Jueces 2:10 - DIOSPA QHELQACHISQ

¹⁰ Jinallataj watakuna pasasqanman jina Josuéj mitanmanta kaj israelitakunapis wañupullasqankutaj. Ajinamanta qhepa wiñajkunaqa mana Tata Diosta rejserqankuchu, nitaj yacharqankuchu imatachus Tata Dios ruwasqanta israelita ñawpa tatankunapaj.

Qheshwa Biblia DC

¹⁰ Jinallatataj Josuejpa mit'anmanta kajkuna israelitaspis wañupullarqankutaj. Ajinamantari chay qhepamanña nacekojkunaqa mana yacharqankuchu Señormanta nitaj imastachus israelitasman kutisqata ruwasqasnintapis.

DIOSPA QHELQACHISQAN DEUTEROCANONICAL

¹⁰ Jinallataj watakuna pasasqanman jina Josuéj mitanmanta kaj israelitakunapis wañupullasqankutaj. Ajinamanta qhepa wiñajkunaqa mana Tata Diosta rejserqankuchu, nitaj yacharqankuchu imatachus Tata Dios ruwasqanta israelita ñawpa tatankunapaj.

Jueces 2:10 ပူးပေါင်းရင်းမြစ်များ

Génesis 15:15

Qantajrí allin machuña, sonqo tiyaykusqa kawsaypi wañupunki, jinataj maypichus ñawpa tataykikuna kashanku, chayman rinki.

Génesis 25:17

Ismaelqa 137 watayoj wañupuspa, ñawpa tatankunaman riporqa.

Génesis 25:8

Pay unayta kawsaspa allin machuña wañuporqa. Jinataj wañupuspa ñawpa tatankunaman riporqa.

Génesis 49:33

Chayta churinkunaman niytawantaj, Jacobqa puñunanman siriykuspa, kikinpi wañuporqa. Ajinata Jacob ñawpa tatankunawan tinkukapoj riporqa.

2 Samuel 7:12

Wañupojtiyki, wawaykikunallamantataj kuraj kamachej kananpaj churaspa, kamachinaykita sinch'ita sayachisaj.

1 Crónicas 28:9

Qanrí, wawáy Salomón, tukuy sonqowan tataykej Diosninta Diosniykipaj rejsikapuy. Chantá sonqomanta munaspa, payta yupaychay, imaraykuchus Tata Diosqa tukuypa sonqonchejta qhawan, imatachus yuyasqanchejtapis yachan. Ajinaqa, sichus payta mask'anki chayqa, payta tarinki. Payta saqerpariwaj chayrí, wiñaypaj qhesachasonqa.

Job 21:14

Paykunaqa Diosta ninku: Noqaykumanta ithirikuy, imaraykuchus munasqaykiman jina kawsayta mana munaykuchu.

Éxodo 1:6

Chaymanta unayninman jina Josewan, wawqenkunawan ima, jinallataj paykunawan khuska wiñajkunapis wañuporqankuña.

Éxodo 1:8

Israelitakuna Egiptopi unaytaña tiyakushajtinku, Egipto suyupi waj runañataj kuraj kamachej jina yaykorqa. Payqa Joseta mana rejserqachu, manataj yacharqachu José Egipto suyurayku imatachus ruwasqanta. Chayrayku pay runankunata nerqa:

Éxodo 5:2

Faraontajrí kuticherqa: Pitaj chay Tata Dios kasqa, noqa payta kasuspa, israelitakunata kacharinaypajri? Noqaqa chay Tata Diosta mana rejsinichu, nitaj israelitakunata kacharisajchu, nispa.

Isaías 5:12

Qankunaqa jatuchaj mikhuykunata wakirichinkichej, chaypitaj tocarichinkichej arpakunata, salteriokunata, panderetakunata, qenakunatawan. Chantá ashkha vinota ujyarillankichejtaj. Chaywanpis mana Tata Diospi unanchankichejchu, nitaj makinwan ruwasqantapis cuentaman churankichejchu.

Jeremías 22:16

Payqa wajchakunaman, ñak'arichisqa kajkunaman ima sayakorqa. Chayrayku payta tukuy imapi allin rerqa. Chaypi yachakun noqata sumajta kasuspa purisqanta. Noqa Tata Diosmin chayta nini.

Jeremías 31:34

Manaña pipis runa masinta yachachenqañachu, nitaj wawqentapis nenqañachu: Tata Diosta rejsiy, nispa, imaraykuchus juch'uymanta jatunkama tukuy rejsiwanqanku. Noqa millay ruwasqankuta pampachasaj, manañataj jayk'ajpis juchankumanta yuyarikusajchu. Noqa Tata Diosmin chayta nini.

Jeremías 9:2

2 (1) Imaynapichus ch'innejpi uj ch'ujllallapis noqajta tiyapuwanman, llajtaymanta karunchakunaypaj, imaraykuchus tukuyninku khuchichakojkuna, puraj uyataj kanku.

Jeremías 9:3

3 (2) Tata Diostaj nin: Paykuna llullakunapaj wakichisqapuni kashanku, imaynatachus runa arcota mat'iykun flechata kacharinanpaj, ajinata. Manapuni maychus kajta parlankuchu, manachayqa astawan astawan millay kajta ruwanku. Noqa Tata Diostataj mana rejsiwankuchu, nispa.

Jeremías 9:5

5 (4) Sapa ujpis runa masinmanta alqochakun, manataj pipis cheqanta parlaj kanchu. Llullakunallaman yachaykukunku. Millayllatapuni ruwanku nitaj chaymanta kutiriyta atinkumanchu.

Números 27:13

Chayta rikuytawantaj, wawqeyki Aarón jina wañupunki, ñawpa tataykikunawantaj tantakoj ripunki.

San Lucas 20:32

Tukuyninkoj qhepantataj chay warmipis wañupullarqataj.

Hechos 13:36

David kawsanankama Diospa munayninman jina imatachus ruwananta ruwarqa. Chaywanpis wañupojtenqa, ñawpa tatankunaj qayllanpi payta p'amparqanku ayantaj q'etayaporqa.

Deuteronomio 31:16

Chaymantá Tata Diosqa Moisesta nerqa: Qanqa wañupunkiña. Kay israelitakunarí kunan yaykonqanku, chay jallp'api waj suyukunaj diosninkukunata yupaychaspa juchallenqanku. Jinata ruwaspa, paykunaqa qonqapuwanqanku, paykunawan ruwasqay tratotataj p'akenqanku.

2 Tesalonicenses 1:8

Payqa Diosman mana kutirikojkunata, jinataj Tukuyta Kamachej Jesusmanta sumaj willayta mana jap'ikojkunata jasut'enqa.

Tito 1:16

Paykuna Diosta qhatikusqankuta ninku, ruwasqankuwantajrí mana jinachu kasqanmanta yachayta qonku. Chay jina runakunaqa millay kanku, mana kasukojkuna, nitaj ima allin kajtapis ruwanankupaj jinachu.

Josué 24:31

Josué kawsashajtin, israelitakunaqa Diosllata kasuspa purerqanku. Chantá Josué wañupusqanmanta qhepamanpis kurajkuna kawsanankukama Tata Diosllata kasuspa purillarqankutaj. Chay kurajkunaqa israelitakunapaj Tata Dios imatachus ruwapusqanta allinta yacharqanku.

1 Samuel 2:12

Elíj churinkunaqa millay puriyniyoj runakuna karqanku. Tata Diosta mana kasorqankuchu, nitaj manchachikorqankuchu.