San Juan 17:25 - DIOSPA QHELQACHISQ

²⁵ Tatáy, cheqanpuni kanki. Chaywanpis qanman mana kutirikojkuna justiciaykita mana rejsinkuchu. Noqatajrí rejsiyki, qhatiwajkunapis qan kachamuwasqaykita yachanku.

Qheshwa Biblia DC

²⁵ Cheqan kaj Tatáy, mundoqa mana rejsisorqachu, noqataj rejsiyki, paykunataj yachankuña qan kachamuwasqaykita.

DIOSPA QHELQACHISQAN DEUTEROCANONICAL

²⁵ Tatáy, cheqanpuni kanki. Chaywanpis qanman mana kutirikojkuna justiciaykita mana rejsinkuchu. Noqatajrí rejsiyki, qhatiwajkunapis qan kachamuwasqaykita yachanku.

Quechua South Bolivia: Dios Parlapawanchej

²⁵ Chekan Tatáy, cay pacha runaska mana munarkancuchu rejsisuyta. Nokarí kanta rejsiyquipuni. Kowaskayqui runasniypis cachamuwaskayquita yachancu.

San Juan 17:25 ပူးပေါင်းရင်းမြစ်များ

Isaías 45:21

Qankuna allinta parlaychej. Ruwasqaykichejmanta sumajta rimanakuspa, imatachus ninaykichejta wakichikuychej. Pitaj qallariymantapacha chay imakunata ruwarqari? Pitaj unaymantapacha chay imakunata willanri? Manachu Noqa Tata Dios chay imakunamanta willarqaykichej? Noqamanta jawaqa mana waj dios kanchu. Noqalla cheqanta ruwaj Dios, qhespichejtaj kani. Noqamanta jawaqa manapuni ujpis kanchu.

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

San Mateo 16:16

Chantá Simón Pedro kuticherqa: Qanqa Diospa kachamusqan Cristo kanki, kawsaj Diospa Churin, nispa.

San Lucas 10:22

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nillataj pipis yachanchu pichus Tata kasqanta, manachayqa Churillan yachan, jinallataj pimanchus Churi rejsichiyta munan, chaypis, nispa.

San Juan 1:18

Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

San Juan 10:15

Imaynatachus Tata Diosniy rejsiwan, ajinallatataj noqapis payta rejsini. Chantá ovejaykunata qhespichinayrayku noqa wañusaj.

San Juan 15:21

Paykuna chay tukuyta ruwasonqachej yachachisqay kasqaykichejrayku, imajtinchus Diosman mana kutirikojkunaqa pichus Kachamuwajta mana rejsinkuchu.

San Juan 16:27

Tata Diosniy pay kikin munakusunkichej, imaraykuchus noqata munakuwankichej, Tata Diosmanta jamusqaytataj tukuy sonqo creenkichej.

San Juan 16:3

Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu.

San Juan 16:30

Kunan yachayku tukuy imata yachasqaykita, manataj pipis imata tapusunan kanchu. Chayrayku Tata Dios kachamususqanta tukuy sonqo creeyku, nispa.

San Juan 17:11

Noqa manaña kay pachapichu kasaj. Paykunataj kay pachapi qhepakonqanku, noqatajrí qanman jampusaj. May llimphu kaj Tatáy, noqapi atinikojkunata atiyniykiwan waqaychay, paykuna uj sonqolla kanankupaj, imaynatachus qanwan noqawan ujlla kanchej, ajinata.

San Juan 17:18

Jinaqa imaynatachus qan kay pachaman kachamuwarqanki, ajinallatataj noqapis paykunata tukuy runaman nisqaykita willanankupaj kachani.

San Juan 17:21

Mañakuyki paykunapura ujchasqallapuni kanankuta. Imaynatachus Tatáy, qanwan, noqawan ujchasqa kanchej, ajinallatataj paykunapis noqanchejman ujchasqapuni kachunku, ajinamanta tukuy runakuna qan kachamuwasqaykita yachanankupaj.

San Juan 17:23

Noqaqa paykunaman ujchasqa kashani, qantaj noqaman. Ajinamanta paykuna uj sonqolla kanqanku, tukuy runakuna yachanankupaj qan kachamuwasqaykita. Yachallanqankutaj qan paykunata munakusqaykita, imaynatachus noqatapis munakuwanki, ajinata.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

San Juan 17:8

Imatachus willanayta niwasqaykita noqa paykunaman willarqani, paykunataj chayta jap'ikorqanku. Jinallataj paykuna yachanku noqa qanmantapuni jamusqayta, jinataj qan kachamuwasqaykita creenku.

San Juan 3:17

Diosqa mana runakunata juchachananpajchu Churinta kay pachaman kachamorqa, manachayqa paynejta paykunata qhespichinanpaj.

San Juan 6:19

Yachachisqankunataj uj legua kurajta jina botepi risqankumantaña, Jesusta yaku patata boteman qayllaykamushajta rikorqanku, mancharikorqankutaj.

San Juan 7:29

Noqarí paymanta jamusqayrayku payta rejsini, paytaj kachamuwarqa, nispa.

San Juan 8:19

Chantá Jesusta taporqanku: Tatayki maypitaj kashanri? nispa. Jesustaj kuticherqa: Qankunaqa mana noqata rejsiwankichejchu, nitaj Tataytapis. Sichus noqata rejsiwankichejman chayqa, Tataytapis rejsillawajchejtaj, nispa.

San Juan 8:55

Qankuna mana payta rejsinkichejchu, noqatajrí payta rejsini. Noqachus niyman: Mana rejsinichu, nispa chayqa, qankuna jina llulla kayman. Noqarí payta rejsini, nisqantataj junt'ani.

Hechos 17:23

Llajtaykichejpi puriykachashaspaqa, chay dioskunata yupaychanapaj may chhika altarkunata rikuni. Jinallataj uj altartapis tarini kay jinata nishajta: “Kayqa mana rejsisqa diospata”, nispa. Chay Diosmanta, pitachus mana rejsispalla yupaychankichej, chaymantamin noqaqa parlasqaykichej.

Hechos 26:18

Noqa qanta kachasqayki mana judío kajkunaj ñawinkuta kicharinaykipaj, laqhamanta sut'iman llojsimunankupaj, ajinamanta noqapi atinikusqankurayku Dios juchankuta pampachanqa. Jinallataj paykunapis Diospaj t'aqasqa kajkunawan khuska chayaqeta jap'illanqankutaj, nispa.

Romanos 1:28

Jinapi Diosta mana cuentaman churayta munasqankuraykutaj, Dios paykunata saqerparerqa ch'ichi millay yuyasqankuman jina mana ruwanata ruwanankupaj.

Romanos 3:11

Yuyayniyojqa mana pipis kanchu, nillataj Diosta mask'ajpis.

Romanos 3:26

Chayta ruwarqa rejsichinanpaj kunan p'unchay imaynatachus pitapis cheqan runapaj qhawasqanta. Payqa cheqan kajta ruwaj kasqanrayku Jesuspi atinikojkunata cheqanpaj qhawasqa runaman tukuchin.

1 Corintios 1:21

Dios mana saqerqachu runakuna tukuy yachayninkuwan payta rejsinankuta. Manachayqa Jesusmanta sumaj willayta willasqaykuta jap'ikojkunata qhespichinanta nerqa, chay willasqayku wampoj yuyasqanman rijch'akushajtinpis.

1 Corintios 15:34

Chayrayku qankuna yuyayniykichejman kutiriychej, amañataj juchalliychejchu, imaraykuchus qankunamanta wakin mana maychus kajta Diosmanta yachankichejchu. Chayta nishaykichej qankuna p'enqakunaykichejpaj.

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

2 Tesalonicenses 1:8

Payqa Diosman mana kutirikojkunata, jinataj Tukuyta Kamachej Jesusmanta sumaj willayta mana jap'ikojkunata jasut'enqa.

Hebreos 8:11

Manaña pipis runa masinta yachachenqañachu, nitaj wawqentapis nenqachu: Tata Diosta rejsinayki tiyan, nispa, imaraykuchus tukuy rejsiwanqanku, sullk'amantapacha kurajninkukama.

1 Juan 1:9

Juchanchejtachus Diosman rimarinchej chayrí, payqa nisqanta junt'aj, cheqantaj kasqanrayku juchanchejta pampachanqa. Jinallataj payqa tukuy millay ruwasqanchejmantapis llimphuchawasunchej.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.

Apocalipsis 16:5

Chantá yakuta kamachej angelta kay jinata nejta uyarerqani: Tukuyta Kamachej Dios, qanmin cheqan kanki. Qanqa wiñaypaj kawsanki, may llimphutaj kanki, imaraykuchus runata jasut'ispaqa, cheqanta ruwanki.