Jueces 10:13 - DIOSPA QHELQACHISQ

¹³ Chaywanpis qankunaqa ujtawan noqamanta karunchakorqankichej, waj dioskunata yupaychamuspa. Chayrayku noqaqa manaña ujtawan kacharichisqaykichejñachu.

Qheshwa Biblia DC

¹³ Chaywampis qankunaqa, saqerpariwarqankichej waj dioskunata rispa yupaychamunaykichejpaj, chayrayku noqaqa mana salvaykichejmanñachu.

DIOSPA QHELQACHISQAN DEUTEROCANONICAL

¹³ Chaywanpis qankunaqa ujtawan noqamanta karunchakorqankichej, waj dioskunata yupaychamuspa. Chayrayku noqaqa manaña ujtawan kacharichisqaykichejñachu.

Jueces 10:13 ပူးပေါင်းရင်းမြစ်များ

1 Crónicas 28:9

Qanrí, wawáy Salomón, tukuy sonqowan tataykej Diosninta Diosniykipaj rejsikapuy. Chantá sonqomanta munaspa, payta yupaychay, imaraykuchus Tata Diosqa tukuypa sonqonchejta qhawan, imatachus yuyasqanchejtapis yachan. Ajinaqa, sichus payta mask'anki chayqa, payta tarinki. Payta saqerpariwaj chayrí, wiñaypaj qhesachasonqa.

2 Crónicas 12:5

Kuraj kamachej Sisac maqanakoj jamusqanrayku, Roboanwan, Judá suyupi kurajkunawan ima Jerusalenpi tantasqa kasharqanku. Chantá Diosmanta sut'inchaj Semaiasqa paykunata nerqa: Tata Diosqa nisunkichej: Qankuna noqata saqerpariwasqaykichejmanta Sisacwan jap'ichisqaykichej, nispa.

2 Crónicas 15:2

Paytaj Asata taripaj rispa, nerqa: Kuraj kamachej Asa jinataj tukuy Judamanta, Benjaminmanta kajkunapis, uyariwaychej: Sichus qankuna Tata Diospi atinikunkichej chayqa, payqa qankunawanpuni kanqa. Payta mask'ankichej chaypis tarinkichejpuni. Saqenkichejtajchus chayrí, paypis saqerparillasonqachejtaj.

2 Crónicas 21:10

Chaywanpis edomitakunaqa Judáj atiyninmanta kacharichikorqanku. Chay tiempollapitaj Libna llajtapis Judáj atiyninmanta kacharichikullarqataj, imaraykuchus Joranqa ñawpa tatanpa Tata Diosninta mana qhatikorqachu.

Jeremías 2:13

Aylloyqa iskay imakunata ruwaspa, juchallin: Noqa kawsaj juturi yaku jina kashajtiypis, saqerpariwarqanku. Chaymantataj paykunaqa waj qochata allakorqanku, yakuta mana sayachej qochata.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jonás 2:8

8 (9) Lantikunata yupaychajkuna qanta wasanchasunku.

Deuteronomio 32:15

Chaywanpis Israelqa manchayta qhapajyarqa, ruwajnin Diosmantataj qonqaporqa. Llosq'olla kanankukama wirayarqanku. Ruwajninku Diostataj qonqaporqanku, jark'akoj, qhespichejninkutataj pisipaj qhawarqanku.

Jueces 10:14

Riychej, mañakamuychej ajllakusqaykichej dioskunamanta. Paykunawan kunanqa ñak'ariykunamanta kacharichikuychej, nispa.

Jueces 2:12

Paykunaqa karunchakorqanku ñawpa tatankoj yupaychasqanku Tata Diosmanta, pichus Egiptomanta paykunata orqhomusqa, chaymanta. Israelitakunaqa Canaán jallp'api tiyakojkunaj diosninkuta yupaychayta qallarerqanku, Tata Diosta sinch'ita phiñachispa.

Jueces 2:19

Juezninku wañupojtintajrí, watejmanta israelitakuna juchallillajtaj kanku, ñawpa tatankumanta astawanraj waj dioskunata qhatispa, chantá yupaychaspa ima. Manapuni t'aqakorqankuchu millayta ruwaspa kawsanamanta nitaj mana uyarikoj kanamanta.