San Juan 6:39 - DIOSPA QHELQACHISQ

³⁹ Kachamuwaj Tata Diosqa munan tukuy qowasqan runakunamanta mana ujllatapis chinkachinayta. Pay munallantaj kay pachaj tukukuynin p'unchaypi noqa paykunata wañusqamanta kawsarichinayta.

Qheshwa Biblia DC

³⁹ Kachamuwajniypa munaynintaj kay jina kashan: Tukuy paypa qowasqanta mana ujtapis chinkachinaychu tiyan. Kay mundoj tukukuynin p'unchaypitaj, payta wañusqamanta kausarichimusaj.

DIOSPA QHELQACHISQAN DEUTEROCANONICAL

³⁹ Kachamuwaj Tata Diosqa munan tukuy qowasqan runakunamanta mana ujllatapis chinkachinayta. Pay munallantaj kay pachaj tukukuynin p'unchaypi noqa paykunata wañusqamanta kawsarichinayta.

Quechua South Bolivia: Dios Parlapawanchej

³⁹ Cachamuwajniypa munaynenka, tucuy kowaskan runasmanta ni uj chincapunan; manachayrí khepa p'unchaypi paycunata causarichimunay.

San Juan 6:39 ပူးပေါင်းရင်းမြစ်များ

Jeremías 23:4

Chantá waj michejkunata paykunata michinankupaj churasaj, ovejaykunataj mana manchachikonqankuchu, nitaj ni ujpis chinkanqachu. Noqa Tata Diosmin chayta nini.

San Mateo 10:15

Noqataj sut'ita niykichej: Juicio p'unchaypeqa chay llajtayojkunapaj aswan ñak'ariy kanqa, Sodomapi, Gomorrapi tiyakojkunamanta nisqaqa, astawanraj, nispa.

San Mateo 18:14

Ajinallatataj, janaj pachapi kashaj Tata Diosniykichej mana munanchu ujllapis kay juch'uykunamanta chinkananta.

San Lucas 12:32

Qankuna pisi t'aqa oveja jinalla kaspapis, ama manchachikuychejchu, imaraykuchus Tataykichej kamachishaspa, mayta munan paywan khuska kamachinaykichejta.

San Juan 12:48

Pichus noqata pisipaj qhawawaspa parlasqayta mana kasojtaqa juchachajmin tiyan. Cheqa kajta parlasqaymin kay pachaj tukukuynin p'unchaypi payta juchachanqa.

San Juan 17:12

Kay pachapi paykunawan kashaspaqa, noqa atiyniykiwan paykunata waqaycharqani, pikunatachus qowarqanki, chaykunata. Manataj mayqenpis chinkarqachu, manachayqa chinkananpaj churasqa kajlla, ajinamanta Diospa Qhelqachisqan junt'akunanpaj.

San Juan 17:2

Churiykiman qan atiyta qorqanki, tukuy runata kamachinanpaj, wiñay kawsaytataj qonanpaj, pikunatachus payman qorqanki, chaykunaman.

San Juan 17:24

Tatáy, munani qowasqayki kajkuna, maypichus noqa kasaj, chaypi noqawan kanankuta. Chaypacha qowasqayki jatun kayniypa lliphipiyninta rikuyta atenqanku, imaraykuchus manaraj kay pacha ruwasqa kashajtin, qan munakuwarqanki.

San Juan 17:6

Kay pachamanta qowasqayki runakunaman noqa pichus kasqaykita rejsicherqani. Paykuna qanpatapuni karqanku, qopuwarqankitaj, paykunataj nisqaykita kasorqanku.

San Juan 17:9

Noqaqa mana pikunachus noqapi mana atinikuyta munajkunaraykuchu mañakuyki, manachayqa pikunatachus qan qowarqanki, chaykunaraykulla, imaraykuchus paykunaqa qanpata kanku.

San Juan 18:9

Ajina karqa Jesuspa kay nisqan junt'akunanpaj: Tatáy, pikunatachus qowarqanki, chaykunamanta mana ujtapis chinkacherqanichu, nispa.

San Juan 5:28

Ama kay nisqaymanta t'ukuychejchu. Uj p'unchay chayamonqa, chaypachataj tukuy wañusqakuna Runaj Churinpa parlasqanta uyarenqanku.

San Juan 6:37

Chaywanpis Tataypa tukuy qowasqan runakuna noqaman jamonqanku, noqataj pikunachus noqaman jamojkunata mana qhesachasajchu.

San Juan 6:40

Tatayqa munan pillapis Churinta qhawaspa paypi atinikojqa wiñay kawsayniyoj kananta. Chantá noqa kikiy qhepa kaj p'unchaypi chay runata wañusqamanta kawsarichisaj, nispa.

San Juan 6:44

Mana pipis noqaman jamuyta atinmanchu kachamuwaj Tatay mana pusamojtenqa. Noqataj chay jamojkunata kay pachaj tukukuynin p'unchaypi wañusqamanta kawsarichisaj.

San Juan 6:54

Pillapis ukhuyta mikhoj, yawarniytataj ujyajrí wiñay kawsayniyojña, noqataj kay pachaj tukukuynin p'unchaypi payta wañusqamanta kawsarichisaj.

Romanos 8:11

Ajinaqa pichus wañusqamanta Jesusta kawsarichej Diospa Espíritun qankunapi tiyakushan. Chayrayku imaynatachus Tata Dios Cristo Jesusta wañusqakunamanta kawsaricherqa, ajinallatataj Diosqa Espiritunnejta wañoj ukhuykichejtapis kawsarichillanqataj.

1 Corintios 6:14

Chayrayku, imaynatachus Dios Tukuyta Kamachej Jesusta wañusqamanta kawsaricherqa, ajinallatataj noqanchejtapis jatun atiyninwan kawsarichiwasun.

2 Timoteo 2:19

Chaywanpis Diospa cimiento churasqanqa sumajta sayan, chay cimientopitaj kay jina qhelqasqa kashan: Tukuyta Kamachej Diosqa paypata kajkunata rejsin, nispa. Nillantaj: Tukuy pikunachus Tukuyta Kamachej Diospata kajkunaqa millayta ruwaspa purinamanta t'aqakuchunku, nispa.

Santiago 5:15

Paykuna tukuy sonqo mañapojtinkutaj, onqosqa runa qhaliyaponqa, Tukuyta Kamachej Diostaj payta sayarichenqa. Sitajchus juchallikorqa chayqa, Diosqa juchallisqanta pampachallanqataj.

1 Pedro 1:5

Diospi atinikusqaykichejrayku qankunapis Diospa atiyninwan waqaychasqallataj kankichej, tukuy imamanta qhespichisqa kanata jap'inaykichejkama. Chayqa qhepanejman rikuchisqa kananpaj wakichisqa kashan.

Judas 1:1

Noqa Judas kani, Jesucristoj wata runan, chantá Santiagoj wawqen. Kay cartatataj Tata Diospa wajyasqankunaman apachimuni, pikunatachus Tata Dios munakun, Jesucristotaj waqaychan, chaykunaman.

1 Samuel 25:29

Pillapis qanta qhatiykachasojtin, chayrí wañuchiyta munasojtenqa, Tata Dios qanta waqaychasuchun. Awqaykikunatarí imaynatachus warak'awan rumita karuman wijch'unku, ajinata Tata Diosqa wijch'onqa.