San Juan 17:21 - DIOSPA QHELQACHISQ

²¹ Mañakuyki paykunapura ujchasqallapuni kanankuta. Imaynatachus Tatáy, qanwan, noqawan ujchasqa kanchej, ajinallatataj paykunapis noqanchejman ujchasqapuni kachunku, ajinamanta tukuy runakuna qan kachamuwasqaykita yachanankupaj.

DIOSPA QHELQACHISQAN DEUTEROCANONICAL

²¹ Mañakuyki paykunapura ujchasqallapuni kanankuta. Imaynatachus Tatáy, qanwan, noqawan ujchasqa kanchej, ajinallatataj paykunapis noqanchejman ujchasqapuni kachunku, ajinamanta tukuy runakuna qan kachamuwasqaykita yachanankupaj.

Quechua South Bolivia: Dios Parlapawanchej

²¹ ujlla canancupaj. Kan, Tatáy, nokapi cashanqui nokapis kanpi cani. Ajinapi nokanchejpis tucuy paycunawan ujlla casunchej. Ajinapitaj cay pacha runas kan cachamuwaskayquita creenkancu.

San Juan 17:21 ပူးပေါင်းရင်းမြစ်များ

Jeremías 32:39

Chantá uj sonqolla, uj yuyayniyojllataj kanankuta ruwasaj, noqata wiñaypaj yupaychanawankupaj. Ajinata ruwasqankoqa paykunapaj, chantá wawankupaj ima allin kanqa.

Sofonías 3:9

Chay p'unchay chayamojtin, noqa tukuy runakunaj parlayninkuta mosojyachisaj, tukuyninku sutiyta oqharispa yupaychanawankupaj, uj sonqolla munayniyta ruwanankupaj ima.

Zacarías 14:9

Chay p'unchayqa Tata Dioslla tukuy kay pachata kamachenqa. Chaypacha uj k'ata Tata Dioslla kanqa, uj k'atallataj sutinpis kanqa.

Marcos 3:24

Jesús nillarqataj: Sichus uj suyupi runakuna chejninakuspa t'aqanakunkuman chayqa, chay suyoqa manaña sayanmanchu, tukukunman.

San Juan 10:16

Waj ovejaykunapis tiyapullawantaj, mana kay tropamanta kajkuna. Noqataj chay ovejakunatapis pusamunallaytaj tiyan. Paykunata wajyajtiy, uyariwanqanku, chantá tukuy ovejaykuna uj tropalla kanqanku, uj k'ata michejniyojtaj.

San Juan 10:30

Noqawan, Tata Dioswanqa ujlla kayku, nispa.

San Juan 10:38

Sichus Tataypa ruwananta ruwani chayrí, amapis noqapi atinikuychejchu. Aswanpis t'ukuna ruwasqallayta cheqapuni kasqanta creeychej. Ajinamanta sut'ita yachankichej Tata Dioswan, chantá noqawan ima ujlla kasqaykuta, nispa.

San Juan 11:42

Noqa yachani qanqa uyariwasqaykitapuni. Chaywanpis kaypi kashaj runakunaj allinninkurayku jatunmanta parlaspa kayta nishani, qan kachamuwasqaykita jap'ikunankupaj, nispa.

San Juan 13:32

Sichus Runaj Churin Dios jatunchasqa kasqanta rejsichenqa chayqa, Diospis Churinta jatunchasqa kasqanta rejsichillanqataj. Chaytataj manaraj imapi ruwanqa.

San Juan 13:35

Qankunachus purajmanta munakunkichej chayqa, tukuy runakuna yachanqanku noqaj yachachisqay kasqaykichejta, nispa.

San Juan 17:11

Noqa manaña kay pachapichu kasaj. Paykunataj kay pachapi qhepakonqanku, noqatajrí qanman jampusaj. May llimphu kaj Tatáy, noqapi atinikojkunata atiyniykiwan waqaychay, paykuna uj sonqolla kanankupaj, imaynatachus qanwan noqawan ujlla kanchej, ajinata.

San Juan 17:18

Jinaqa imaynatachus qan kay pachaman kachamuwarqanki, ajinallatataj noqapis paykunata tukuy runaman nisqaykita willanankupaj kachani.

San Juan 17:20

Mana paykunallapajchu mañakuyki, aswanpis pikunachus paykunaj willasqankunejta noqaman kutirikamonqanku, chaykunapajpis.

San Juan 17:25

Tatáy, cheqanpuni kanki. Chaywanpis qanman mana kutirikojkuna justiciaykita mana rejsinkuchu. Noqatajrí rejsiyki, qhatiwajkunapis qan kachamuwasqaykita yachanku.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

San Juan 17:8

Imatachus willanayta niwasqaykita noqa paykunaman willarqani, paykunataj chayta jap'ikorqanku. Jinallataj paykuna yachanku noqa qanmantapuni jamusqayta, jinataj qan kachamuwasqaykita creenku.

San Juan 3:17

Diosqa mana runakunata juchachananpajchu Churinta kay pachaman kachamorqa, manachayqa paynejta paykunata qhespichinanpaj.

San Juan 5:23

Ajinamanta tukuy runakuna Churinta maypaj qhawanqanku, imaynatachus Tata Diosta maypaj qhawanku, ajinata. Pillapis Diospa Churinta mana maypaj qhawajrí nillataj kachamoj Tatantapis maypaj qhawanchu.

Hechos 2:46

Chantá Temploj pationpi tukuyninku sapa p'unchay uj sonqolla tantakojpuni kanku. Wasinkupipis paykuna Jesuspa Cenanta ruwaj kanku, jinataj mikhunatapis khuska mikhoj kanku may kusiywan, llamp'u sonqowantaj.

Hechos 4:32

Chantá Jesucristopi atinikojkuna uj yuyaylla, uj sonqolla karqanku. Mana pipis nejchu kapuynin paypallata kasqanta, manachayqa tukuy imanku tukuyninkojta karqa.

Romanos 12:5

Ajinallataj noqanchejpis ashkha kaspapis, Cristoman ujchasqa uj ukhu jina kanchej. Jinallataj sapa ujninchej ujkunawan sumaj ujchasqallataj kanchej.

1 Corintios 1:10

Wawqe panakuna, Tukuyta Kamachej Jesucristonchejpa sutinpi mañakuykichej, tukuyniykichej ujllata parlanaykichejta. Ama qankuna ukhupi t'aqanaku kachunchu. Aswanpis qankunapura k'achata kawsakuychej, uj sonqolla kaspa, ujllata yuyaspa ima.

1 Corintios 12:12

Kayta nisunman: Runaj ukhunpataqa ashkha iman tiyan. Chaywanpis ukhu ashkha imayoj kashaspapis, ukhoqa ujlla. Ajinallataj Cristoj ukhunwanpis kashan, mayqenchus Iglesian, chaywan.

1 Corintios 6:17

Pichus Tukuyta Kamachej Jesuswan ujchakojrí paywan ujlla kashan.

Gálatas 3:28

Ajinaqa, judío kana chayrí mana judío kana, wata runa kana chayrí mana wata runa kana, qhari kana chayrí warmi kanapis mana imananchu. Sichus qankuna Cristo Jesusman ujchasqa kankichej chayqa, tukuyniykichej uj rejllaña kankichej.

Filipenses 1:27

Kayta niykichej: Qankuna allinta puriychej Cristomanta sumaj willayta allinpi rikhurichinaykichejpaj jina. Ajinapi noqa watukoj jamuspapis, chayrí karupi kashaspapis, qankuna sinch'ita sayashasqaykichejta uyariyta munani, jinallataj uj sonqolla kashasqaykichejta. Chantá uyariyta munallanitaj khuska Jesusmanta sumaj willayta mana sayk'uspa willashasqaykichejta.

1 Juan 1:3

Ajinaqa imatachus rikusqaykuta, chantá uyarisqaykuta ima qankunaman willayku, qankuna uj sonqolla noqaykuwan kanaykichejpaj, imaynatachus noqaykupis Tata Dioswan, chantá Churin Jesucristowan uj sonqolla kayku, ajinata.

1 Juan 5:7

Jinapuni kasqanta sut'inchajkunaqa kinsa kanku: