San Juan 17:3 - DIOSPA QHELQACHISQ

³ Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

Qheshwa Biblia DC

³ Kaymin chay wiñay kausayqa: Qan k'ata cheqa Diosta rejsisunanku, kachamusqayki Jesucristotapis.

DIOSPA QHELQACHISQAN DEUTEROCANONICAL

³ Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

Quechua South Bolivia: Dios Parlapawanchej

³ Kan c'ata cheka Dios canqui nokatataj cachamuwarkanqui. Kanta nokatapis rejsispalla nokanchejwan ujchacuspataj runaka cheka causayman yaycun. Ajina ujchaska caymin wiñay causayka.

San Juan 17:3 ပူးပေါင်းရင်းမြစ်များ

1 Crónicas 28:9

Qanrí, wawáy Salomón, tukuy sonqowan tataykej Diosninta Diosniykipaj rejsikapuy. Chantá sonqomanta munaspa, payta yupaychay, imaraykuchus Tata Diosqa tukuypa sonqonchejta qhawan, imatachus yuyasqanchejtapis yachan. Ajinaqa, sichus payta mask'anki chayqa, payta tarinki. Payta saqerpariwaj chayrí, wiñaypaj qhesachasonqa.

2 Crónicas 15:3

May unayta Israelqa mana cheqa Diosniyojchu karqa, mana yachachej sacerdoteyoj, nitaj kamachejniyoj.

Salmos 9:10

10 (11) Tata Dios, qanta rejsisojkuna qanpi atinikunku, imaraykuchus qan mask'asojkunataqa ni jayk'aj saqerparinkichu.

Proverbios 8:35

Pichus noqata tariwajqa kawsayta tarin, jinallataj Tata Diospa khuyakuynintapis tarillanqataj.

Isaías 48:16

Qayllamuwaspa, kayta uyariwaychej: Qallariymantapacha noqaqa sut'ita parlarqani, kay tukuy ima junt'akushajtinpis, noqa chaypi karqani. Kunantaj noqa Tukuyta Kamachej Tata Dios payman Espirituyta qospa, payta kacharqani, nispa.

Isaías 53:11

Maypachachus pay rikonqa chay jina llakiyta ñak'arispa imatachus tarisqanta chaypacha, may sonqo junt'asqa kanqa. Cheqan kamachi chay jina ñak'arisqanwan ashkhata cheqanpaj qhawasqa kanankuta ruwanqa, imaraykuchus paykunaj juchankumanta jasut'isqa kanqa.

Isaías 61:1

Tukuyta Kamachej Tata Diospa Espíritun noqawan kashan, imaraykuchus Tata Diospuni noqata ajllakuwarqa. Sumaj willaykunata wajchakunaman willaranaypaj kachamuwan, llakisqakunatataj sonqochanaypaj. Presochasqa runakunaman kacharichisqa kanankuta willaranaypaj kachamuwan, jinallataj carcelkunapi kajkunatapis kacharichinaypaj.

Jeremías 10:10

Tata Diostajrí cheqa kaj Diospuni, kawsaj Dios, wiñaypaj Kuraj Kamachejtaj. Maypachachus pay phiñakun, chaypacha, kay pacha kharkatitin. Phiñakojtenqa, suyukunapis mana sayayta atinkuchu.

Oseas 6:3

Tata Diosta rejsinapaj kallpakunachej. Payqa noqanchejman jamonqapuni, imaynatachus inti sapa p'unchay llojsimunpuni, ajinata, chayrí imaynatachus paray tiempo chayamojtin paraqa jallp'ata qarpanpuni, ajinata.

Marcos 9:37

Pichus sutiypi kay wawa jina kajta, walejta jamunki, nispa jap'ikojqa noqata jap'ikushawan. Pichus noqata jap'ikuwajtaj, mana noqallatachu jap'ikuwan, aswanpis kachamuwajniy Tatayta, nispa.

San Lucas 9:48

Chantá nerqa: Pichus sutiypi kay wawa jina kajta: Walejta jamunki, nispa jap'ikojqa noqata jap'ikushawan. Jinallatataj pichus noqata jap'ikuwajpis kachamuwaj Tataytapis jap'ikullantaj. Chayrayku qankunamanta pisipaj qhawasqa kaj kurajniykichej kanqa, nispa.

San Juan 10:36

Sichus Tata Dios ajllawaspa noqata kay pachaman kachamuwarqa chayqa, imaraykutaj qankuna ninkichej, noqa Diospa Churin kani, nispa, Diospa contranta rimasqaytari?

San Juan 11:42

Noqa yachani qanqa uyariwasqaykitapuni. Chaywanpis kaypi kashaj runakunaj allinninkurayku jatunmanta parlaspa kayta nishani, qan kachamuwasqaykita jap'ikunankupaj, nispa.

San Juan 14:26

Chaywanpis sonqochaj Santo Espíritu, pitachus sutiypi Tata Dios kachamonqa, chaymin tukuy imata yachachisonqachej, yuyarichisonqachejtaj tukuy imatachus qankunaman nisqayta.

San Juan 17:18

Jinaqa imaynatachus qan kay pachaman kachamuwarqanki, ajinallatataj noqapis paykunata tukuy runaman nisqaykita willanankupaj kachani.

San Juan 17:21

Mañakuyki paykunapura ujchasqallapuni kanankuta. Imaynatachus Tatáy, qanwan, noqawan ujchasqa kanchej, ajinallatataj paykunapis noqanchejman ujchasqapuni kachunku, ajinamanta tukuy runakuna qan kachamuwasqaykita yachanankupaj.

San Juan 17:23

Noqaqa paykunaman ujchasqa kashani, qantaj noqaman. Ajinamanta paykuna uj sonqolla kanqanku, tukuy runakuna yachanankupaj qan kachamuwasqaykita. Yachallanqankutaj qan paykunata munakusqaykita, imaynatachus noqatapis munakuwanki, ajinata.

San Juan 17:25

Tatáy, cheqanpuni kanki. Chaywanpis qanman mana kutirikojkuna justiciaykita mana rejsinkuchu. Noqatajrí rejsiyki, qhatiwajkunapis qan kachamuwasqaykita yachanku.

San Juan 17:8

Imatachus willanayta niwasqaykita noqa paykunaman willarqani, paykunataj chayta jap'ikorqanku. Jinallataj paykuna yachanku noqa qanmantapuni jamusqayta, jinataj qan kachamuwasqaykita creenku.

San Juan 3:17

Diosqa mana runakunata juchachananpajchu Churinta kay pachaman kachamorqa, manachayqa paynejta paykunata qhespichinanpaj.

San Juan 3:34

Diospa kachamusqanqa Diospa simi nisqanmanta parlan, imajtinchus Diosqa Santo Espiritunta mana mich'akuspa payman qon.

San Juan 5:44

Qankunaqa qankunapuralla jatunchanakuyta munankichej, manataj Dios jatunchasunaykichejta mask'ankichejchu. Jina chayqa, imaynatataj noqapi atinikuwajchejri?

San Juan 6:57

Kachamuwaj Tatayqa kawsajmin, noqataj paynejta kawsani. Ajinallatataj noqata mikhuwajqa noqanejta kawsanqa.

San Juan 7:29

Noqarí paymanta jamusqayrayku payta rejsini, paytaj kachamuwarqa, nispa.

San Juan 8:19

Chantá Jesusta taporqanku: Tatayki maypitaj kashanri? nispa. Jesustaj kuticherqa: Qankunaqa mana noqata rejsiwankichejchu, nitaj Tataytapis. Sichus noqata rejsiwankichejman chayqa, Tataytapis rejsillawajchejtaj, nispa.

1 Corintios 15:34

Chayrayku qankuna yuyayniykichejman kutiriychej, amañataj juchalliychejchu, imaraykuchus qankunamanta wakin mana maychus kajta Diosmanta yachankichejchu. Chayta nishaykichej qankuna p'enqakunaykichejpaj.

1 Corintios 8:4

Chantá, imatataj nisunman lantikunaman jaywasqa mikhunamantari? Yachanchej jina lanteqa mana imachu kay pachapeqa. Yachallanchejtaj uj k'ata Dioslla kasqanta.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Filipenses 3:10

Noqaqa Cristota astawan rejsiyta munani, chaywantaj niyta munani kawsarichej atiynin noqapi rikukunanta. Jinallataj paywan khuska ñak'ariyta munani. Wañunay kajtinpis, pay jinallataj wañuyta munani.

Filipenses 3:8

Cheqapuni ñawpajta imachus kasqayta qhasi manakajpaj qhawani, Tukuyta Kamachej Jesucristowan kawsakuna tukuy imamanta nisqaqa aswan sumaj kasqanrayku. Cristota munakusqayrayku noqa chay tukuy imata qhesachani, jinataj Cristota kasunayrayku q'opata jina qhawani, paywan ujchasqa kanaypaj.

1 Tesalonicenses 1:9

Paykuna parlanku noqayku llajtaykichejman chayamojtiyku, imaynatachus wajyarikuwasqaykumanta. Jinallataj parlanku qankuna imaynatachus lantikunata yupaychayta saqespa, kawsashaj cheqa kaj Diosman kutirikusqaykichejta, payllataña kasunaykichejpaj.

2 Tesalonicenses 1:8

Payqa Diosman mana kutirikojkunata, jinataj Tukuyta Kamachej Jesusmanta sumaj willayta mana jap'ikojkunata jasut'enqa.

Hebreos 3:1

Chayrayku Diospaj t'aqasqa wawqe panakuna, janaj pachapi tiyakunapaj wajyasqa kajkuna, Jesús pichus kasqanpi unanchaychej. Payqa Diospa kachan, jinataj Kuraj Kaj Sacerdote, noqanchejtaj paypi atinikunchej.

2 Pedro 1:2

Kunantaj napaykuykichej: Diosqa qhasilla k'acha yanapayninta, chantá sonqo tiyaykusqa kayta ima astawan astawan qankunaman qosuchun, Tata Diosta, Tukuyta Kamachej Jesucristota ima rejsisqaykichejnejta.

2 Pedro 1:3

Diosqa may sumaj atiyninnejta tukuy ima necesitasqanchejta qowarqanchej, cheqanta ruwaspa kawsananchejpaj. Chaytataj jap'inchej Diosta rejsisqanchejrayku, pichus mana ni imapi pantaj kayninnejta, tukuy atiyniyoj kayninnejta ima wajyawarqanchej, chay Diosrayku.

2 Pedro 1:8

Sichus qankunajta kay imakuna may chhika tiyapusunkichej, chantá ruwashankichej chayqa, mana jinalla kakunkichejchu, Tukuyta Kamachej Jesucristota rejsisqaykichejpis manallataj qhasichu kanqa.

1 Juan 1:2

Kawsayta qojmin rikuchikorqa, noqaykutaj payta rikorqayku. Kunantaj rikojkuna jina qankunaman chay wiñay kawsaymanta willayku. Payqa Tata Dioswan karqa, noqaykumantaj rejsichikuwarqayku.

1 Juan 1:3

Ajinaqa imatachus rikusqaykuta, chantá uyarisqaykuta ima qankunaman willayku, qankuna uj sonqolla noqaykuwan kanaykichejpaj, imaynatachus noqaykupis Tata Dioswan, chantá Churin Jesucristowan uj sonqolla kayku, ajinata.

1 Juan 2:23

Pichus Diospa Churinta qhesachajqa mana Tata Dioswanchu kashan. Pichus Churita Cristo kasqanta nejrí Tata Dioswan kashan.

1 Juan 4:6

Noqaykurí Diospata kayku. Pichus Diospata kajkunataj uyariwayku. Pichus mana Diospata kajkunatajrí mana uyariwaykuchu. Chay jinamanta reparayta atinchej pichus cheqa kaj Espirituwan kashasqanta, pitajchus q'otiyaj espirituwan kashasqanta.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.