Jueces 19:1 - DIOSPA QHELQACHISQ

¹ Israel ukhupi manaraj kuraj kamachej kashajtin, uj levita tiyakorqa Efrainpa jallp'ankupi aswan karu orqorara cheqanejpi. Paytaj, Judapi Belén llajtamanta uj warmiwan tantakorqa.

Qheshwa Biblia DC

¹ Maypachachus Israel ukhupi manaraj rey kashajtin, uj levita runa tiyakorqa Efraimpa aswan karu orqosnejpi, paytaj oqharikorqa uj warmita Judá jallp'api Belén llajtamanta, mana casaraspallataj kausarqa chay warmiwan.

DIOSPA QHELQACHISQAN DEUTEROCANONICAL

¹ Israel ukhupi manaraj kuraj kamachej kashajtin, uj levita tiyakorqa Efrainpa jallp'ankupi aswan karu orqorara cheqanejpi. Paytaj, Judapi Belén llajtamanta uj warmiwan tantakorqa.

Jueces 19:1 ပူးပေါင်းရင်းမြစ်များ

Génesis 22:24

Jinallataj Najorta ujnin warmin Reumapi churinkuna kallarqankutaj. Paykuna karqanku: Teba, Gaján, Tajás, Macá ima.

Génesis 25:6

Chay ujnin warminkunapi wawankunamanrí ashkhata waqerqa. Jinataj Abraham manaraj wañupushaspa, waj warminkunapi churinkunata Isaacmanta karuncharqa, inti llojsimuynejman kachapuspa.

Génesis 35:19

Ajinata Raquel wañuporqa. Ayantataj Efrataman rinapi p'amparqanku. Chay cheqajta ujnin sutin “Belén” karqa.

2 Samuel 16:22

Chantá altopata wasi patiopi uj toldota Absalonpaj churaporqanku, chaypitaj tukuy Israel ayllu rikunanta, tatanpa waj warminkunawan puñuykakaporqa.

2 Samuel 19:5

5 (6) Chantá Joabqa kuraj kamachejpa wasinman rispa, nerqa: Qan kuraj kamachejniykoqa soldadoykikunata p'enqaypi rikhurichinki. Paykunaqa wañunaykimanta jark'akusorqanku, jinallataj churiykikunata, ususiykikunata, warmiykikunata, waj warmiykikunatawan ima.

2 Samuel 20:3

Davidqa Jerusalenpi kamachinan wasiman kutipuspa, kamachinan wasi qhawajkuna chunka waj warminkunata, uj wasiman wisq'aykucherqa, soldadokunawan qhawachispa. Chaypitaj paykunata mikhuchillarqapuni. Chaywanpis manañataj ujtawan paykunawanqa puñuykorqachu. Ajinata chay warmikunaqa wisq'asqa qhepakorqanku warmisapa jina wañupunankukama.

2 Samuel 3:7

Chantá Saulpata ujnin warmin karqa Rispá sutiyoj, Ayáj ususin. Abnertaj chay warmiwan puñuykakapusqa. Chayraykutaj Isbosetqa Abnerta k'amispa, nerqa: Imaraykutaj tataypa ujnin warminwan puñuykakaporqankiri? nispa.

2 Samuel 5:13

Hebronmanta Jerusalenman jampusqanmantaña, Davidqa ashkha warmiwan casarakullarqataj, jinallataj waj warminkunapis kallarqankutaj. Chay warmikunapitaj astawan churinkuna jinataj ususinkunapis kallarqankutaj.

1 Reyes 11:3

Tukuyninpi warminkunaqa 700 karqanku, waj warminkunataj 300. Chay warminkunataj paypa sonqonta Tata Diosmanta karunchacherqanku.

1 Reyes 4:8

Chay chunka iskayniyoj jilaqatakunaj sutinku kaykuna karqa: Ben Jurqa Efraín orqonejpi churasqa karqa.

2 Crónicas 11:21

Payqa Absalonpa ususin Macá warminta astawan munakorqa. Roboanpa warminkunaqa chunka pusajniyoj karqanku, ujnin warminkunataj sojta chunka karqa. Churinkunaqa iskay chunka pusajniyoj karqanku, ususinkunataj sojta chunka.

Ester (hebreo) 2:14

Mit'an kashajtinña, chay sipasqa ch'isiyaykuyta kuraj kamachejpa wasinman rej. Q'ayantin paqarintaj kuraj kamachejpa ujnin kaj warminkunaj wasinman kutipoj. Chay warmikunapaj wasitaqa eunuco runa Sasgaz sutiyojqa qhawarqa, kuraj kamachejpa warminkunata qhawaj kasqanrayku. Chantá chay sipasqa kuraj kamachejman ujtawan mana kutillajchu, manachus kuraj kamachejqa sutinmanta wajyachej chayqa.

Daniel (hebreo) 5:3

Jinapi kuraj kamachej Belsasarpa kamachinkuna, mayqen vasokunatachus soldadokuna Jerusalén Templomanta unay suwasqanku, chay vasokunata apamorqanku. Chay vasokunapitaj vinota ujyarqanku kuraj kamachej, warminkuna, waj warminkuna, chantá pikunachus chay raymiman wajyasqa karqanku, chaykuna ima.

Malaquías 2:15

Manachu Tata Diosqa warmiykita qantawan uj runa jinallaman tukuchisorqachej? Ukhuykichejwan espirituykichejwan ima Diospata kankichej. Chantá Dios imatataj munanri? Manachu munan mirayniykichej payllapaj t'aqasqa kanankutari? Chayrayku qankuna sonqoykichejta allinta qhawakuychej, wayna kashaspa casarakusqaykichej warmita ama wasanchanaykichejpaj.

San Mateo 2:6

Qanrí Belén, Judá jap'iypi kaj, Judapi kaj llajtakuna ukhupi aswan uyarisqa kanki, imaraykuchus qanmanta uj kamachej llojsenqa, paytaj Israel aylluyta michenqa, nispa.

Josué 24:30

Chantá Gaas orqomanta wichaynejpi, Efraín jatun aylloj jap'iynin orqorara cheqapi, Timnat Seraj jallp'anpi israelitakunaqa Josuéj ayanta p'amparqanku.

Josué 24:33

Aaronpa churin kuraj kaj sacerdote Eleazarpis wañupullarqataj, ayantataj Efraín jatun aylloj jap'iyninpi, orqorara cheqapi, churin Finespa orqonpi p'amparqanku.

Jueces 12:8

Jeftéj qhepantaqa Belenmanta Ibzán sutiyojqa israelitakunaj juezninku karqa.

Jueces 17:1

Efrainpa jatun ayllu jap'iynin orqonejpi uj runa Micaía sutiyoj tiyakorqa.

Jueces 17:6

Chaypacha Israel suyupi kuraj kamachejkuna mana karqankuchu. Sapa ujpis ruwaj kanku munayninkuman jinalla.

Jueces 17:7

Uj kuti Leví jatun ayllumanta uj wayna chay cheqaman chayarqa. Pay ñawpajta Judá jatun aylloj jap'iyninpi Belén llajtapi tiyakusqa.

Jueces 17:8

Chay waynaqa Belén llajtamanta ripusqa, aswan allinpi kawsanata mask'aspa. Jinapi Efraín jatun aylloj jap'iyninpi orqo cheqanejpi Micaíaj wasinman chayarqa.

Jueces 18:1

Chaypacha Israel ayllu ukhupi mana kuraj kamachej karqachu. Dan jatun ayllojtapis manaraj jallp'an karqachu, ajinaqa maypichus tiyakunankuta mask'asharqanku.

Jueces 18:13

Chaymantataj rerqanku Efrainpa jallp'anpi orqorara cheqanejman, chayarqankutaj Micaíaj wasinman.

Jueces 19:16

Jinapis ña allin tutañaqa uj machu runa llank'akunanmanta kutimpushaspa, chayninta pasarqa. Chay machu runaqa Efrainpa orqorara cheqanejmanta karqa, chay Gabaa llajtapitaj tiyakusharqa karu llajtayoj jinalla. Chaywanpis Gabaapi tiyakojkunaqa tukuyninku Benjamín jatun ayllumanta karqanku.

Jueces 19:2

Chantá chay warmi phiñakuspa riporqa Judapi Belén llajtaman tatanpa wasinman, tawa killatataj chaypi qhepakorqa.

Jueces 21:25

Chaypachaqa Israel suyupi manaraj kuraj kamachej karqarajchu. Chayrayku sapa ujninku imatapis munasqankuman jinalla ruwaj kanku.

Jueces 3:27

Chantá Israel suyuman chayaspañaqa, Efraín orqonejpi putututa waqacherqa, israelitakunata wajyaspa. Tukuynin israelitakuna chay orqomanta urayk'amorqanku, Aodtaj ñawpaqenkuta rerqa.