Jueces 11:10 - DIOSPA QHELQACHISQ

¹⁰ Chantá Galaadmanta kurajkuna tiluspa nerqanku: Tata Diosmin testigoqa. Qan kamachiwasqaykuta ruwasqaykupuni, nispa.

Qheshwa Biblia DC

¹⁰ Chay kurajkunataj ajina kananta nerqanku: Señor rikumushan, ruwasqaykutaj imaynatachus munasqaykiman jina.

DIOSPA QHELQACHISQAN DEUTEROCANONICAL

¹⁰ Chantá Galaadmanta kurajkuna tiluspa nerqanku: Tata Diosmin testigoqa. Qan kamachiwasqaykuta ruwasqaykupuni, nispa.

Jueces 11:10 ပူးပေါင်းရင်းမြစ်များ

Génesis 16:5

Jinapi Saraiqa Abramta nerqa: Agar pisipaj qhawanawanpajqa qanmin juchayoj kanki. Noqaqa payta qanman jaywarqayki warmiyki kananpaj. Kunantajrí wawayoj kananta yachaspa, noqamanta aswan kasqanta yuyakushan. Chayrayku Tata Dios nichun, qanchus chayrí noqachus juchayoj kasqanchejta, nispa.

Génesis 21:23

Chayrayku qanqa Diospa sutinpi tiluway ni ima mana allin kajta ruwanaykita noqata, ni wawaykunata, ni wawaykunaj wawankunatapis. Tilullaytaj ari allinta ruwanawaykita, noqa qanta imaynatachus ruwarqayki, ajinata. Jinallataj suyuypi tukuy tiyakojkunata allinta ruwanaykita tilullaytaj, pikunaj llajtankupichus tiyakushanki, chaykunata, nispa.

Génesis 31:50

Ichapis wawaykunata k'umuykachachiwaj, chayrí wawaykuna jawa waj warmikunata oqharikuwaj. Mana pi rikoj kajtinpis, yuyarikuy Diosllamin testigo kananta, nispa.

Génesis 31:53

Jatun tatayki Abrahampata Diosnin, jatun tatayki Najorpatawan Diosnin justiciata ruwawasunchej, nispa. Chaymanta Jacobqa, tatan Isaac pi Diostachus yupaycharqa, chay Diospa sutinpi tilorqa.

Éxodo 20:7

Ama Tata Diosniykej sutinta yanqhata oqharinkichu. Pichus sutiyta yanqhata oqharejtaqa, mana qhawakullasajchu.

Jeremías 29:23

Paykunaqa millay mana ruwanata Israelpi ruwarqanku. Runa masinkoj warminwan khuchichakorqanku, sutiypitaj llullakuspa parlarqanku, mana noqa kamachisqallayta. Chayta noqa yachani, rikunitaj. Noqa Tata Diosmin chayta nini.

Jeremías 42:5

Chaypacha paykuna Jeremiasta nerqanku: Sichus Tata Diosniyki noqaykuman qannejta imatachus nisqanta mana junt'aykumanchu chayqa, Tukuyta Kamachej Tata Diosniyki noqaykoj contraykupi cheqanta parlaj testigo kachun.

Miqueas 1:2

Tukuy runakuna, kayta uyariychej: Tukuyta Kamachej Tata Diosmin may llimphu Templonmantapacha testigo jina qankunaj contraykichejpi sayanqa.

Zacarías 5:4

Tukuy Atiyniyoj Tata Dios nin: Noqa chay maldicionta chayachimusaj, pikunachus suwanku, pikunatajchus qhasimanta sutiypi tilunku, chaykunaj wasinkuman yaykunanpaj. Kay maldiciontaj chayllapi qhepakonqa wasej kurkunkuna, jinataj ruminkunapis chinkarparichisqa kanankama, nispa.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Romanos 1:9

Noqaqa tukuy sonqo Diosta kasuni Churinmanta sumaj willayta willaspa. Paytaj yachan imaynatachus mana sayk'uspa qankunarayku mañapusqayta.

2 Corintios 11:31

Diosninchej, pichus Tukuyta Kamachej Jesucristoj Tata Diosnin wiñaypaj yupaychasqa kachun. Paytaj yachan mana llullakusqayta.

Deuteronomio 1:16

Chaypachallataj juezniykichejkunata ajinata kamacherqani: Israelita masiykichejpa tukuy quejankuta uyariychej. Sapa ujpaj cheqan justiciata ruwaychej, jinallatataj waj llajtayojkunapajpis kikillantataj ruwaychej.

Jueces 11:9

Jeftetaj paykunata nerqa: Qankuna munankichej amonitakunawan maqanakunayta, icharí? Chantá sichus Tata Dios atipayta yanapawan amonitakunata atipananchejpaj chayqa, chaymantapacha noqa kamachejniykichej kasaj, nispa.

1 Samuel 12:5

Chantá Samuelqa nillarqataj: Tata Dios yachan, jinallataj ajllakusqan kuraj kamachejpis yachallantaj, qankuna noqapi ni ima mana allintapis tarisqaykichejmanta, nispa. Israelitakunataj kuticherqanku: Ajinapuni, nispa.

1 Samuel 24:12

12 (13) Qanwan noqawan pichus juchayoj kasqanchejta Tata Dioslla nichun. Imatachus ruwawasqaykimantaqa Tata Dioslla yachachun. Chaywanpis noqaqa mana jayk'ajpis kuraj kamachejniypa contranta makiyta oqharisajchu.