Jueces 2:11 - DIOSPA QHELQACHISQ

¹¹ Chaymantataj israelitakunaqa Tata Diospa mana munasqan millaykunata ruwarqanku. Baalman rijch'akoj tukuy imaymana lantikunata yupaychayta qallarerqanku.

Qheshwa Biblia DC

¹¹ Israelitasqa ruwarqanku imaschari mana allinchu Señorman rijch'arqa chaykunata, Baalman rijch'akojkuna tukuy laya lantistataj yupaychayta qallarerqanku.

DIOSPA QHELQACHISQAN DEUTEROCANONICAL

¹¹ Chaymantataj israelitakunaqa Tata Diospa mana munasqan millaykunata ruwarqanku. Baalman rijch'akoj tukuy imaymana lantikunata yupaychayta qallarerqanku.

Jueces 2:11 ပူးပေါင်းရင်းမြစ်များ

Génesis 13:13

Sodoma llajtayojkunarí millay runakuna kasqankurayku, Tata Diospa contranpi millayta ruwaspa, anchata juchallerqanku.

Génesis 38:7

Chaywanpis Judáj kuraj kaj churin Er mana Tata Diospa munasqanman jinachu purisqanrayku Tata Dios payta wañucherqa.

1 Reyes 11:5

Salomonqa sidoniokunaj diosninku Astoretta, amonitakunaj chay millay lantinku Milcontawan yupaycharqa.

1 Reyes 18:18

Eliastajrí kuticherqa: Mana noqachu Israel suyuta sinch'i llakiyman churani. Aswanpis qanwan, tataykej ayllunwan Tata Diospa kamachisqanta saqerpayankichej, Baal nisqa lantita yupaychaspataj, Israel suyuta sinch'i llakiyman churankichej.

1 Reyes 22:53

53 (54) Baal lantita yupaycharqa, ajinamanta Israelpa Tata Diosninta phiñachispa, imaynatachus tatanpis ruwarqa, ajinata.

2 Crónicas 28:2

Aswanpis imatachus Israelpa kuraj kamachejninkuna ruwasqanku, chay jinallatataj paypis ruwarqa. Metalmanta unuyachispa, Ajazqa Baalman rijch'akoj lantikunata ruwacherqa.

2 Crónicas 28:3

Ben Jinón Vallepi lantikunaman inciensota q'oshñicherqa. Churinkunatapis q'olachispa jaywarqa, waj llajtayojkuna ruwayta yachasqankuman jina, pikunatachus Tata Dios israelitakunaj ñawpaqenkumanta wijch'usqa, chaykuna jina.

2 Crónicas 33:6

Chay jawa Manasesqa Ben Jinón vallepi churinkunatapis ruphachispa diosninkunaman jaywarqa. Sajra espiritukunata wajyanaman qokorqa, jinallataj suerteta qhawayman, aysiri kayman, layqeriyoman ima qokorqa. Ajinata Tata Diospa rikunanta millaytapuni ruwaspa, sinch'ita phiñacherqa.

Esdras 8:12

Azgadpa ayllunmanta Hacatanpa churin Johanán karqa, paywantaj 110 qharikuna karqanku.

Nehemías 9:26

Chaywanpis, Tata Dios, paykunaqa mana kasukojkuna karqanku. Contraykipi oqharikorqanku, kamachisqaykitataj qhesacharqanku. Chantaqa sut'inchajniykikunata wañucherqanku uyankupi qanman kutirikamunankuta k'amisqankurayku. Chaymantataj aswan millayta ruwaspa, sonqoykita nanachisorqanku.

Salmos 78:56

Paykunatajrí, Patapi Kaj Dios phiñakonqachus manachus, chayta yachariyta munaspa, paypa contranpi oqharikorqanku, kamachisqantapis mana kasorqankuchu.

Jeremías 11:10

Ñawpa tatankukunaj juchallisqankuman kutiykapunku, pikunachus mana kasuwayta munarqankuchu, chaykunaj ruwasqankuman. Ajinamanta waj dioskunata yupaychaj churakorqanku. Ajinata ruwaspa, Israel suyu, jinataj Judá suyupis ñawpa tatankukunawan trato ruwasqayta p'akerqanku.

Jeremías 16:11

Qantaj paykunaman kutichinki: Tata Dios kay jinata nin: Kay tukuy ima qhatirisunkichej, imaraykuchus ñawpa tataykichej saqerpariwarqanku, waj dioskunaj qhepankutataj riporqanku. Chantá chaykunata yupaychaspa, sirverqanku. Noqata saqerpariwaspataj, kamachisqayta mana junt'arqankuchu.

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Jeremías 2:23

Imaynatataj niyta atiwaj: Mana ch'ichichakunichu, nitaj chay qhasi manakaj dioskunata yupaychanichu, nispari? Qhawarikuy imatachus vallepi ruwarqanki, chayta. Qanqa allinta reparakuy tukuy ruwasqaykita, china camello jina usqhayta rispa maymanpis thaskiykusqallaykita.

Jeremías 32:23

Paykunataj qosqayki jallp'aman yaykuspa, dueñochakorqanku. Chaywanpis mana kasusorqankuchu nitaj kamachisqaykita junt'arqankuchu. Manallataj paykuna kamachisqaykita ruwarqankuchu. Chayraykumin kay tukuy ñak'ariykunata paykunaman kachaykamorqanki.

Jeremías 9:14

14 (13) Manachayqa tatankoj yachachisqanta ruwarqanku. Baal lantikunata yupaycharqanku, ch'ichi sonqonkoj yuyasqantataj ruwarqanku.

Números 25:3

Ajinata israelitakunaqa Baal Pegor sutiyoj lantita yupaychanaman apachikorqanku. Chayrayku Tata Diosqa israelitakunapaj maytapuni phiñakorqa.

Deuteronomio 31:16

Chaymantá Tata Diosqa Moisesta nerqa: Qanqa wañupunkiña. Kay israelitakunarí kunan yaykonqanku, chay jallp'api waj suyukunaj diosninkukunata yupaychaspa juchallenqanku. Jinata ruwaspa, paykunaqa qonqapuwanqanku, paykunawan ruwasqay tratotataj p'akenqanku.

Deuteronomio 4:25

Qankuna wawayoj, allchhiyoj kaspa, jap'isqaykichej jallp'api machuyaspa, sichus ima lantitapis, chayrí imaman rijch'akojtapis ruwakuspa pierdekuwajchej chayqa, Tata Diosniykichejpa contranpi juchallispa, payta phiñachiwajchej.

Jueces 10:10

Chaypacha Tata Diosmanta mayta mañakorqanku: Diosniyku, contraykipi juchalliyku. Qanmanta karunchakuyku Baal lantikunata yupaychanaykurayku, nispa.

Jueces 10:6

Israelitakunaqa watej Tata Diospa contranta juchallillarqankutaj, yupaychaspa Baalman, jinataj Astarotman rijch'akoj lantikunata. Yupaychallarqankutaj Siriamanta, Sidonmanta, Moabmanta, Amonmanta lantikunata, jinataj filisteokunajpata kajkunatawan. Tata Diosmanta karunchakuspa, manaña payta kasorqankuchu.

Jueces 13:1

Israelitakunaqa watej Tata Diospa mana munasqanta ruwallarqankutaj. Chayrayku Tata Diosqa paykunata filisteokunaj makinkuman tawa chunka watata jaywaykorqa.

Jueces 3:12

Chaymanta qhepaman israelitakunaqa watejmanta ruwallarqankutaj Tata Diospa mana munasqanta. Chayrayku Tata Diosqa Moabpa kuraj kamachej Eglonman astawan atiyta qorqa israelitakunamanta nisqaqa.

Jueces 3:7

Israelitakunaqa Tata Diosta qonqayman churaspa, paymanta karunchakorqanku, yupaycharqankutaj Baalpa lantinkunata, Aseraj lantinkunata ima.

Jueces 4:1

Aod wañupusqanmanta qhepata, israelitakunaqa Tata Diospa contranta watejmanta juchallillarqankutaj.

Jueces 6:1

Chaymanta qhepaman israelitakunaqa watej Tata Diospa mana munasqanta ruwallarqankutaj, qanchis wata junt'atataj Tata Diosqa paykunata jaywaykorqa madianitakunaj makinkuman.

Jueces 6:25

Chay ch'isipacha Tata Diosqa Gedeonta nerqa: Tataykej uywankunamanta qanchis watayoj kaj torota apamuy. Chantá tataykej ruwasqan Baalpaj altarta phirimuy. Ajinallatataj chay Baalpa altarnin qayllapi kashan, Asera k'ullutapis urmachiy.

Jueces 8:33

Gedeón wañupusqanmanta qhepaman israelitakunaqa Diosmanta karunchakuyta qallarillarqankutaj, Baalpa tukuy imaymana lantinkunaman yupaychaj rispa. Baal Berit lanti nisqata diosninku kananpaj ajllakorqanku.

1 Samuel 12:10

Chaypacha paykunaqa Tata Diosman qhaparikorqanku: Juchalliyku, imajtinchus qanta saqerparispa, Baal lantikunata, Astarot lantikunatawan yupaycharqayku. Awqaykukunaj makinkumanta kacharichiwayku, noqaykutaj qanllata yupaychasqayku, nispa.

1 Samuel 7:3

Chayrayku Samuelqa tukuynin israelitakunata nerqa: Sichus qankuna tukuy sonqowan Tata Diosman kutirikunkichej chayqa, waj dioskunata, chantá Astarotpa lantintapis yupaychanata saqeychej. Chantá tukuy sonqomanta Tata Diosllataña yupaychaychej. Chaymantaraj payqa filisteokunaj makinkumanta kacharichisonqachej, nispa.

1 Samuel 7:4

Chantá israelitakunaqa Baalpa lantinkunata, jinataj Astarotpa lantinkunata wijch'uspa, Tata Diosllataña yupaycharqanku.