: Mana ima mana allin kajpis jamusonqachejchu, nispa.

Jeremías 3:17

Chaypacha Jerusalenta sutichanqanku: “Tata Diospa Kamachinan Tiyana”, nispa, tukuy suyumanta kajkunataj chaypi yupaychanawankupaj tantakonqanku. Manaña ujtawan sonqonkupi k'ullukuspa sajra yuyasqankuwan apachikonqankuchu.

Ezequiel 20:30

Chayrayku israelitakunaman niy: Tukuyta Kamachej Tata Dios nisunkichej: Qankunapis ñawpa tataykichej jinachu ch'ichichakuyta munankichej? Noqamanta karunchakuspa, millay lantikunata yupaychaspa khuchichakuytachu munankichej?

San Mateo 23:32

Chayrayku kunanqa qankunapis imatachus tataykichejkuna ruwayta qallarisqankuta tukuychallaychejña.

Deuteronomio 31:29

Noqa yachani wañupusqaymanta qhepaman qankunaqa manaña Diosta kasunaykichejta, yachachisqaytapis mana kasuta ruwanaykichejta. Yachallanitaj qhepamanqa sinch'i llakiykuna qhatirisunaykichejta, Tata Diospa ñawpaqenpi mana allin kajta ruwasqaykichejrayku, millayta ruwaspataj, payta phiñachisqaykichejrayku, nispa.

Josué 24:31

Josué kawsashajtin, israelitakunaqa Diosllata kasuspa purerqanku. Chantá Josué wañupusqanmanta qhepamanpis kurajkuna kawsanankukama Tata Diosllata kasuspa purillarqankutaj. Chay kurajkunaqa israelitakunapaj Tata Dios imatachus ruwapusqanta allinta yacharqanku.

Jueces 10:13

Chaywanpis qankunaqa ujtawan noqamanta karunchakorqankichej, waj dioskunata yupaychamuspa. Chayrayku noqaqa manaña ujtawan kacharichisqaykichejñachu.

Jueces 2:18

Tata Diosqa sapa kuti uj juezta churaj, chantá chay juezta yanapallajpuni. Chay juez kawsashajtintaj, Tata Diosqa israelitakunata awqankukunamanta kacharichejpuni, imaraykuchus sinch'i ñak'ariypi waqasqankuta uyarispa, paykunamanta khuyakorqa.

Jueces 2:20

Chayraykumin Tata Diosqa Israelpa contranpi sinch'ita phiñakuspa, nerqa: Kay runakunaqa ñawpa tatankuwan tratota ruwasqayta p'akinku, manataj kasuwayta munankuchu.

Jueces 2:7

Jinapi paykuna Tata Diosta kasukuspa kawsakusqanku, Josué, chantá payta yanapaj kurajkuna ima kawsanankukama. Chaykuna kasqanku, pikunachus rikusqanku israelitakunapaj Tata Dios t'ukuna imakunata ruwasqanta, chaykuna.

Jueces 4:1

Aod wañupusqanmanta qhepata, israelitakunaqa Tata Diospa contranta watejmanta juchallillarqankutaj.

Jueces 8:33

Gedeón wañupusqanmanta qhepaman israelitakunaqa Diosmanta karunchakuyta qallarillarqankutaj, Baalpa tukuy imaymana lantinkunaman yupaychaj rispa. Baal Berit lanti nisqata diosninku kananpaj ajllakorqanku.

1 Samuel 15:23

Tata Diospa contranpi oqharikoyqa layqeriyo juchawan ninakun, Tata Diosta mana kasuytaj lanti yupaychana juchawan ninakullantaj. Imaynatachus qan Tata Diospa kamachisqanta qhesacharqanki, ajinallatataj paypis qanta amaña kuraj kamachej kanaykipaj qhesachasunki, nispa.