Jueces 12:1 - DIOSPA QHELQACHISQ

¹ Chaymanta qhepanejman Efraín jatun ayllumanta runakunaqa tantaykukuspa, Jordán mayuta chimparqanku Zafón chaynejman, Jeftemantaj nerqanku: Imaraykutaj noqaykuman mana willaspalla amonitakunawan maqanakoj rerqankiri? Noqaykoqa qanwan riykuman karqa. Kunanqa chaymanta, qanta wasiykipi ruphaykuchisqayku, nispa.

Qheshwa Biblia DC

¹ Efraimpa ayllunmanta runasqa tantaykukuspa Jordán mayuta chimparqanku Zafón chaynejman, Jeftemantaj nerqanku: Imaraykutaj noqaykuman mana willaspalla amonitaswan maqanakoj rerqankiri? Noqaykoqa qanwan riykuman karqa. Kunanqa qanta wasiykitawan ruphaykuchisqayku.

DIOSPA QHELQACHISQAN DEUTEROCANONICAL

¹ Chaymanta qhepanejman Efraín jatun ayllumanta runakunaqa tantaykukuspa, Jordán mayuta chimparqanku Zafón chaynejman, Jeftemantaj nerqanku: Imaraykutaj noqaykuman mana willaspalla amonitakunawan maqanakoj rerqankiri? Noqaykoqa qanwan riykuman karqa. Kunanqa chaymanta, qanta wasiykipi ruphaykuchisqayku, nispa.

Jueces 12:1 ပူးပေါင်းရင်းမြစ်များ

Salmos 109:4

Paykunata munakojtiypis, chejnikuywan pagawanku. Chaywanpis, paykunarayku Diosmanta mañapuni.

Eclesiastés 4:4

Chantá rikullanitaj anchata llank'ana, jinataj imata ruwasqanpipis allin risqanqa runata envidiawan jap'inachisqanta. Chaypis qhasi manakajlla, wayra jap'iyta munay jinalla kasqanta repararqani.

Oseas 13:1

Efraín ayllu parlarejtenqa, Israelmanta wakin ayllukuna kharkatitej kanku, paytataj maypaj qhawaj kanku. Chaywanpis Efrainqa Baalta yupaychasqanrayku juchachakuspa wañorqa.

Marcos 3:24

Jesús nillarqataj: Sichus uj suyupi runakuna chejninakuspa t'aqanakunkuman chayqa, chay suyoqa manaña sayanmanchu, tukukunman.

San Juan 10:32

Chayta rikusparí, Jesús paykunata nerqa: Noqaqa Tataypa qowasqan atiywan sumaj ruwaykunata ruwarqani qankuna rikunaykichejpaj. Chaykunata ruwasqaymanta mayqenmantataj rumiwan ch'anqaykuyta munashawankichejri? nispa.

Santiago 3:16

Maypichá envidianaku tiyan, qhawanakupis, chaypi tukuy imaymana ch'ajwa tiyallantaj, chantá tukuy imaymana mana allin kajta ruwana ima.

Jueces 11:40

Chaymantapacha Galaadpi kay usu karqa israelitakuna ukhupi: Sapa wata sipaskuna Jeftéj ususinmanta tawa p'unchayta orqoman waqaj rej kanku.

Jueces 12:2

Jinapi Jefté kuticherqa: Noqata, chantá runaykunatawan amonitakunaqa sinch'ita churanakuwarqayku, noqataj qankunata wajyakorqaykichej. Qankunarí mana yanapawaj jamorqankichejchu.

Jueces 14:15

Tawa p'unchayninmantaj paykunaqa Sansonpa warminta nerqanku: Tapuy qosaykita chay watuchiku imatachus niyta munasqanta. Manachus chay watuchiyta sut'inchawayku chayqa, qanta, chantá tataykej aylluntawan ima ruphaykuchisqayku. Qankunaqa q'alallatachu saqerpayta munashawayku, nispa.

Jueces 15:6

Chantá filisteokunaqa tapurarqanku: Pitaj kayta ruwanri? nispa. Kuticherqankutaj: Timnat llajtayoj uj runaj tolqan Sansón sutiyoj kayta ruwarqa, imaraykuchus chay runaqa ususinta Sansonpa kawsaqenwan casaracherqa, Sansonwan casarasqaña kashajtin, nispa. Chayta yachaytawan, filisteokunaqa chay warmita, tatantawan ima ruphaykuchimorqanku.

Jueces 8:1

Efraín jatun ayllumanta kajkunaqa phiñarikuspa, Gedeonwan siminakorqanku, madianitakunawan maqanakunankupaj paykunata mana wajyachisqanrayku.