San Juan 6:63 - DIOSPA QHELQACHISQ

⁶³ Diospa Espiritullan wiñay kawsayta qon. Runarí atisqanta ruwashaspapis, mana ni imatapis tarinmanchu. Qankunaman nisqay simikunaqa Diospa Espiritunmanta jamun, kawsaytataj qon.

Qheshwa Biblia DC

⁶³ Espiritoqa kausachin, aychaqa mana imapaj walejchu. Noqa parlaykichej chay palabrasneyqa espiritumin, kausaytaj.

DIOSPA QHELQACHISQAN DEUTEROCANONICAL

⁶³ Diospa Espiritullan wiñay kawsayta qon. Runarí atisqanta ruwashaspapis, mana ni imatapis tarinmanchu. Qankunaman nisqay simikunaqa Diospa Espiritunmanta jamun, kawsaytataj qon.

Quechua South Bolivia: Dios Parlapawanchej

⁶³ Diospa Espiritullan causayta kon, manamin runaka atiyniyojchu chayta ruwananpajka. Cay palabras noka kancunaman niskayrí Santo Espiritumantamin. Chayraycu niskasniy causayta kon.

San Juan 6:63 ပူးပေါင်းရင်းမြစ်များ

Génesis 2:7

Chantá Tata Dios runata jallp'amanta ruwarqa, senqanmantaj kawsay samayta samaykorqa. Ajinamanta runaqa kawsajman tukorqa.

Salmos 119:130

Qanpa simi nisqaykej yachachisqanqa k'anchay jina, llamp'u sonqoyojkunamantaj yachayta qon.

Salmos 119:50

Kaymin llakiyniypi sonqochawan. Nisqaykeqa kallpachawan.

Salmos 119:93

Kamachisqaykimanta mana jayk'ajpis qonqasajchu, imaraykuchus chaykunawanmin kawsachiwarqanki.

Proverbios 4:13

Yachachisusqaymanta ch'ipakuy, amataj qonqayman churaychu. Chay nisqayman jina ruway, imaraykuchus chaymin kawsanaykeqa.

San Juan 5:21

Imaynatachus Tata Dios wañusqakunata kawsarichispa, kawsayta paykunaman qon, ajinallatataj Churinpis, pikunamanchá kawsayta qoyta munan, chaykunaman qon.

San Juan 6:68

Chantá Simón Pedro kuticherqa: Wiraqochi, pimantaj riyta atiykumanri? Qanpa parlasqaykeqa wiñay kawsayman pusawayku.

Hechos 5:20

Temploman riychej, chaypitaj runakunaman kay mosoj kawsaymanta willaychej, nispa.

Romanos 10:17

Ajinaqa runakuna Jesuspi atinikunku, maypachachus Jesucristomanta sumaj willayta uyarispa jap'ikunku, chaypacha.

Romanos 2:25

Uyariway, ujta nisqayki: Moisespa kamachisqanta kasojtiyki, circuncisionqa allinpaj kasunki. Jinapis sichus kamachisqata p'akinki chayqa, circuncidasqa kasqaykeqa qhasi manakajlla.

Romanos 8:2

Jinallataj qankuna Cristoman ujchasqa kasqaykichejrayku kawsayta qoj Santo Espíritu jatun atiyninwan juchaj atiyninmanta, chantá wañuypa atiyninmanta ima kacharichisorqachej.

1 Corintios 15:45

Ajinaqa Diospa Qhelqachisqanpi nin: Ñawpaj kaj runa Adanqa kawsaj runa ruwasqa karqa, nispa. Qhepa kaj Adanrí kawsayta qoj Espiritumin karqa.

Gálatas 5:25

Noqanchej Santo Espíritoj kawsachisqan kasqanchejrayku, Santo Espíritu pusaykachanawanchejta saqena.

Gálatas 5:6

Cristo Jesuspi atinikusqanchejrayku circuncidasqa kay chayrí mana circuncidasqa kaypis mana ni imapi yanapawanchejchu. Aswanqa Jesucristopi atinikuylla valen, chaytaj wajkunata munakuyta yanapawanchej.

Gálatas 6:15

Chayrayku circuncidasqa kana, chayrí mana circuncidasqa kana yanqhalla. Manachayqa mosoj runaman tukuchisqa kaymin aswanqa.

Deuteronomio 32:47

Kay nisqayqa mana qhasi manakajllachu, imaraykuchus kawsanaykichejqa chaymanta kashan. Sichus qankuna kasunkichej chayqa, kunan Jordán mayu chimpapi jap'inkichej chay jallp'api, unayta kawsankichej, nispa.

1 Tesalonicenses 2:13

Chayrayku noqaykupis mana sayk'uspa Diosta pachis nillaykupuni, imaraykuchus Diospa willayninta qankunaman willajtiyku, tukuy sonqo jap'ikorqankichej, mana runaj parlasqanta jinachu, manachayqa Diospa nisqanta jina. Chayqa Diospa nisqanpuni, kunantaj qankuna Jesuspi atinikojkunapi imachus ruwananta ruwashan.

1 Timoteo 4:8

Ukhunchejta kuyuchinaqa ukhunchej qhalilla kananpaj yanapan. Chaywanpis Diosta kasuspa purinapaj yachakunaqa aswan sumajraj, imaraykuchus chayqa kay kawsaypaj, jinataj jamoj kawsaypajpis allinninchejpaj kashan.

Hebreos 13:9

Chayrayku ama kunallanraj rikhurimoj yachachiykunawan, nitaj waj jina yachachiykunawan sonqoykichejta suwachikuychejchu. Aswan allinmin sonqoykichejpi Diospa qhasilla k'acha yanapayninwan kallpachasqa kanaykichej, imatachus mikhunamanta, chayrí mana mikhunamanta kamachisqakunata kasunaykichejmanta nisqaqa. Chaykunaqa mana jayk'aj yanapankuchu chay kamachisqakunata kasojkunata.

Hebreos 4:12

Diospa simi nisqanqa kawsayniyoj, atiyniyojtaj, puraj filoyoj espadamantapis aswan filochasqa. Ajinaqa Diospa simi nisqan runaj sonqon ukhukamapuni chayan. Jinallataj runaj yuyasqanta, sonqonpi imatachus munasqantapis sut'ita sut'inchan, allinchus manachus kasqanta.

Santiago 1:18

Payllataj munasqanrayku cheqan nisqannejta kawsayta qowarqanchej, tukuy imatachus ruwasqanmanta noqanchej ñawpaj kaj poqoy jina kananchejpaj.

1 Pedro 1:23

Qankuna watejmanta paqarerqankichej, mana wañoj tata mamamantachu. Manachayqa mana jayk'aj wañojmanta paqarerqankichej, chaytaj Diospa wiñay wiñaypaj kawsaj simi nisqannejta.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

1 Pedro 3:21

Chay tukoyqa bautismowan ninakun. Bautismoqa mana ukhunchejpa ch'ichinta mayllanchu. Aswanpis noqanchej chaynejta Diospa ñawpaqenpi llimphu sonqo kayta munasqanchejta nishanchej. Kunantaj Diosqa Jesucristoj kawsarimpusqannejta qhespichiwanchej.