Jueces 11:11 - DIOSPA QHELQACHISQ

¹¹ Jinamanta Jefteqa Galaadmanta kurajkunawan rerqa, israelitakunataj kamachejninkupaj churarqanku. Jefterí Mispapi Tata Diospa ñawpaqenpi imatachus parlasqankuta yuyaricherqa.

Qheshwa Biblia DC

¹¹ Jinamanta Jefteqa paykunawan rerqa, Israel ayllutaj wapu kamachejninkupaj jina churarqa. Jefteqa, ñaupajpi Mizpapi Señorpa ñaupaqempi nisqanta nillarqataj.

DIOSPA QHELQACHISQAN DEUTEROCANONICAL

¹¹ Jinamanta Jefteqa Galaadmanta kurajkunawan rerqa, israelitakunataj kamachejninkupaj churarqanku. Jefterí Mispapi Tata Diospa ñawpaqenpi imatachus parlasqankuta yuyaricherqa.

Jueces 11:11 ပူးပေါင်းရင်းမြစ်များ

2 Corintios 3:5

Manataj niykumanchu noqallaykumanta imatapis ruwayta atinallaykuta, manachayqa niyku imatapis ruwanaykupaj chay ateyqa Diosmanta jamusqanta.

Santiago 1:17

Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

Santiago 1:5

Sichus qankunamanta mayqellanpis pisi yachayniyoj kanman chayqa, Diosmanta mañakuchun. Diostaj yachayta payman qonqa, imaraykuchus Diosqa tukuy mañakojkunaman mana mich'akuspa nitaj rimakuspa qon.

Josué 15:38

Dileán, Mispá, Yoctel,

Jueces 10:17

Chaypacha amonita soldadokunaqa sumajta wakichikuspa, Galaadpi jarakorqanku. Israelita soldadokunapis tantaykukuspa, Mispapi jarakorqanku.

Jueces 11:12

Chantá Jefteqa willajkunata kacharqa amonitakunaj kuraj kamachejninkuman kay jinata tapurinankupaj: Imanarqaykitaj noqa suyuypa contranpi maqanakoj jamunaykipajri? nispa.

Jueces 11:29

Chaypacha Tata Diospa Espíritun Jefteman jamorqa. Jeftetaj Galaad jallp'anejta, Manasesnejta, Galaadpi Mispanejta ima purerqa soldadokunata mask'aspa amonitakunawan maqanakunankupaj. Jinaytawantaj, Galaadpi Mispamanta amonitakunaj jap'iyninkuman soldadonkunawan yaykorqa.

Jueces 11:34

Maypachachus Jefté Mispapi wasinman kutiporqa chaypacha, uj k'ata ususin taripaj llojsimorqa panderetata tocarispa, tusurikuspataj. Pay k'ata wawanlla karqa.

Jueces 20:1

Chaypacha tukuy israelitakuna Danmantapacha Bersebakama, jinataj Galaadkama uj runa jinalla Tata Diospa ñawpaqenpi Mispá llajtapi tantaykukorqanku.

1 Samuel 10:17

Chay qhepata Samuelqa tukuy israelitakunata wajyacherqa, Mispá llajtapi Tata Diospa ñawpaqenpi tantakunankupaj.

1 Samuel 11:15

Chayrayku tukuynin israelitakuna Gilgal llajtaman kachaykukorqanku, chaypitaj Tata Diospa ñawpaqenpi Saulta kuraj kamachejninkuta jina tiyaykucherqanku. Chantá Tata Diosman allinyakuy jaywanata jaywarqanku. Saulwan, israelitakunawantaj mayta kusikorqanku.

1 Samuel 8:21

Samuelqa israelitakunaj nisqankuta uyarispa, Tata Diosman willarqa.