Jueces 2:14 - DIOSPA QHELQACHISQ

¹⁴ Chayrayku Tata Diosqa israelitakunaj contrankuta sinch'ita phiñakuspa, tukuy kapuyninkuta suwakunawan qhechucherqa. Jinaspataj, chay muyuyninkumanta kaj awqankunawan paykunata atipaykucherqa, nitaj paykuna kutichikuyta aterqankuchu.

Qheshwa Biblia DC

¹⁴ Chayrayku Señorqa israelpa contrampi sinch'ita phiñakorqa, tukuy kapuyninkuta suwaswan qhechurparicherqa, chay qayllasninmanta kaj enemigosnintaj maqanakupi atipaykorqanku, paykunataj mana kutichikuyta aterqankuchu.

DIOSPA QHELQACHISQAN DEUTEROCANONICAL

¹⁴ Chayrayku Tata Diosqa israelitakunaj contrankuta sinch'ita phiñakuspa, tukuy kapuyninkuta suwakunawan qhechucherqa. Jinaspataj, chay muyuyninkumanta kaj awqankunawan paykunata atipaykucherqa, nitaj paykuna kutichikuyta aterqankuchu.

Jueces 2:14 ပူးပေါင်းရင်းမြစ်များ

2 Samuel 24:1

Tata Diosqa israelitakunapaj watejmanta sinch'ita phiñakuspa, paykunaj contrankupi Davidta yuyaycharqa, Israel aylluta, Judá ayllutawan yupachinanta.

2 Samuel 7:11

imaynatachus paykunata ruwarqanku juez nisqa kamachejkunata churashajtiy, ajinata. Manallataj saqesajchu awqaykikuna imatapis ruwasojta. Chantapis noqa ruwasaj wawaykikunamanta Israel suyuta kamachej kanallantapuni.

2 Reyes 13:3

Chayrayku Tata Diosqa israelitakunapaj sinch'ita phiñakorqa, jinataj Siria suyuta kuraj kamachej Jazaelman, chantá churin Ben Adadman ima unaypaj israelitakunata jaywaykorqa.

2 Reyes 17:20

Chayrayku Tata Diosqa israelitakunata qhesachaspa ñak'aricherqa, chantá awqankuwan atipaykuchispa, ñawpaqenmanta karuman wijch'orqa.

2 Crónicas 15:5

Chay p'unchaykunapeqa mana pipajpis allin kawsay karqachu, manachayqa may jina ñak'ariylla karqa chay suyupi tiyakojkunapajqa.

2 Crónicas 28:5

Chayrayku Tata Diosqa Siriata kuraj kamachejpa makinman Ajazta jaywaykorqa. Siriokunataj maqanakupi Ajazta atipaykuspa, ashkha runata presota Damascoman apakaporqanku. Jinallataj Tata Diosqa Judá suyumanta kajkunata jaywaykorqa Israelpa kuraj kamachej Pecajman, paytaj maqanakupi atipaykuspa, may ashkha runata wañucherqa.

2 Crónicas 36:16

Jinapis paykunaqa Tata Diospa kachamusqan willarajninkunamanta asiykukorqanku, nisqankutataj qhesacharqanku. Diosmanta sut'inchajkunamanta ajinata alqochakuspa, Tata Diosta sinch'ita phiñacherqanku. Chayrayku Tata Diospa phiñakuynin chay runakunaj contranpi k'ajarerqa, jinataj manaña pipis imatapis ruwayta aterqachu Diospa sonqonta tiyaykuchinapaj.

Nehemías 9:27

Chayrayku qanqa paykunata awqankoj makinkuman jaywaykorqanki, chay awqankukunataj sinch'ita paykunata ñak'aricherqanku. Chantá may llakiypi rikukuspa, aylluykeqa qan yanapanaykita mañakusorqanku. Qantaj jatun munakuyniykirayku janaj pachamanta uyarimuspa, chay ñak'arichejkunaj makinkunamanta kacharichinankupaj runakunata churarqanki.

Salmos 44:11

11 (12) Qanqa paykunaman jaywaykuwarqayku ñak'anapaj ovejapis kaykuman jinata, waj suyukunamantaj ch'eqerachiwarqayku.

Salmos 44:12

12 (13) Aylluykitaqa chhalarparerqanki, vendespataj, mana ni imatapis ganarqankichu.

Isaías 42:24

Pitaj Jacobpa mirayninta jaywaykorqa waj suyuman apasqa kanankupajri? Pitaj Israel suyumanta tukuy imanta qhechojpa makinman churaykorqari? Manachu Tata Dios chayta ruwarqa israelitakuna contranta juchallikusqankurayku? Paykunaqa mana Tata Diospa ñannintachu purerqanku, manataj kamachisqantapis kasorqankuchu.

Isaías 50:1

Tata Dios nin: Ama yuyaychejchu mamaykichej Israelta wijch'usqayta, imaynatachus uj runa warminta wijch'upun, jinataqa. Chayrí, yuyankichejchu mayqen manuyman wata runata jina vendeykususqayta? Mana jinachu, qankunaqa millay juchaykichejrayku vendechikunkichej. Diospa contranta oqharikusqaykichejrayku mamaykichej Israel wijch'usqa karqa.

Jeremías 37:10

Sichus qankuna Caldeamanta soldadokunata maqanakupi atipaspa, jarankupi iskay chayrí kinsa k'irisqa soldadokunata kawsajta saqewajchej chayqa, chay soldadokunalla llajtaykichejta ninawan ruphaykuchinkuman, nispa.

Levítico 26:17

Noqapis qankunaj contraykichejpi sayaykusaj, awqaykichejtaj atipasonqachej. Qankunata chejnisojkuna chakinku uraman churasonqachej, qankunataj mana pej qhatiykachasqallan ayqekunkichej.

Levítico 26:28

noqapis qankunaj contraykichejta sayaykusaj. Phiñakuspataj, juchaykichejrayku qanchis kutitawanraj jasut'isqaykichej.

Levítico 26:37

Maqanakumantapis ayqeshawajchej jina qankunapuralla takanakuspa, urmankichej, mana ni pipis qankunata qhatiykachashajtillan. Ni mayqenniykichej awqaykichejman sayaykuyta atinkichejchu.

Números 32:13

Chaymanta Tata Dios manchayta phiñakuspa, tawa chunka watata israelitakunata ch'innejpi puricherqa Tata Diosta tukuy mana kasojkuna wañuspa tukukunankukama.

Números 32:14

Kunanqa qankunañataj Tata Diosta israelitakunaj contranta phiñachiyta munaspa, juchasapa tataykichej jina ruwayta munashankichej.

Deuteronomio 28:20

Tata Diosqa tukuy ima ruwasqaykipi mana allinchu risunanta ruwanqa. Jinallataj sinch'i llakikuy qhatirisusqanrayku imatachus ruwanaykita mana yachashajta ruwasonqa. Ajinaqa manaraj imapi chay llakiykunawan tukuchisqa kanki, mana allinta ruwaspa purinaykipaj, Diosmanta karunchakusqaykirayku.

Deuteronomio 28:25

Chantá Tata Diosqa qanta awqaykiwan atipachisonqa. Qan uj ñannejllata awqaykiwan maqanakoj rinki, atipachikuspataj, maynejtachus ayqenaykita mana yachaspa ch'eqeraspa ayqenki. Kay pachapi tukuy suyutaj t'ukuspa, chantá mancharisqa ima qhawasonqanku.

Deuteronomio 28:58

Sichus kay qhelqapi qhelqasqa kamachisqakunata mana kasunkichu, nillataj Tata Diosniykej llimphu sutinta mana jatunpaj qhawankichu chayqa,

Deuteronomio 32:30

Imaynamantataj uj runalla waranqa runakunata qhatiykuyta atinmanri? Imaynatataj iskay runalla chunka waranqa runakunata ayqechiyta atinkumanri? Ajina kanqa paykunata jark'akoj Tata Diosninku awqankuman jaywaykunanta nisqanrayku.

Josué 23:16

Ajina kanqa sichus Tata Dios qankunawan trato ruwasqanta mana junt'ankichejchu chayqa. Sitajchus Tata Diosta wasanchaspa waj dioskunata yupaychankichej, chantá qonqorikunkichej ima chayqa, Tata Dios qankunapaj phiñakonqa, manaraj imapitaj kay sumaj jallp'amanta chinkachisqa kankichej, nispa.

Jueces 1:19

Judá jatun ayllumanta kajkunataj Tata Diospa yanapayninwan wijch'ullarqankutaj orqokunapi tiyakojkunatapis. Chaywanpis manapuni wijch'orqankuchu chay pampakunanejpi kajkunataqa, chaypi tiyakojkuna fierromanta carretayoj kasqankurayku.

Jueces 1:34

Amorreokunaqa Dan jatun ayllumanta kajkunata orqonejkama qharqorqanku, manataj pampakunaman urayk'amojta saqerqankuchu.

Jueces 10:7

Chayraykumari Tata Diosqa paykunapaj sinch'ita phiñarikuspa, filisteokunaman, amonitakunamanwan paykunata qaraykorqa.

Jueces 2:20

Chayraykumin Tata Diosqa Israelpa contranpi sinch'ita phiñakuspa, nerqa: Kay runakunaqa ñawpa tatankuwan tratota ruwasqayta p'akinku, manataj kasuwayta munankuchu.

Jueces 3:12

Chaymanta qhepaman israelitakunaqa watejmanta ruwallarqankutaj Tata Diospa mana munasqanta. Chayrayku Tata Diosqa Moabpa kuraj kamachej Eglonman astawan atiyta qorqa israelitakunamanta nisqaqa.

Jueces 4:2

Chantá Tata Diosqa Canaanta kuraj kamachej Jabinmanñataj israelitakunata jaywaykorqa. Payqa Jazor llajtapi kamacherqa. Soldadonkunata kamachejtaj Sísara sutiyoj karqa. Payqa Jaroset Goyinpi tiyakorqa.