Jueces 14:4 - DIOSPA QHELQACHISQ

⁴ Sansonpa tatan mamanrí mana yacharqankuchu chay tukuy ima Tata Diosmanta kasqanta, imaraykuchus Diosqa filisteokunaj contrankupi achakita mask'asharqa paykunata jasut'inanpaj. Chaypacha filisteokunaqa israelitakunata munayninkuta ruwaj kanku.

Qheshwa Biblia DC

⁴ Tatasnenqa mana yacharqankuchu, kay tukuy imasqa Señormanta jamusqanta, imaraykuchus payqa achaketa mask'asharqa filisteospa contrampi, chaypacha filisteosqa israelitasta kamachisharqanku.

DIOSPA QHELQACHISQAN DEUTEROCANONICAL

⁴ Sansonpa tatan mamanrí mana yacharqankuchu chay tukuy ima Tata Diosmanta kasqanta, imaraykuchus Diosqa filisteokunaj contrankupi achakita mask'asharqa paykunata jasut'inanpaj. Chaypacha filisteokunaqa israelitakunata munayninkuta ruwaj kanku.

Jueces 14:4 ပူးပေါင်းရင်းမြစ်များ

1 Reyes 12:15

Ajinamanta kuraj kamachej Roboanqa runakunaj mañakusqankuta mana uyarerqachu, imaraykuchus Tata Diospuni ajina kananta nisqa, Tata Dios Silomanta Ajiasnejta Nabatpa churin Jeroboanman imatachus nisqan junt'akunanpaj.

1 Reyes 12:24

Tata Dios ajinata nisunkichej: Ama israelita wawqeykichejkunaj contrankupi maqanakoj riychejchu. Sapa ujniykichej wasiykichejman kutipuychej, imaraykuchus kaytaqa noqapuni ruwani, nispa. Paykunataj Tata Diospa nisqanta kasuspa, wasinkuman kutiporqanku.

2 Reyes 6:33

Ajinata Eliseo paykunawan parlashajtillanraj, kachaqa chayamorqapacha. Chantá kuraj kamachejpa kachamusqan nerqa: Cheqapuni kay tukuy llakeyqa Tata Diosmanta jamun. Tata Dios yanapanawanchejta manaña suyaymanchu, nispa.

2 Crónicas 10:15

Kuraj kamachejqa runakunaj mañakusqankuta mana uyarerqachu, imaraykuchus Diospuni ajina kananta munarqa, imatachus Tata Diosqa Silomanta Ajiasnejta sut'inchachisqa Nabatpa churin Jeroboanman, chay junt'akunanpaj.

2 Crónicas 22:7

Tata Diospuni nisqa Ocozías kuraj kamachej Joranta waturej risqanpi wañunanta. Jezrelman chayaytawankama, Ocoziasqa Joranwan llojserqa Nimsij churin Jehuwan maqanakoj. Chaywanpis Tata Diospuni Jehuta ajllasqa Ajabpa ayllunmanta kajkunata tukuchinanpaj.

2 Crónicas 25:20

Chaywanpis Amasiasqa mana Joasta kasorqachu, Diospuni jinata wakichisqanrayku. Dios munarqa Joaspa makinman paykunata jaywaykuyta, Edom suyoj diosninkunata yupaychasqankurayku.

Salmos 115:3

Diosninchejqa janaj pachapi, paytaj imatachus munasqanta ruwan.

Daniel (hebreo) 6:4

4 (5) Chayrayku chay waj kurajkuna, jinallataj kamachejkunapis imallamantapis Danielta ch'ataykunankupaj mask'arqanku. Danielpitajrí mana ima mana allin kajtapis tarerqankuchu, allin puriyniyoj kasqanrayku, nillataj imamantapis payta ch'ataykuyta aterqankuchu.

Deuteronomio 28:48

Chayrayku Tata Dios contraykipi kachaykamususqan awqaykej wata runan kanki. Jinallataj mikhunamanta, yakumanta, p'achamanta, chantá tukuy imamanta pisichikuyta rikuspa ñak'arinki. Tata Diosqa tukukunaykikama wata runata jina sinch'i ruwanaman churasonqa.

Josué 11:20

Tata Diospuni chay llajtayojkunaj sonqonkuta rumiyacherqa, israelitakunawan maqanakoj sayaykunankupaj. Ajinata Diosqa israelitakuna mana khuyakuspa tukuyninta wañuchinankupaj ruwarqa, Tata Dios Moisesman kamachisqanman jina.

Jueces 13:1

Israelitakunaqa watej Tata Diospa mana munasqanta ruwallarqankutaj. Chayrayku Tata Diosqa paykunata filisteokunaj makinkuman tawa chunka watata jaywaykorqa.

Jueces 14:5

Chantá Sansonqa, tatan maman ima Timnatman rerqanku. Ñapis Sansón uva huertaman chayashajtinña, uj maltun león qhaparispa payman phinkiykorqa.

Jueces 15:11

Chayta uyarispa, Judá jatun ayllumanta 3.000 runakuna Etampi chhanka jusk'uman rerqanku, chaypitaj Sansonta nerqanku: Imatataj kayta ruwawaykuri? Manachu yachanki filisteokunaj makinpi kashasqanchejta? nispa. Sansonrí Judamanta chay runakunaman kuticherqa: Imaynatachus filisteokuna ruwawarqanku, jinallatataj noqapis paykunata ruwallarqanitaj, nispa.

Jueces 15:3

Sansontajrí chay sipaspa tatanman kuticherqa: Kunanqa mana juchayojchu kasaj filisteokunata imatachus ruwasaj chaymanta, nispa.