Jueces 1:4 - DIOSPA QHELQACHISQ

^4-5 Ajinamanta Judá jatun ayllumanta kajkunaqa maqanakoj yaykorqanku cananeokunaj jallp'ankuman, jinataj ferezeokunajmanpis. Tata Diostaj Judá jatun aylluta yanaparqa maqanakupi atipanankupaj. Paykuna Bezec cheqapeqa cananeokunata chantá ferezeokunatawan 10.000 runakunata atiparqanku. Chaypi kuraj kamachej Adonibesectapis atipallarqankutaj.

Qheshwa Biblia DC

^4-5 Ajinamanta Judá ayllumanta kajkunaqa maqanakoj yaykorqanku cananeospa jallp'asninman, jinataj ferezeospamanpis, paykunatataj Señorqa makisninkuman jaywarqa. Bezecpitaj cananeosmanta ferezeosmantawan chunka waranqa runasta atiparqanku, Adonisedectaj paykunawan kasharqa.

DIOSPA QHELQACHISQAN DEUTEROCANONICAL

^4-5 Ajinamanta Judá jatun ayllumanta kajkunaqa maqanakoj yaykorqanku cananeokunaj jallp'ankuman, jinataj ferezeokunajmanpis. Tata Diostaj Judá jatun aylluta yanaparqa maqanakupi atipanankupaj. Paykuna Bezec cheqapeqa cananeokunata chantá ferezeokunatawan 10.000 runakunata atiparqanku. Chaypi kuraj kamachej Adonibesectapis atipallarqankutaj.

Jueces 1:4 ပူးပေါင်းရင်းမြစ်များ

1 Reyes 22:15

Micaías kuraj kamachejman jamojtintaj, Ajab taporqa: Micaías, Galaadmanta Ramot llajtaj contranpi maqanakoj risqaykuchu, amachu? nispa. Micaiastaj kutichispa, nerqa: Rillay, maqanakuspa chay llajtata jap'inki, imaraykuchus Tata Diosqa atipanaykipaj yanapasonqa, nispa.

1 Reyes 22:6

Chantá Israelpa kuraj kamachejnenqa Diosmanta sut'inchajkunata tawa pachajta jina tantaykorqa, chantá paykunata taporqa: Galaadmanta Ramotpa contranpi maqanakoj risajchu, amachu? nispa. Paykunataj nerqanku: Rillay, imaraykuchus Tata Diosqa chay llajtata jap'inaykipaj yanapasonqa, nispa.

Salmos 44:2

2 (3) Qanmin makiykiwan qanta mana manchachikoj runakunata wijch'orqanki. Chay suyupi tiyakojkunata sarorqanki, tataykukunatataj chayman churarqanki.

Salmos 78:55

Diosqa chaypi tiyakoj runakunata israelitakunaj ñawpaqenkumanta wijch'orqa, chay jallp'atataj Israelpa ayllunkunaman chayaqeta jina rak'irarqa. Chantá paykunata toldonkupi tiyaracherqa.

Deuteronomio 7:2

Maypachachus Tata Diosniykichej, chay suyukunata atipanaykichejpaj makiykichejman jaywasonqachej chaypacha, paykunata kantumanta wañuchinkichej. Amapuni paykunawan ni ima tratota ruwankichejchu, nitaj khuyarikullankichejpischu.

Deuteronomio 9:3

Chaywanpis qankuna yachankichej Tata Diosniykichejqa qankunaj ñawpaqeykichejta rinanta. Payqa ruphaj nina jina ñawpaqeykichejpi chay suyukunapi tiyakojkunata k'umuykuchispa, chinkachenqa. Qankunaqa Tata Dios kamachisusqaykichejman jina, paykunata wijch'unkichej, chantá uj ñawi ch'irmiyllapi tukuchinkichej.

Jueces 1:3

Chaypacha Judá jatun ayllumanta kajkunaqa Simeón jatun ayllumanta kaj wawqenkuta nerqanku: Yanapawayku cananeokunawan maqanakuyta, pikunachus tiyashanku noqaykuman qosqa jallp'api, chaykunawan. Chaymantataj noqaykupis qankunaman qosqa jallp'aykichejta jap'iyta yanapasqayku, nispa. Jinapi Simeón jatun ayllumanta kajkunaqa Judá jatun ayllumanta kajkunawan khuska maqanakuman rerqanku.

Jueces 11:32

Chaypacha Jefteqa soldadonkunawan amonitakunaj jap'iyninman yaykorqa paykunawan maqanakoj, Tata Diostaj amonitakunata atipaykucherqa.

Jueces 3:5

Jinamanta israelitakunaqa tiyakorqanku cananeokunawan, jititakunawan, amorreokunawan, ferezeokunawan, heveokunawan, jebuseokunawan ima.

1 Samuel 11:8

Chantá Saulqa Bezecpi tantakoj runakunata yuparqa: Israel jap'iymanta 300.000 karqanku, Judá jap'iymantataj 30.000 karqanku.

1 Samuel 14:10

Sitajchus niwasun: Jamuychej, nispa chayqa, risunchej. Ajinapi yachasun Tata Dios paykunata atipaykunanchejpaj jaywaykuwasqanchejta, nispa.

1 Samuel 14:6

Chantá Jonatanqa armanta apaykachapoj kamachinta nerqa: Jaku, Diosta mana manchachikoj runakunaman rinachej. Ichapis Tata Diosqa noqanchejnejta imatapis ruwanman. Paypajqa ashkha runawanpis, chayrí pisiwanpis atipaykuyta yanapanawanchej atikullan, nispa.