Jueces 13:3 - DIOSPA QHELQACHISQ

³ Chantá uj p'unchay Tata Diospa angelnin Manoaj warminman rikhurispa, nerqa: Qan mana wawayoj kayta atinkichu. Kunanrí wijsallikunki, jinaspataj uj qhari wawata paqarichikunki.

Qheshwa Biblia DC

³ Señorpa angelnin payman rikhurispa nerqa: Qanqa mana jayk'ajpis wawayojchu karqanki, kunanrí wijsallisqa rikhurinki, qhari wawatataj nacechikunki.

DIOSPA QHELQACHISQAN DEUTEROCANONICAL

³ Chantá uj p'unchay Tata Diospa angelnin Manoaj warminman rikhurispa, nerqa: Qan mana wawayoj kayta atinkichu. Kunanrí wijsallikunki, jinaspataj uj qhari wawata paqarichikunki.

Jueces 13:3 ပူးပေါင်းရင်းမြစ်များ

Génesis 17:16

Noqataj paytapis saminchasaj, jinataj paypipuni wawayki kanqa. Arí, payta saminchasaj, Saraj mirayninmantataj suyukuna rikhurenqanku, kuraj kamachejkuna ima, nispa.

Génesis 18:10

Chantá paykunamanta ujnin nerqa: Wataman kunanta jina kutimuspa, watukusqayki, chaypajtaj warmiyki Sara wawayojña kanqa, nispa. Saratajrí Abrahampa wasanmanta toldo punkumanta parlasqankuta uyarisharqa.

Génesis 18:14

Tata Diospaj imallapis ruway mana atina kanmanchu? Watapaj kunanta jinallataj kutimuspa, watukusqayki, chaypajtaj Sara wawayojña kanqa, nispa.

2 Reyes 4:16

Eliseotaj warmita nerqa: Wata kunanta jina, uj wawata q'epirikunki, nispa. Warmitajrí kuticherqa: Wiraqochíy, Diosmanta sut'inchaj ama ajinata nispa llullakuwaychu ari, nispa.

San Lucas 1:11

Jinallapi, Zacariasman Tukuyta Kamachej Diospa angelnin rikhurerqa incienso q'oshñichina altarpa pañannejpi sayashaj.

San Lucas 1:13

Chantá ángel payta nerqa: Zacarías, ama mancharikuychu. Mañakusqaykita Diosqa uyarinña. Warmiyki Elisabet wawayoj kanqa, paytataj Juan sutiwan sutichanki.

Jueces 13:10

Chantá warmeqa usqhayta rispa, qosanta nerqa: Qaninpa rikhuriwarqa, chay runa watejmanta rikhurillawantaj, nispa.

Jueces 13:15

Manoaqa mana yacharqachu chay runaqa Tata Diospa angelnin kasqanta. Chayrayku payta nerqa: Noqaykuwan qheparikuy. Chantá mikhunaykipaj uj chivitoj aychanta kankarqapusqayki, nispa.

Jueces 13:6

Chayta uyariytawan, warmeqa qosanman willamorqa: Uj runa Diospa angelninman rijch'akoj jamuwarqa, paytaj may mancharina karqa. Manataj taporqanichu pichus kasqanta, nitaj paypis willawarqachu.

Jueces 13:8

Chantá Manoaqa Tata Diosmanta mañakorqa: Mañarikuyki, Tukuyta Kamachej Diosníy, warmiyman kachamusqayki runata watej kachamunawaykuta. Ajinamanta pay willawasqayku imatachus ruwanaykuta, paqarinan kashan, chay qhari wawawan, nispa.

Jueces 2:1

Uj kuti Tata Diospa angelnenqa Gilgalmanta Boquín nisqa cheqaman rispa, israelitakunata nerqa: Noqaqa Egipto suyumanta orqhomorqaykichej, jinaspataj pusamorqaykichej, ñawpa tataykichejkunaman qonayta nerqani, chay jallp'akama. Chaypacha paykunata nisqani: Mana jayk'ajpis qankunawan tratoyta p'akisajchu.

Jueces 6:14

Chantá Tata Diosqa Gedeonta qhawarispa, nerqa: Chay kallpallaykiwan rispa, israelitakunata madianitakunaj makinkumanta kacharichimuy. Noqamin kachashayki, nispa.

1 Samuel 1:20

Ajinamanta Anaqa wijsallisqa rikhurerqa. Onqokunan tiempo chayamojtintaj, uj qhari wawata paqarichikorqa. Wawantataj Samuel sutiwan suticharqa, nerqataj: Kay wawata Tata Diosmanta mañakorqani, nispa.