San Juan 7:12 - DIOSPA QHELQACHISQ

¹² Runakunapis Jesusmanta tukuy imaymanata parlashallarqankutaj. Wakin nerqanku: Chay runaqa manchay k'acha, nispa. Wakintaj nerqanku: Mana, chay runaqa mana allinchu, imaraykuchus ashkha runata q'otiyashan, nispa.

Qheshwa Biblia DC

¹² Chay runa ukhupitaj Jesusmanta parlasharqanku. Wakin nerqanku: May k'acha chay runaqa. Wakintaj nerqanku: Mana allinchu, imaraykuchus ashkha runasta ch'aukiyashan.

DIOSPA QHELQACHISQAN DEUTEROCANONICAL

¹² Runakunapis Jesusmanta tukuy imaymanata parlashallarqankutaj. Wakin nerqanku: Chay runaqa manchay k'acha, nispa. Wakintaj nerqanku: Mana, chay runaqa mana allinchu, imaraykuchus ashkha runata q'otiyashan, nispa.

Quechua South Bolivia: Dios Parlapawanchej

¹² Jatun p'unchaypaj chay ashqha jamojcunataj Jesusmanta mayta chhichinacusharkancu. Ujcuna nisharkancu: “Payka c'acha runa”, nispa. Waquinrí nisharkancu: “Mana c'achachu. Runasta pantachejmin payka”, nispa.

San Juan 7:12 ပူးပေါင်းရင်းမြစ်များ

San Mateo 10:25

Yachakojpajqa walej yachachejnin jina kanan, wata runapajpis patronnin jina kanan. Jinallataj, noqatachus Beelzebú sutiwan sutichawanku chayqa, imatarajchus qankunata sutichasonqachej, nispa. Ajinata Jesús kachankunata nerqa.

San Mateo 21:46

Chayrayku payta presochayta munarqanku. Chaywanpis runakunata manchachikuspa, Jesusta mana imanayta aterqankuchu, imaraykuchus runakunaqa Diosmanta sut'inchaj kasqanta yuyarqanku.

San Mateo 27:63

nerqanku: Wiraqochi, chay ch'awka runa kawsashasparaj imatachus nisqanta yuyarikuyku. Pay nerqa: Kinsa p'unchaymanta kawsarimpusaj, nispa.

San Lucas 18:19

Jesustaj nerqa: Imaraykutaj K'acha Yachachej niwankiri? Mana pipis k'achaqa kanchu, manachayqa Dioslla.

San Lucas 23:47

Chantá soldadokunaj capitanninku chayta rikuspa, Diosta jatuncharqa: Kay runaqa cheqan runapuni karqa, nispa.

San Lucas 23:50

Chaypitaj José sutiyoj uj runa karqa, Judeapi Arimatea llajtamanta. Pay k'acha runa karqa, cheqantaj, jinataj judiokunaj Jatun Juntankumanta ujnin.

San Lucas 6:45

Jinallataj sumaj runaqa allinta parlan, imaraykuchus sonqonqa allin imakunawan junt'a kashan. Millay runarí mana allin kajta parlan, imaraykuchus sonqonqa mana allinkunawan junt'a. Imawanchus runaj sonqon junt'a kashan, chayman jina parlan.

San Lucas 7:16

Chayta rikuspa, tukuyninku mancharikorqanku, Diostataj kay jinata jatuncharqanku: Diosmanta may atiyniyoj uj sut'inchaj noqanchejmanta sayarin, nispa. Wajkunataj nerqanku: Diosqa ajinata ayllunta yanapaj jamun, nispa.

San Juan 6:14

Mikhojkunatajrí, Jesús runaj mana jayk'aj rikusqan t'ukuna ruwasqanta rikuspa, nerqanku: Cheqapuni kay runaqa Diosmanta sut'inchaj, pichus kay pachaman jamunan karqa, chay, nispa.

San Juan 7:32

Fariseokunaqa uyarerqanku runakuna Jesusmanta ajinata chhichinakushasqankuta. Chayrayku paykuna, kuraj kaj sacerdotekuna ima Jesusta jap'inankupaj Templota qhawaj soldadokunata kacharqanku.

San Juan 7:47

Fariseokunarí Templota qhawajkunata nerqanku: Qankunapis chay runawan q'otiyachikullankichejtajchu?

San Juan 7:52

Chay nisqanmantatajrí fariseo masinkuna kuticherqanku: Qanpis Galileamantachu kanki? Diospa Qhelqachisqanta allinta qhaway ari, chantá qan yachanki: Mana jayk'ajpis Diosmanta sut'inchaj Galileamanta rikhurimunchu, nispa.

San Juan 9:16

Chaypacha wakin fariseokuna nerqanku: Chayta ruwaj runataqa mana Dioschu kachamunman, imaraykuchus pay samarina p'unchayta mana respetanchu, nispa. Wakintajrí nisharqanku: Imaynatataj juchasapa runa chay jina t'ukunata ruwanmanri? nispa. Ajinata paykunaqa ujtataj ujtataj parlasharqanku.

Hechos 11:24

Bernabeqa k'acha runa karqa, Santo Espíritoj kamachiyninpi purej, jinallataj Jesuspi sinch'ita atinikorqa. Chayrayku Jesusmanta willasqannejta ashkha runakuna Jesuspi atinikorqanku.

Romanos 5:7

Sut'ita parlaspa nisunman, mana pipis waj runarayku wañullanmanchu, chay runa cheqan runa kashajtinpis. Ichapis wañuyta atinman, pichus tukuypaj ancha k'acha runa kanman, chayrayku.

Filipenses 2:14

Chantá tukuy imata ruwaychej ama thutuspa, nitaj churanakuspa,