San Juan 9:31 - DIOSPA QHELQACHISQ

³¹ Tukuy yachanchej Diosqa juchasapakunata mana uyarisqanta. Aswanpis pikunachus Diosta may jatun respetowan qhawanku, chantá munasqantataj ruwanku, chaykunallata Dios uyarin.

Qheshwa Biblia DC

³¹ Allinta yachaychej, Diosqa juchasapasta mana uyarisqanta. Pichus Diosta yupaychan, munaynintataj ruwan, chayta pay uyarin.

DIOSPA QHELQACHISQAN DEUTEROCANONICAL

³¹ Tukuy yachanchej Diosqa juchasapakunata mana uyarisqanta. Aswanpis pikunachus Diosta may jatun respetowan qhawanku, chantá munasqantataj ruwanku, chaykunallata Dios uyarin.

Quechua South Bolivia: Dios Parlapawanchej

³¹ Yachanchej Dioska mana uyariskanta juchasapastaka. Manachayrí payta yupaychajta munayninta ruwajtataj Dioska uyarin.

San Juan 9:31 ပူးပေါင်းရင်းမြစ်များ

Génesis 19:29

Ajinata Diosqa, maypichus Lot tiyakorqa, chay vallepi llajtakunata chinkarparicherqa. Chaywanpis Abrahammanta yuyarikuspa, chinkarparichinan karqa, chay llajtakunamanta Lotta orqhorqa.

Génesis 20:7

Kunanqa chay warmita qosanman kutichipuy, imaraykuchus payqa noqamanta sut'inchajmin. Paytaj kawsanaykipaj qanrayku noqamanta mañapusonqa. Warmintachus mana kutichipunki chayrí, qan, chantá tukuy qanpata kajkuna ima wañunkichejpuni, nispa.

Job 35:12

Sarunchasqa kajkunaqa qhaparikunku, Diostajrí mana uyarinchu, imaraykuchus paykuna millayta ruwaspa purejkuna kanku, jatunchakojkunataj.

Job 35:13

Diosqa qhasi manakaj mañakusqankuta mana uyarinchu, Tukuy Atiyniyoj Diostaj mana kasuta ruwanchu.

Job 42:8

Kunanqa qanchis torillota, qanchis carnerotawan qhatiriykukuspa, kamachiy Jobman riychej. Chantá chay uywakunata q'olachispa, juchaykichej pampachasqa kananpaj noqaman jaywawaychej. Kamachiy Jobtaj qankunarayku noqamanta mañapusonqachej, noqataj uyarisaj. Jinamanta mana allinta noqamanta parlasqaykichejta pampachasaj. Qankunaqa mana kamachiy Job jinachu noqamanta cheqanta parlarqankichej, nispa.

Salmos 106:23

Chayrayku Dios nerqa: Paykunata tukuchisaj, nispa. Ajllakusqan Moisés paykunarayku mañapojtintajrí, Tata Diospa phiñakuynin tiyaykorqa. Ajinata ruwaspa, Moisesqa israelitakunata Tata Dios chinkarparichinanmanta jark'arqa.

Salmos 143:10

Munasqaykita ruwayta yachachiway, imaraykuchus qanmin Diosniy kanki. Qanpa sumaj Espirituyki allin kajta ruwanaman pusawachun.

Salmos 145:19

Payqa payta yupaychajkunaj munasqankuta junt'an. Yanapananta mañakojtinkupis, uyarispa yanapan.

Salmos 18:41

41 (42) Yanapanankuta mañakorqanku, nitaj pipis paykunata yanaparqachu. Tata Diosta wajyakorqanku, paytajrí mana uyarerqachu.

Salmos 40:8

8 (9) Diosníy, munasqaykita ruwaspa kusikuni, yachachiwasqaykitaj sonqoypi kashan, nispa.

Salmos 99:6

Moiseswan, Aaronwan sacerdotenkuna karqanku. Samuelpis Diospa sutinta oqharejkunawan khuska yupasqa karqa. Paykuna Tata Diosmanta mañakoj kanku, paytaj mañakusqankuta uyarej.

Proverbios 15:29

Tata Diosqa mana allinta ruwaj runakunamanta karunchakun. Cheqan runakunaj mañakusqankutarí tukuy sonqo uyarin.

Proverbios 21:13

Sichus pipis wajcha runakunaj mañakusqankuta mana uyarin chayqa, paypa mañakusqanpis manallataj uyarisqachu kanqa.

Proverbios 28:9

Sichus pipis Diospa kamachisqanta uyariyta mana munanchu chayqa, Diospis chay runaj mañakusqanta manallataj uyarenqachu.

Isaías 1:15

Qankuna mañakunawaykichejpaj makiykichejta oqharejtiykichej, mana qhawarisqaykichejchu. Ashkha kutita mañakuwankichej chaypis, noqa manapuni uyarisqaykichejchu, imaraykuchus makiykichejqa yawarlla.

Isaías 58:9

Chantá Tata Diosman qhaparikojtiykichej, pay uyarisonqachej. Paymanta mañakojtiykichejpis, nimusonqachej: Kaypi kashani, nispa. Wasiykichejpi ñak'arichiy amaña kachunchu, nitaj chejninakuy, nillataj qhasimanta tumpay.

Jeremías 11:11

Chayrayku noqa Tata Dios nini: Uj jatun ñak'ariyta paykunaman kachaykamusaj, chaymantataj mana ayqeyta atenqankuchu. May jinata yanapanayta qhaparikamuwajtinkupis, manapuni uyarisajchu.

Jeremías 14:12

Ayunaspa mañakuwajtinkupis, mana uyarisajchu. Uywa ñak'asqa q'olachinata apamuwajtinkupis, jinataj poqoykunamanta jaywanata ima, manapuni tukuy sonqochu jap'ikusaj. Manachayqa paykunata maqanakupi tukuchisaj, yarqhaywan, onqoywan ima, nispa.

Jeremías 15:1

Tata Dios niwarqa: Sichus Moiseswan, Samuelwanpis kay aylluyrayku mañakuwankuman chaypis, manapuni kay runakunamanta khuyakuymanchu. Kay runakunata ñawpaqeymanta qharqoy. Maymanpis ripuchunku.

Ezequiel 8:18

Chayrayku sinch'i phiñakuyniywan paykunata jasut'isaj. Paykunamantaqa mana uj chhikallantapis khuyakusajchu, nillataj paykunata saminchasajchu. Jatunmanta qhaparispapis wajyakuwachunku, noqaqa paykunata manapuni uyarisajchu, nispa nerqa Tata Dios.

Miqueas 3:4

Chaywanpis uj p'unchay qankuna Tata Diosta qhaparikunkichej, paytajrí mana uyarisonqachejchu. Chaypacha qankunamanta pay pakakonqa, millayta ruwasqaykichejrayku.

Zacarías 7:13

Paykunata wajyashajtiy, mana uyariwayta munarqankuchu. Ajinallatataj qhaparikamuwajtinku, noqapis mana paykunata uyarisajchu.

San Juan 11:22

Chaywanpis noqa yachani, imatachus Diosmanta mañakunki, chayta pay qosunanta, nispa.

San Juan 15:16

Mana qankunachu ajllawarqankichej, aswanpis noqa qankunata ajllarqaykichej. Chantá churarqaykichej, rispa ashkha poqoyniyoj yura jina kanaykichejpaj, chay ruwasqaykichejtaj unaypaj kananpaj. Ajinamanta tukuy imatachus noqaj sutiypi Tata Diosmanta mañakusqaykichejta pay qosonqachej.

San Juan 4:34

Jesustaj paykunata nerqa: Mikhunayqa Kachamuwaj Diospa munasqanta ruwanay, imatachus ruwanantataj tukuychanay.

San Juan 7:17

Pichus Diospa munasqanta ruwayta munajqa, yachachisqay Diosmantachus, chayrí noqallamantachus kasqanta yachanqa.

San Juan 9:30

Chantá manaña ñawsachu karqa, chay runa nerqa: Qankuna maymantachus chay runa kasqanta mana yachasqaykichejqa t'ukuna. Chaywanpis pay noqaj ñawiyta qhawaricherqa.

San Juan 9:32

Mana jayk'ajpis uyarikorqachu ñawsapuni paqarejpa ñawinta pipis qhawarichisqan.

Deuteronomio 1:45

Chaymanta kutimuspataj, qankuna Tata Diospa ñawpaqenpi mayta waqarqankichej. Tata Diostajrí waqasqaykichejta mana uyarisorqachejchu.

Hebreos 10:7

Chayrayku nerqani: Kaypi kashani, Diosníy, munasqaykiman jina ruwanaypaj, imaynachus noqamanta p'anqapi qhelqasqa kashan, chayman jina, nispa.