Jueces 18:4 - DIOSPA QHELQACHISQ

⁴ Chantá levita kuticherqa: Kay Micaiawan uj tratota ruwarqayku, paytaj sacerdoten kanaypaj pagamanta mink'akuwan, nispa.

Qheshwa Biblia DC

⁴ Chay levitaqa kuticherqa: Micaiawan uj tratota ruwayku, payqa sacerdoten kanaypaj pagamanta mink'akuwan.

DIOSPA QHELQACHISQAN DEUTEROCANONICAL

⁴ Chantá levita kuticherqa: Kay Micaiawan uj tratota ruwarqayku, paytaj sacerdoten kanaypaj pagamanta mink'akuwan, nispa.

Jueces 18:4 ပူးပေါင်းရင်းမြစ်များ

Proverbios 28:21

Wakillanman uyata orqhonaqa mana allinchu. Chaywanpis uj chhika qolqeraykulla wakinkuna mana allin kajta ruwanku.

Isaías 56:11

Alqo jina mikhunawan mana sajsakuyta atej kanku. Paykuna michejkuna kashaspapis, mana yuyayniyoj wampu kanku. Sapa ujninku imatachá munasqankuta ruwaspa purinku. Sapa ujninku imachá paykunapaj allin kajllata mask'akunku munasqankuman jina.

Ezequiel 13:19

Qankunaqa aylluy ukhupi uj maki cebadarayku, uj chhikan t'antaraykutaj watuspa, honrayta t'akankichej. Wañunanpaj kaj runatataj kawsananta ninkichej, kawsananpaj runatataj wañunanta sut'inchankichej. Ajinata qankuna aylluyta ch'awkiyankichej, llullata sut'inchasqaykichejmanta jap'ikusqankurayku.

Malaquías 1:10

Chantá Tukuy Atiniyoj Tata Diosqa nillantaj: May sumaj kanman, sichus mayqennillaykichejpis Temploj punkunta wisq'aykunman chayqa, ama ujtawan qhasi manakajpaj altarniypi ninata jap'ichinankupaj. Qankunawanqa mana sonqo junt'asqachu kani, nitaj ofrendaykichejtapis jap'ikusajchu.

Hechos 20:33

Noqaqa mana pejpa qolqenta, qorinta, nitaj p'achanta munapayarqanichu.

1 Timoteo 3:3

Jinallataj mana machakojchu kanan tiyan, nitaj maqanakuta mask'ajchu, manachayqa llamp'u sonqoyoj, k'acha runa. Manallataj qolqemanta wañusqachu kanan tiyan.

Tito 1:11

Chay runakunata ch'inyachina tiyan, imaraykuchus paykuna Diosta qhatejkunata aylluntinta pantachinku, qolqeta jap'inankurayku manakajta yachachispa.

2 Pedro 2:3

Mana cheqanta yachachejkunaqa qolqemanta wañurisqa kaspa, tukuy imaymana llulleriyota wakichisqankuwan qankunamanta qolqeykichejta ch'uskisonqachej. Paykunapaj jasut'iyrí unaymantaña wakichisqa kashan, chinkachisqa kanankutaj patallankupiña.

Jueces 17:10

Jinapi Micaiaqa nerqa: Noqawan qhepakuy ari, sacerdotey kanaykipaj, uj tatay jinataj. Sapa wata chunka qolqeta pagasqayki. Chay jawa qollasqaykitaj p'achatawan, mikhunatawan, nispa.

Jueces 17:12

Jina Micaiaqa chay levitata sacerdotenpaj churarqa, paytaj chaypi tiyakapoj qhepakorqa.

Jueces 18:3

Micaíaj wasinman qayllashaspañaqa, chay wayna levitaj parlasqanta rejserqanku. Chayrayku levitaman qayllaykuspa, taporqanku: Pitaj kaynejman pusamusorqari? Imaraykutaj qan kaypi kashankiri? Imatataj kaypi mask'ashankiri? nispa.

Jueces 18:5

Chayta uyarispa, Danmanta jamojkuna nerqanku: Diosta tapuripuwayku kay puriyniykupi allinchus riwasqayku manachus, chayta, nispa.