San Juan 4:14 - DIOSPA QHELQACHISQ

¹⁴ Noqaj qosqay yakuta ujyajrí manaña jayk'ajpis ujtawan ch'akichikonqachu. Aswanpis noqaj qosqay yakoqa paypi mana ch'akej pujyu jina kanqa, chay yakutaj payman wiñay kawsayta qonqa, nispa.

Qheshwa Biblia DC

¹⁴ Noqaj qosqay yakuta ujyajqa, manaña jayk'ajpis ch'akichikonqa chu. Noqaj qosqay yakoqa paypi mana ch'akej pujyu jina kanqa; chay yakutaj wiñay kausaypaj phullchenqa.

DIOSPA QHELQACHISQAN DEUTEROCANONICAL

¹⁴ Noqaj qosqay yakuta ujyajrí manaña jayk'ajpis ujtawan ch'akichikonqachu. Aswanpis noqaj qosqay yakoqa paypi mana ch'akej pujyu jina kanqa, chay yakutaj payman wiñay kawsayta qonqa, nispa.

Quechua South Bolivia: Dios Parlapawanchej

¹⁴ Nokaj koskay yacuta ujyajrí wiñaypaj ni jayc'ajpis ch'aquichiconkachu. Astawanpis koskay yacoka paypi yacu pujyujina canka. Wiñay causaypaj phullchimonka, —nispa.

San Juan 4:14 ပူးပေါင်းရင်းမြစ်များ

Isaías 49:10

Mana yarqhachikonqankuchu nitaj ch'akichikonqankuchu. Manataj ruphaypis paykunata sonqorparenqachu, nitaj intipis ruphanqachu, imaraykuchus paykunamanta khuyakojqa yaku juturiman paykunata pusanqa.

Isaías 55:1

Tukuy ch'akichikojkuna, jamuychej yakuta ujyaj. Mana qolqeyojkuna, jamuychej. Mana qolqellawan trigota rantikuspa, mikhuychej. Jamuychej, mana pagaspalla vinota lechetapis ujyaychej.

Isaías 58:11

Chantá noqa Tata Diosqa pusaykachasqaykichejpuni. Ch'innejpi ashkha mikhunata qosqaykichej. Ukhuykichejtapis sumajta kallpachasaj. Qankunataj sumaj qarpasqa huerta jina kankichej, mana jayk'aj ch'akej yaku juturi jinataj.

Jeremías 2:13

Aylloyqa iskay imakunata ruwaspa, juchallin: Noqa kawsaj juturi yaku jina kashajtiypis, saqerpariwarqanku. Chaymantataj paykunaqa waj qochata allakorqanku, yakuta mana sayachej qochata.

Jeremías 31:25

Yarqhasqa kajkunaman mikhuchisaj, yakumanta ch'akisqakunamantaj yakuta ujyachisaj, nispa.

Ezequiel 47:9

Mayllamanpis kay iskay mayu yaykojtinku, tukuy laya animalkuna chay yakupi kawsanqanku. Ashkha challwakunapis kallanqankutaj. Mayllamanpis kay yaku chayaspaqa, k'ara yakuta misk'iman tukuchenqa. Pillapis kay mayuman chayajqa kawsanqa.

Levítico 11:36

Chaywanpis yaku juturi, yaku qocha imaqa llimphullapajpuni qhawasqa kanqa. Pichus wañusqa animalta llankharejlla mana llimphupaj qhawasqa kanqa.

San Mateo 25:46

Chaymantataj paykuna wiñay ñak'ariyman renqanku, cheqan kajta ruwajkunatajrí wiñay kawsayman yaykonqanku, nispa. Ajinata Jesús yachacherqa.

San Mateo 5:6

Kusikuyniyojmin kanku cheqan kawsaymanta yarqhachikojkunaqa, ch'akichikojkunapis, imaraykuchus Dios paykunata sajsachenqa.

San Juan 10:10

Suwaqa ovejakunata suwanallanpaj jamun, wañuchinanpaj, tukuchinanpaj ima. Noqarí ovejakuna kawsanankupaj jamuni, chay qosqay kawsaytaj may sumaj kawsay kanqa.

San Juan 11:26

Pillapis kawsashaspa noqapi atinikojtaj mana jayk'aj wañonqachu. Chay nisqayta jap'ikunkichu? nispa.

San Juan 4:10

Jinaqa Jesús kutichispa, nerqa: Qanqa Dios imatachus qosuyta munasqanta mana yachankichu, nillataj pichus yakuta mañakusojtapis rejsinkichu. Yachawajchus chayqa, noqamanta yakuta mañakuwankiman, noqataj kawsachej yakuta qoykiman, nispa.

San Juan 4:11

Chantá chay warmi nerqa: Wiraqochi, mana imapis yakuta orqhonaykipaj tiyapusunkichu, pujyutaj allin ukhu. Maymantataj chay kawsachej yakuta qowankimanri?

San Juan 4:13

Chantá Jesús kuticherqa: Pillapis kay yakumanta ujyajqa watej yaku ch'akiyniyoj kallanqataj.

San Juan 4:36

Pichus ruthojmanqa sumaj pagota paganku. Oqharisqanku poqoytaj runakuna kanku, pikunachus wiñay kawsayman yaykonqanku, chaykuna. Ajinaqa pichus tarpojwan, chajrata oqharejwan ima khuska kusikonqanku.

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

San Juan 6:35

Jesustajrí paykunata nerqa: Noqamin kawsayta qoj t'anta kani. Pillapis noqaman jamojqa mana jayk'ajpis yarqhachikonqachu, nillataj noqapi atinikojqa jayk'ajpis ch'akichikonqachu.

San Juan 6:58

Kaymá janaj pachamanta urayk'amoj t'antaqa, manataj, tataykichej mikhusqanku, chay maná nisqa t'anta jinallachu. Ñawpa tataykichejkunaqa chayta mikhuspapis wañorqanku. Kay t'antata mikhojrí wiñaypaj kawsanqa, nispa.

San Juan 7:37

Chay raymi tukukuy jatun p'unchaypi Jesús sayariytawan, jatunmanta parlaspa, nerqa: Tukuy pichus yakumanta ch'akichikojqa noqaman jamuchun, noqataj ujyananpaj yakuta qosaj.

Romanos 5:21

Ajinaqa jucha atiyniyoj karqa tukuy runakuna wañuyta rejsinankupaj. Ajinallataj kunanqa Diospa qhasilla k'acha yanapayninpis atiyniyojllataj, runa Diospa ñawpaqenpi cheqanpaj qhawasqa kananpaj. Chantá Jesucristonejta Dioswan allinyachisqa kasqanchejrayku noqanchej wiñay kawsayta jap'inchej.

Romanos 6:23

Juchaqa pagota jina wañuyta qon. Diostajrí Tukuyta Kamachej Jesucristonejta wiñay kawsayta qhasilla qon.

2 Corintios 1:22

Jinallatataj Santo Espirituta sonqonchejman kachamuwarqanchej, nisqanta junt'ananmanta seña kananpaj.

Efesios 4:30

Imaynachus purisqaykichejwan Diospa Santo Espiritunta ama llakichiychejchu, imaraykuchus paywan sellasqa kankichej jaqay jamoj p'unchaypi wiñay kawsaypaj kacharichisqa kanaykichejkama.

1 Pedro 1:22

Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

Apocalipsis 7:16

Paykuna manaña yarqhachikonqankuchu, nitaj yakumanta ch'akichikonqankuchu. Nillataj intipis paykunata imananqachu, nitaj ruphaypis kankanqachu.

Apocalipsis 7:17

Kamachina tiyanapi tiyashaj Corderoqa paykunata michenqa, kawsayta qoj yaku juturinkunamantaj pusanqa. Diostaj paykunaj ñawinkumanta waqasqankuta pichanqa, nispa.