Jueces 10:6 - DIOSPA QHELQACHISQ

⁶ Israelitakunaqa watej Tata Diospa contranta juchallillarqankutaj, yupaychaspa Baalman, jinataj Astarotman rijch'akoj lantikunata. Yupaychallarqankutaj Siriamanta, Sidonmanta, Moabmanta, Amonmanta lantikunata, jinataj filisteokunajpata kajkunatawan. Tata Diosmanta karunchakuspa, manaña payta kasorqankuchu.

Qheshwa Biblia DC

⁶ Israelitasqa watejmanta ruwallarqankutaj Señorpa contranta, yupaychaspa Baalman jinataj Astarteman rijch'akoj lantista, ajinallatataj Siriamanta dioskunasninkuta, Sidonmanta, Moabmanta, Amonmanta, jinataj Filisteojkunatawan. Señorta saqerparispa manaña yupaycharqankuchu.

DIOSPA QHELQACHISQAN DEUTEROCANONICAL

⁶ Israelitakunaqa watej Tata Diospa contranta juchallillarqankutaj, yupaychaspa Baalman, jinataj Astarotman rijch'akoj lantikunata. Yupaychallarqankutaj Siriamanta, Sidonmanta, Moabmanta, Amonmanta lantikunata, jinataj filisteokunajpata kajkunatawan. Tata Diosmanta karunchakuspa, manaña payta kasorqankuchu.

Jueces 10:6 ပူးပေါင်းရင်းမြစ်များ

1 Reyes 11:33

Chayta ruwasaj, imaraykuchus Salomonqa noqata saqerpariwaspa, yupaychan sidonioj diosninku Astoretta, Moabpa diosnin Quemosta, amonitakunaj diosninku Moloctawan ima. Paypa ruwasqanqa mana sonqoypa munasqanman jinachu, kamachisqayta mana kasuwarqachu, nitaj nisqayta cheqanta ruwarqachu, imaynatachus tatan David junt'arqa, jinataqa.

1 Reyes 11:5

Salomonqa sidoniokunaj diosninku Astoretta, amonitakunaj chay millay lantinku Milcontawan yupaycharqa.

1 Reyes 11:7

Chantá Salomonqa Moabpa millay lantin Quemospaj uj altarta Jerusalenpa chimpan orqopi ruwacherqa. Amonitakunaj chay millay lantinku Molocpajpis altarta ruwachillarqataj.

1 Reyes 16:31

Payqa Nabatpa churin Jeroboanpa jucha ruwasqanmantapis astawanraj juchallerqa. Casarakorqataj sidoniokunaj kuraj kamachejninku Etbaalpa ususin Jezabelwan. Chantá manaraj imapi Baal lantita yupaycharqa.

2 Reyes 17:16

Tata Diosninkoj tukuy kamachisqanta mana kasuspa, qorita unuyacherqanku. Chantá waka uñaman rijch'akoj iskay lantikunata ruwakorqanku. Asera nisqa lantikunatapis ruwakullarqankutaj. Chay jawaqa Baalta, chantá janajpi tukuy ch'askakunatawan yupaychallarqankutaj.

2 Reyes 23:13

Ajinallatataj kuraj kamachej Josiasqa Jerusalén llajtaj chimpanpi orqo patapi altarkunatapis millachikunaman tukuchillarqataj. Chantá Olivoyoj orqoj pañannejpi kaj altarkunapis millachikunaman tukuchillarqataj. Chay altarkunata Israelta kuraj kamachej Salomonqa millay lantikunata yupaychanapaj ruwachisqa, sidoniokunaj lantinku Astoretpaj, moabitakunaj lantinku Quemospaj, chantá amonitakunaj lantinku Milconpajwan ima.

2 Crónicas 28:23

Damascomanta soldadokuna atipaykusqankurayku pay yuyarqa: Siriamanta dioskunamin chay kuraj kamachejkunata yanaparqanku atipanawanchejpaj. Chayrayku noqapis uywa ñak'asqata paykunaman jaywallasajtaj yanapanawankupaj, nispa. Jinataj Ajazqa Damascopi dioskunaman uywa ñak'asqata jaywarqa. Chaywanpis chay ruwasqan yanapanantaqa, payta urmacherqa, jinataj tukuy israelitakunatapis.

Salmos 106:36

Chay runakunaj yanqha manakaj lantinkuta yupaycharqanku, chaytaj israelitakunata mana allinman chayacherqa.

Isaías 23:4

Qanrí Sidón llajta, p'enqakuy ari, mama qochapi jark'achasqa llajta, imaraykuchus mama qocha nin: Kunan mana wawayoj kashani, manañataj qhari wawata nitaj warmi wawata paqarikusajchu, nispa.

Jeremías 2:13

Aylloyqa iskay imakunata ruwaspa, juchallin: Noqa kawsaj juturi yaku jina kashajtiypis, saqerpariwarqanku. Chaymantataj paykunaqa waj qochata allakorqanku, yakuta mana sayachej qochata.

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Jeremías 32:23

Paykunataj qosqayki jallp'aman yaykuspa, dueñochakorqanku. Chaywanpis mana kasusorqankuchu nitaj kamachisqaykita junt'arqankuchu. Manallataj paykuna kamachisqaykita ruwarqankuchu. Chayraykumin kay tukuy ñak'ariykunata paykunaman kachaykamorqanki.

Ezequiel 27:16

Jinallataj Siria suyumanta kajkuna qanwan qhatuta ruwallajtaj kanku. Qanwan rukanankupaj lliphipirishaj rumikunata, pukaman tiñisqa telakunata, awakipasqa p'achakunata, chantapis sumaj linomanta kaj telakunata, coralta, rubí nisqa valorniyoj rumikunatawan apamoj kanku.

Deuteronomio 13:6

6 (7) Ichapis kikin wawqeyki, churiyki, ususiyki, munasqa warmiyki, chayrí aswan sumaj kawsaqeyki pakayllamanta nisunkiman: Jaku, waj dioskunata yupaychamunachej, mayqentachus ni qan, nitaj tatanchejkunapis rejserqankuchu, chaykunata.

Deuteronomio 13:8

8 (9) Qanrí ama chay nisqanta kasunkichu, nitaj uyarinkipischu. Ama paymanta khuyakunkichu, nitaj llakikunkichu, nillataj payta pakaykunkichu.

Deuteronomio 31:16

Chaymantá Tata Diosqa Moisesta nerqa: Qanqa wañupunkiña. Kay israelitakunarí kunan yaykonqanku, chay jallp'api waj suyukunaj diosninkukunata yupaychaspa juchallenqanku. Jinata ruwaspa, paykunaqa qonqapuwanqanku, paykunawan ruwasqay tratotataj p'akenqanku.

Deuteronomio 31:17

Ajina kasqanrayku phiñakuyneyqa paykunaj contrankuta k'ajarenqa. Paykunata saqerparisaj, manañataj qhawarisajchu. Chay chhika nanaykuna, llakiykuna ima patankuman jamojtintaj, nenqanku: Manachu kay llakiykuna manaña Diosninchej noqanchejwan kasqanrayku qhatirishawanchej? nispa.

Deuteronomio 32:15

Chaywanpis Israelqa manchayta qhapajyarqa, ruwajnin Diosmantataj qonqaporqa. Llosq'olla kanankukama wirayarqanku. Ruwajninku Diostataj qonqaporqanku, jark'akoj, qhespichejninkutataj pisipaj qhawarqanku.

Josué 13:31

Kay khuskan jatun aylluman, pikunachus Manasespa wawan Maquirpa mirayninmanta karqanku, chaykunaman Moisés Galaad jap'iypa khuskanninta qosqa. Chaytawan khuska Astarot llajtata chantá Edrey llajtatawan qollasqataj. Kay llajtakunapi Og sutiyoj kuraj kamachej kamachisqa.

Jueces 10:5

Yaír wañupojtenqa, Camón nisqa cheqapi ayanta p'amparqanku.

Jueces 11:24

Quemos diosniyki qosusqanqa manachu qanpata? Jinallataj noqaykupis Tata Diospa qowasqaykuta noqaykojtapuni kasqanta qhawayku.

Jueces 13:1

Israelitakunaqa watej Tata Diospa mana munasqanta ruwallarqankutaj. Chayrayku Tata Diosqa paykunata filisteokunaj makinkuman tawa chunka watata jaywaykorqa.

Jueces 16:23

Unay tiemponman filisteokunaj kurajninkukuna tantaykukorqanku jatun raymita ruwanankupaj Sansonta jap'isqankumanta jinataj Dagón diosninkuman uywa ñak'asqata jaywanankupajwan. Kay jinatataj takerqanku: Diosninchej jaywaykuwanchej awqanchej Sansonta, nispa.

Jueces 3:7

Israelitakunaqa Tata Diosta qonqayman churaspa, paymanta karunchakorqanku, yupaycharqankutaj Baalpa lantinkunata, Aseraj lantinkunata ima.

Jueces 4:1

Aod wañupusqanmanta qhepata, israelitakunaqa Tata Diospa contranta watejmanta juchallillarqankutaj.

Jueces 6:1

Chaymanta qhepaman israelitakunaqa watej Tata Diospa mana munasqanta ruwallarqankutaj, qanchis wata junt'atataj Tata Diosqa paykunata jaywaykorqa madianitakunaj makinkuman.

Jueces 8:33

Gedeón wañupusqanmanta qhepaman israelitakunaqa Diosmanta karunchakuyta qallarillarqankutaj, Baalpa tukuy imaymana lantinkunaman yupaychaj rispa. Baal Berit lanti nisqata diosninku kananpaj ajllakorqanku.

1 Samuel 5:2

Chantá paykunaqa Diospa arcanta diosninku Dagonpa yupaychana wasinman aparqanku, chay diosninkoj ladonmantaj churarqanku.