Jueces 2:15 - DIOSPA QHELQACHISQ

¹⁵ Sapa kuti maqanakuman purirejtinku, Tata Diosqa contrankupi sayaykorqa. Chayrayku manapuni paykunata allinchu rerqa, Tata Dios ñawpajmantaña tiluspa nisqanman jina. Jinamanta Tata Diosqa israelitakunata sinch'i llakiyman churarqa.

Qheshwa Biblia DC

¹⁵ Sapa kuti maqanakuman purirejtinku Señorqa contrankupi sayaykorqa, manapunitaj allinchu paykunata qhatirerqa, imaynatachus Señor ñaupajmantaña nisqanman jina. Jinamanta Señorqa, israelitasta sinch'i llakiykunasman churarqa.

DIOSPA QHELQACHISQAN DEUTEROCANONICAL

¹⁵ Sapa kuti maqanakuman purirejtinku, Tata Diosqa contrankupi sayaykorqa. Chayrayku manapuni paykunata allinchu rerqa, Tata Dios ñawpajmantaña tiluspa nisqanman jina. Jinamanta Tata Diosqa israelitakunata sinch'i llakiyman churarqa.

Jueces 2:15 ပူးပေါင်းရင်းမြစ်များ

2 Crónicas 12:1

Roboanqa kamachiyninpi allinta sayachispa, sumaj kallpachasqa kasqanta yuyaspa, Tata Diospa kamachisqanta manaña junt'arqachu. Jinallataj tukuy israelitakunapis kikinta ruwarqanku.

Jeremías 18:8

Chantá sichus chay suyupi tiyakojkuna millay ruwasqankumanta t'aqakunku chayqa, jasut'inayta nerqani, chayta manaña junt'asajchu.

Jeremías 21:10

Noqa kay llajtaman llakiyta apachimunayta niniña, manataj allin kajtachu. Babiloniamanta kuraj kamachejman kay llajtata jaywaykusaj, paytaj llajtata ninawan ruphaykuchenqa. Noqa Tata Diosmin chayta nini.

Jeremías 44:11

Chayrayku noqa Israelpa Tukuy Atiyniyoj Tata Diosnin niykichej: Qankunaj pataykichejman jatun llakiyta kachaykamuspa, Judapi tukuy runata chinkarparichisaj.

Jeremías 44:27

Noqataj paykunata waqaychanaytaqa, ñak'ariykunata paykunaman kachaykusaj, manataj allin kajtachu. Judamanta Egiptopi tukuy tiyakushajkuna maqanakupi wañonqanku, chayrí yarqhaywan tukuchisqa kanqanku.

Miqueas 2:3

Chayraykumin Tata Dios nin: Noqapis contraykichejpi wakichikushani. Qankunaman jatun llakiyta apachimusaj, chaymantataj mana ni imaynamanta llusp'iyta atinkichejchu. Manañataj mayta runaykachaspa purinkichejchu, imaraykuchus manchay ñak'arina tiempo kanqa.

2 Corintios 4:8

Noqayku tukuy imaymana llakiykunawan ñit'isqa kayku chaypis, chay llakiykuna mana atipawaykuchu. Mana imata ruwayta atispapis, ñawpajman rillaykupuni.

Deuteronomio 18:20

Sichus mayqen runa sut'inchajman tukuspa, mana noqa kamachishajtillay sutiypi parlayta munanman, chayrí waj dioskunaj sutinkupi parlanman chayqa, chay runaqa wañuchisqa kanqa.

Jueces 10:9

Amonitakunaqa Jordán mayuta chimparqanku maqanakamunankupaj Judá jatun aylluwan, Benjamín jatun aylluwan, jinataj Efraín jatun aylluwanpis. Ajinamanta israelitakunaqa may llakiypi rikhurerqanku.

Rut 1:13

qankunaqa wiñanankukama suyawajchejchu, mana piwan casarakuspa? Manapuni, wawaykuna. Tata Diosqa jatun llakiyman churawan. Chaywanpis may jinatarajchus phutikuyman qankunata llakikojta rikuspaqa, nispa.

1 Samuel 12:15

Sichus qankuna Tata Diosta mana uyarinkichejchu, kamachisqantataj mana kasunkichejchu chayqa, payqa ñawpa tataykichejkunata jina qankunata ñak'arichisonqachej.

1 Samuel 13:6

Filisteokuna tukuynejmanta maqanakoj sayaykusqankurayku, israelitakuna imatachus ruwanankuta mana yachashaj rikhurerqanku. Chayraykutaj chhanka jusk'uman, t'oqoman, qaqa k'ajllukunaman, allasqa jusk'ukunaman chantá ch'aki pujyukunaman ima pakakamorqanku.

1 Samuel 14:24

Chay p'unchaypi israelitakunaqa allin sayk'usqa kasharqanku. Mana pipis mikhunata llamillarqapischu, Saúl paykunata tiluchisqanrayku: Manaraj ch'isiyashajtin, manaraj awqaykunawan pagachikushajtiy, pillapis imata mikhojqa maldicisqa kachun, nispa.

1 Samuel 30:6

Davidqa sinch'i phutisqa kasharqa, imaraykuchus soldadonkunaqa payta rumiwan ch'anqaykuyta munarqanku. Tukuyninku wawankukunamanta manchay llakisqa kasharqanku. Chaywanpis Davidqa Tata Diosninmanta jap'ikuspa, kallpachakorqa.