Jueces 19:3 - DIOSPA QHELQACHISQ

³ Chaymantataj levitaqa kamachinta pusariykukuspa, iskay burrotawan qhatispa, warminta mask'amoj rerqa, paywan kutimpunanpaj parlapayamoj. Belenman chayajtintaj, warmenqa tatanpa wasinman pusaykorqa.

Qheshwa Biblia DC

³ Levitaqa warminta mask'amoj rerqa, paywan tiyakapoj kutipunanta parlanampaj. Payqa aparqa uj kamachita iskay burrostawan ima, warmintaj tatampa wasinman pusaykorqa.

DIOSPA QHELQACHISQAN DEUTEROCANONICAL

³ Chaymantataj levitaqa kamachinta pusariykukuspa, iskay burrotawan qhatispa, warminta mask'amoj rerqa, paywan kutimpunanpaj parlapayamoj. Belenman chayajtintaj, warmenqa tatanpa wasinman pusaykorqa.

Jueces 19:3 ပူးပေါင်းရင်းမြစ်များ

Génesis 34:3

Chaywanpis Sichempa sonqonman Dina yaykusqanrayku, payta anchatataj munakorqa. Chayrayku Dinaj sonqonta suwayta munaspa, atisqanta ruwarqa.

Génesis 50:21

Chayrayku ama manchachikuychejchu. Noqaqa qankuna, jinataj wawaykichejkuna kawsanankupaj mikhunata qollasqaykichejpuni, nispa. Ajinata Joseqa wawqenkunata sonqocharqa, imaraykuchus manchay k'achata parlapayaykorqa.

Jeremías 3:1

Tata Dios nillantaj: Sichus uj qhari warminmanta t'aqakunman, chay warmitaj waj qhariwanñataj casaranman chayqa, ñawpa qosanwan manaña ujtawan casarayta atinchu. Sichus kutikapunman chayrí, tukuy runapaj p'enqay kanman. Qanrí Israel, ashkha qhariykikunawan khuchichakorqanki. Chaywanpis kunan noqaman kutirimpuyta munashankiraj. Noqa Tata Diosmin chayta nini.

Oseas 2:14

14 (16) Chaywanpis aswan qhepaman noqaqa sonqonta ujtawan suwasaj. Ch'insitunejman payta pusaspa, sonqonman may misk'ita parlaykusaj.

Oseas 2:16

16 (18) Chaypacha: Qosaymin kanki, nispa niwanqa, manañataj niwanqachu: Baal diosníy, nispa. Chayta noqa Tata Diosmin nini.

Levítico 19:17

Ama wawqeykita sonqoykipi chejnikunkichu. Runa masiykita k'amiy, k'amina kajtenqa, juchallejtin ama juchachasqa kanaykipaj.

Levítico 20:10

Sichus pipis runa masinpa warminwan puñuykunman chayqa, khuchichakun. Iskayninku wañuchisqa kanqanku.

Números 22:22

Balaamqa burronpi rerqa, iskay kamachinkunatawan pusarikuspa. Tata Diosrí Balaam risqanmanta phiñakuspa, ñanpi jark'ananpaj angelninta kachamorqa.

San Mateo 1:19

María wijsallisqa kasqanta yachaspa, Joseqa cheqan runa kasqanrayku, María warminta pakayllamanta saqerpayayta munasharqa, mana p'enqaypi payta rikhurichinanrayku.

San Juan 8:11

Warmitaj nerqa: Mana pipis, wiraqochíy, nispa. Jesustaj payta nerqa: Noqapis manallataj juchachaykichu. Kunanqa ripuy, amañataj ajinata juchallispa puriyñachu, nispa.

Gálatas 6:1

Wawqe panakuna, sichus pitapis juchallisqanta reparankichej chayqa, qankuna Santo Espirituta kasuspa purejkuna llamp'u sonqowan payta yanapaychej cheqan ñanman kutirinanpaj. Chaywanpis allinta qhawarikuychej, ama pay jinallataj juchallishanaykichejpaj.

Jueces 15:1

Chaymanta mana unayninman trigo oqharina killapi, Sansonqa warminta waturikoj rerqa uj chivitu aparisqa. Chayaspataj, warminpa tatanta nerqa: Warmiyta watukuyta munani, nispa. Warminpa tatantajrí mana yaykuchiyta munarqachu,

Jueces 19:2

Chantá chay warmi phiñakuspa riporqa Judapi Belén llajtaman tatanpa wasinman, tawa killatataj chaypi qhepakorqa.

Jueces 19:26

Sut'iyaytaña chay warmeqa machu runaj wasinman kutiporqa, qosan kasharqa, chayman, chay punkunejpitaj wañusqa choqakorqa.

Jueces 19:4

Ajinallatataj warmej tatanpis levita runata tukuy sonqo wasinpi jap'erqa, nerqataj paykunawan qhepakunanta. Chayrayku levita, kamachin ima kinsa p'unchayta suegronpa wasinpi qhepakorqa, mikhuspa, ujyaspa, puñuspataj.