Jueces 1:27 - DIOSPA QHELQACHISQ

²⁷ Manasés jatun ayllumanta kajkunaqa kay llajtakunapi tiyakojkunata mana wijch'uyta aterqankuchu: Bet Seanmanta, Tanacmanta, Dormanta, Ibleammanta, Meguidomanta ima, nillataj chay qayllakunapi juch'uy llajtakunamantapis. Chayrayku cananeokunaqa paykunawan khuska tiyakullarqankupuni.

Qheshwa Biblia DC

²⁷ Manasespa ayllunmanta kajkunaqa mana aterqankuchu wijch'uyta kay llajtasmanta: Bet-seanmanta, Taanacmanta, Dormanta, Ibleammanta, Meguidomanta ima, nillataj chay qayllasnimpi kajkuna ranchosninmantapis.

DIOSPA QHELQACHISQAN DEUTEROCANONICAL

²⁷ Manasés jatun ayllumanta kajkunaqa kay llajtakunapi tiyakojkunata mana wijch'uyta aterqankuchu: Bet Seanmanta, Tanacmanta, Dormanta, Ibleammanta, Meguidomanta ima, nillataj chay qayllakunapi juch'uy llajtakunamantapis. Chayrayku cananeokunaqa paykunawan khuska tiyakullarqankupuni.

Jueces 1:27 ပူးပေါင်းရင်းမြစ်များ

1 Reyes 9:21

Chaykunaj mirayninkumanta chay jallp'api qhepakojkuna, mayqenkunatachus israelitakunaqa mana tukuchiyta atisqankuchu, chay tukuyninkuta Salomón sinch'i ruwanaman churarqa, kunankamataj ajinallapuni kashan.

2 Reyes 23:29

Josías kamachishajtin chaypachataj, Egipto suyuta kuraj kamachej faraón Necao Éufrates mayu qayllaman llojsimorqa Asiria suyuta kuraj kamachejta yanapananpaj. Kuraj kamachej Josiastajrí paywan maqanakoj Meguidoman rerqa. Necaotaj Josiaswan tinkuytawankama, wañucherqa.

2 Reyes 9:27

Judá suyuta kuraj kamachej Ocoziastajrí imachus kashasqanta rikuspa, Bet Hagán llajtaman rej ñannejta ayqekorqa. Chantá Jehú payta qhatiykuspa, soldadonkunata nerqa: Paytapis wañuchillaychejtaj, nispa. Ocozías Ibleam llajta qayllapi, Gur sutiyoj wichayta carretanpi ayqeshajtin, paykuna arcowan flechaspa, parti wañusqata saqerparerqanku. Ocoziastaj Meguido llajtaman ayqekuspa, chaypi wañorqa.

Éxodo 23:32

Ama paykunawanqa ni ima tratota ruwankichejchu, nitaj diosninkuwanpis.

Jeremías 48:10

Maldicisqa kachun pichus mana tukuy sonqowan Tata Diospa kamachisqanta ruwajqa. Maldicisqallataj kachun pichus maqanakuman mana yaykuyta munajqa.

Deuteronomio 7:2

Maypachachus Tata Diosniykichej, chay suyukunata atipanaykichejpaj makiykichejman jaywasonqachej chaypacha, paykunata kantumanta wañuchinkichej. Amapuni paykunawan ni ima tratota ruwankichejchu, nitaj khuyarikullankichejpischu.

Josué 21:25

Manasés khuskan jatun ayllupitaj kay llajtakunata qorqanku: Tanacta, chantá Gat Rimonta ima, chaykunatapis uywa michinantinta qorqanku.

Jueces 1:1

Josué wañupusqanmanta qhepata, israelitakuna Tata Diosta tapukorqanku: Mayqen jatun ayllurajtaj ñawpajta cananeokunawan maqanakoj renqari? nispa.

Jueces 1:21

Jinapis Benjamín jatun ayllumanta kajkunaqa Jerusalén llajtamanta mana wijch'orqankuchu chaypi tiyakoj jebuseokunata. Chayraykumari kunan p'unchaykama Jerusalenpi khuska jebuseokuna Benjamín jatun ayllumanta kajkunawan tiyakushanku.

Jueces 1:26

Chaymanta qhepamantaj chay runaqa jititakunaj jallp'ankuman ripuspa, chaypi mosoj llajtata jataricherqa, chay llajtataj Luz sutiwan sutichasqa. Chay sutiwantaj kunankama rejsisqa kashan.

Jueces 1:28

Israelitakuna astawan kallpachakuspa, chay cananeokunataqa sinch'i ruwanaman churarqanku. Chaywanpis manapuni paykunata wijch'uyta aterqankuchu.

Jueces 5:19

Chaypacha cananeokunaj kuraj kamachejninkukunaqa maqanakoj jamorqanku Tanac llajtaman, Meguido juturi qayllaman. Chaywanpis mana aterqankuchu qolqeta, nitaj ni imatapis apakapuyta.

1 Samuel 15:9

Chaywanpis Saúl, jinataj soldadonkuna ima kuraj kamachej Agagta mana wañucherqankuchu, nillataj sumachaj ovejakunata, torokunata, wira torillokunata, nitaj corderokunatapis wañucherqankuchu. Nillataj sumachaj kaj imakunatapis phirerqankuchu. Imatachus phirirarqanku, chaykunaqa mana walej, mana valorniyoj karqa.

1 Samuel 31:10

Saulpa armankunata Astarot sutiyoj diosta yupaychananku wasiman churarqanku, ayantataj Betsán llajtaj perqaman warkhorqanku.